اقتراح جميل

[b] بصوا بقى يا جماعه بصفتى صاحبه بيت سورى صاحبه منتدى لازم نفكر كلنا ازاى نكبر المنتدى بتاعنا انا عندى شويه اقترحات على ادى كده ,وده طبعاااا بعد اذن الاداره

1-لازم نخصص قسم للاقترحات نسميه (اقترحات ) (اقتراحك يهمنا ) اى اسم يساعد اى عضو على انه يقدم اقتراحه للنهوض بالمنتدى .
2-لازم نعرف ناس كتير بمنتدانا ده ,لازم الاعضاء يكتروا ان شاء الله .
3-يا ريت يكون فى حاجه مخصصه توضح اهداف المنتدى ولازم تكون مكتوبه بصياغه كويسه ,عشان مينفعش ندعى ناس لمنتدى اهدافه مش محدده لازم تكون اهداف واضحه ودقيقه جدااا ولازم نكتب شروط المنتدى ,ومش معنى ان احنا ناس معتدلين فى تفكيرنا ان احنا نسيب المنتدى كده من غير شروط لان طالما هندعوا ناس ,يبقى نتوقع كل الالوان والاشكال و الاصناف من الناس دى
4-ممكن نعمل قسم باسم (منوعات ) ونحط فيها موضوع الاقترحات وموضوع الاهداف والقوانين .
5-ليا تعليق بسيط على اقسام المنتدى بالنسبه لقسم التعارف ده فكره جميله بس الملاحظ ان كل واحد بيكتب اللى على مزاجه يعنى مثلا انا كتبت اللون المفضل الدكتور مهدى كتب الاهداف ,قصدى ان يكون فى بينات محدده يكتبها المدير المفروض على كل عضو انه يمليها ويتكتب بعد كده وللعضو ان يكتب المزيد من المعلومات التى يريد باقى الاعضاء الاطلاع عليها ,ولو حد من الاعضاء مش عاوز يملى بيان معين ,مش مشكله دى حريه شخصيه
6-قسم التعليم الجامعى ,انا معترضه على وجود كليتين بس معنى كده ان انا وساره ملناش مكان ,ومش معنى كلامى ان احنا نحط كل الكليات و فى الاخر منلقيش اعضاء يكتبوا فيها حاجه ,لكن راى ان احنا نسيب اسم القسم زى ما هو (قسم التعليم الجامعى ) ونطلع ليه فرعين فرع كلايات علميه وفرع كليات ادبيه لحد المنتدى ما يكبر ان شاء الله وبعدين نبدء اعاده تقسيم الكليات تانى
7-عشان المنتدى يكبر لازم كل واحد يلاقى فيه الحاجه اللى بيحبها ,يعنى مثلا نعمل قسم اسمه (النص الحلو ) عشان البنات ,عجبنى اوى القسم الرياضى ,
8-مش عيب ان الواحد يتعلم من غيره ,ومش معنى كلامى ان منتدانا يكون صوره طبق الاصل من حد ,لكن عشان يكبر لازم الاداره تشوف منتديات كتيره وكبيره وتشوف نظامها وتسال الاداره ازاى جابوا اعضاء فيها


يعنى ده اللى فى دماغى دلوقتى
واحب اودع منتدايا الجديد لانى ان شاء الله هنتظم فى الدراسه بكره او بعده ,وهيبقى صعب جدااااااااااااااااا انى اشارك .

أنا باقترح نستخدم template تاني للمنتدي لأن ده مش قادر أتعود عليه لحد دلوقتي

ممكن يا مهدي ولا ...............

احب اشكر الاداره لسرعه استجابتها لاقترحات الاعضاء.

ربنا يسهل يادكتور ايمن جارى البحث على طلبك .. وبعدين انت ياباشا ماينفعش تقولى ممكن . انت قولى علطول ولا اعمل كذا .. واحنا تحت امرك يادكتور ..