حوار لطيف بين رجل وزوجته بسبب البيتزا

حوار لطيف بين زوج مع زوجته

هو: حبيبتي أنا حأطلب بيتزا، عايزة حاجة؟
هي: لا ياحبيبي
هو: اوكي
هي: ولاّ اقولك
هو: ها، أطلبلك كمان؟
هي: مش عارفة
هو: مش عارفة اذا كنتي عايزة؟
هي: لا
هو: انتي جعانة؟
هي: يعني
هو: يعني إيه يعني؟
هي: يعني مش متأكدة اذا كنت جعانة ولا لأ
هو: الواحد لما بيكون جعان بيعرف
هي: لأ بس يمكن اجوع بعدين
هو: يعني اطلب لك بيتزا؟
هي: طيب واذا ما كنتش جعانة وقتها؟
هو: ما تاكليش
هي: بس ده كدة يبقى تبذير
هو: خلاص، تبقي تاكليها بكرة
هي: واذا ما كانش لي نفس آكل بيتزا بكرة؟
هو: مش محتاجة نفس ، الواحد عادي ممكن ياكل بيتزا كل يوم
هي: انا لا.. أنا مش باكل بيتزا الا لما يكون عندي نفس للبيتزا
هو: طيب بلاش، أطلب لك حاجة تانية؟
هي: بس أنا مش عايزة حاجة تانية
هو: يعني عايزة بيتزا؟
هي: لا
هو: جننتيني، طب أعمل إيه؟
هي: اطلب انت لنفسك
هو: الحمد لله، اخيرا.. ماشي
هي: بس اطلب بيتزا بالتونة
هو: نعم؟ انا مش بحب البيتزا التونة
هي: بس انا بحبها
هو: وانتي مالك؟ هو انا حاطلب ليا ولا ليكي
هي: ليك طبعا
هو: طيب أطلبها ليه بقى بالتونة؟
هي: يمكن اجوع لما يوصل الاكل
هو: وبعدين؟
هي: ياسلام، يعني تفتكر آكل حاجة مش عاجباني؟
هو: ليه هو انتي.. أصلاً.. عايزة تاكلي؟
هي: ليه لأ؟
هو: يامثبت العقل.. هو أنا حاطلب بيتزا لي, عشان احتمال انتي تاكليها اذا كنتي جعانة؟؟
هي: بالضبط
هو: وأنا بلاش آكل؟
هي: يمكن وقتها أكون مش جعانة

[b] :bounce: :bounce: :D :bball: cheers

هههههههههههههه ... براحه علينا شوية ياعبد الرحمن الضحك كدا هيتحول من معتدل الى منحرف

جميله اوي ده لو عاش معاها كتير هيتنقل على مستشفى المجانين فورا ربنا يصبره

مستشفى المجانين ده شويه عليه ... ساعتها هتكون فى حاجه اكبر من كده..

ونورت الموضوع بجد بالمرور والرد

يا رجالة الغلطة غلطته
وهو ياخد على كلامها ولا يسألها ليه من أصله

يقولها لما تجوعي اطلبي اللي انتي عاوزاه
ويخلص

والله هو ده الكلام احنا ناقصين وجع دماغ ........نسوان فاضيه صحيح

» نعتذر عن عدم ظهور العذراء بسبب عطل فى اجهزة الليزر!!!!
» ارتفاع نسبه الطلاق والخيانه الزوجيه بسبب دخول غرف الشات..
» هـــل تؤيد تأجيـل العام الدراسـى فى مصــر بسبب انفلونزا الخنازير ام لا .......؟؟؟
» حوار بين ذكر وانتثى........
» حوار مع الشيطان