يا ترى مين افضل عضو فى ......

[b] السلام عليكم ورحمه الله وبركاته

::: من الواضح ان الاقبال على القسم الدينى ضعيف , عشان كده بطلب من الكل اعضاء ومشرفين , الاهتمام اكتر بيه , وطبعاااا انا عارفه ان الكل شغال دلوقتى ومحدش هيقرء موضوعى ده الا متاخر , بس انا كتبته عشان ان شاء الله لما نرجع كلنا من امتحنان الترم نلاقى حاجه نشترك فيها على طول , مش لسه هنفكر فى مواضيع , والواحد اصلا بعد امتحنات الترم , مش بتبقى دماغه سخنت من كتر التفكير .

:::هنعمل مسابقه , فكرتها ايه ؟ ان حد مننا هيتفضل يقدم نفسه , ويكون على استعداد انه يستقبل اسئله من الباقى , طبعا الاسئله دى دينيه والافضل لو كانت فقهيه لان الفقه من اكتر المواد اللى بتمس الواقع , وسواء كان السائل عارف الاجابه او مش عارفها يتفضل يسال , وبالنسبه للمسؤل بقى مش عاوزينه يعملنا فيها مفتى الجمهوريه ويألف اى حاجه من دماغه , ويقولك اصل دى وجه نظرى , طبعا مينفعش لان دى امانه هيسأل عليها ادام ربنا , طيب يجيب الحل من اين ؟ يدور على كتاب او مرجع , اهم حاجه تكون الاجابه من مصدر موثوق فيه , ويا ريت لو كتاب او حاجه يكتبلنا اسمه ورقم الصفحه اللى جاب منها الحل , طبعاااا فى ناس مش هتعرف تحل بعض الاسئله , وفى ناس هتحلها كلها , المهم هنحط لكل سؤال درجه , ولكل عضو وقت محدد انه يتسال فيه , وبعد كده هنشوف مين اعلى درجه .

:::وطبعا المسؤل وهو بيدور فى كتاب فقه او تفسير او حديث مثلا , يلاقى معلومه كده ولا كده تنفعه , او يلاقى اجابه سؤال مكنش يعرفه , او يفهم حاجه جديده , وطبعااااا نلم بقى حسنات كلنا , السائل والمسؤل , والاعضاء اللى بيشاركوا , وصاحبه الفكره .

:::شروط المسابقه بقى :- كل عضو من حقه 3 اسئله فقط , ولو المسؤل معرفش اجابه سؤال , محدش يدخل ويحله الا بعد ميكون دور المسؤل ده انتهى , مثلا لو انا اللى بتسال وبوسى سالتنى سؤال وانا معرفتش , يبقى المفروض انها متحلهوش الا لما دورى يخلص ونبدء ندور على حد غيرى .

:::طبعاا بقى لو حد متقدمش , هنبدء احنا نختار بالاقدميه فى المنتدى , الاكبر سننا ,بالحروف الابجديه , هناخد اكبر راس فى المنتدى نبدء بيهااااا .
المهم ان شاء الله هتشارك يعنى هتشارك , ولو حد عنده اقتراح يقدمه .

معلش طولت عليكم

فكره كويسه......
وانشاء الله هايكون فى اقبال