weladekyamasr
مرحبا بك زائرنا العزيز ...
تسعدنا زيارتك ويشرفنا ان تكون عضوا فى منتدانا ...
لنكن إخوة فى الله .

weladekyamasr

منتدى ولادك يامصر .. منتدى كل المصريين
 
الرئيسيةس .و .جبحـثالتسجيلدخول
حتى تكون أسعد الناس
اترك المستقبل حتى يأتى ولاتهتم بالغد لانك اذا اصلحت يومك صلح غدك
مامضى فات ومافات مات فلا تفكر فيما مضى فقد ذهب وانقضى
كرر ( لاحول ولاقوة الا بالله ) فانها تشرح البال وتصلح الحال وتحمل بها الاثقال وترضى ذا الجلال
أكثر من الاستغفار فان معه الرزق والفرج والذرية والعلم والتيسير وحط الخطايا
لاتجالس البغضاء والثقلاء والحسدة فانهم حمى الروح وهم حملة الاحزان
ابسط وجهك للناس تكسب ودهم وألن لهم الكلام يحبوك وتواضع لهم يجلوك
كن واسع الافق والتمس الاعذار لمن اساء اليك لتعش فى سكينه وهدوء واياك ومحاولة الانتقام
لاتفرح اعدائك بغضبك وحزنك فان هذا مايريدون فلا تحقق امنيتهم الغالية بتعكير حياتك
سب اعدائك لك وشتم حسادك يساوى قيمتك لانك اصبحت شيئا مذكورا ورجلا مهما
لاتتاثر من القول القبيح والكلام السيئ الذى يقال فيك فانه يؤذى قائله ولا يؤذيك

شاطر | 
 

 انتا بتدخل المنتدى ليه ؟

اذهب الى الأسفل 
كاتب الموضوعرسالة
fatma ahmed

avatar

انثى عدد الرسائل : 195
تاريخ التسجيل : 04/10/2008
مشكور : 0
نقاط : 9

مُساهمةموضوع: انتا بتدخل المنتدى ليه ؟   الثلاثاء أغسطس 04, 2009 12:26 pm

السلام عليكم جميعاً
انا متشكرة جداااااا لكل الناس اللى سألت عليا فى غيابى ، ربنا يكرمهم جميعاً وطبعاً مبارك لكل الناجحين مبارك وعقبال التخرج ، ان شاء الله .
انا اخترت عنوان الموضوع ده : انتا بتدخل المنتدى ليه ؟ عشان هدفين اتنين بالتحديد
الأول : نوضع اهداف واقعية وحقيقية للمنتدى بتعنا وهفصل الكلام فى ده ان شاء الله
الثانى : ليه الاعضاء مش بيدخلوا كتير فى المنتدى ، واللى بتبعتله دعوى من اصحبنا ، عشان ميزعلانش يدخل يكتب اسمه ويطلع وهفصل الكلام فى النقطة دى ان شاء الله
...................
اولاً: لازم تكونوا عارفين حاجه مهمه انا لو المنتدى ميهمنيش مكنتش كتبت موضوع ولا حتى فكرت فى ده ، ومن المنطلق ده مش عاوزه حد يزعل منى ، وبكررها مش عاوزه حد يزعل منى ، يا جماعة لازم قبل ما نفكر فى انتخابات المنتدى لازم نفكر ايه هى اهداف المنتدى وبالتحديد ، معلش ازهراوى مع تحفظى الشديد لحاجات كتير فيه بس اهدافة واضحه جدااا ومحددة جددا عشان كده احنا دخلناه وعرفنا بعض من هناك ، ايه اللى ممكن نقدمه وننفع بعض ؟ ايه مميزات المنتدى بتعنا عن غيره من المنتديات ؟ طبعا ايد لوحدها متصقفش كل واحد يقول ايه سبب دخوله المنتدى ،وبصراحة بصراحة بصراحة ومن هنا نقدر نجمع الميول ونميها لحد مهنوصل لاهداف ترضى الجميع .
ثانياً:انتا ليه مش بتدخل المنتدى كتير ؟ سؤال بساله لنفسى وليكم لو عايزين بجد حل ، ولازم عشان نلاقى حل نتكلم بكل صراااااااااااااااااااااااحة بدون تحفظ .
الرجوع الى أعلى الصفحة اذهب الى الأسفل
fatma ahmed

avatar

انثى عدد الرسائل : 195
تاريخ التسجيل : 04/10/2008
مشكور : 0
نقاط : 9

مُساهمةموضوع: رد: انتا بتدخل المنتدى ليه ؟   الثلاثاء أغسطس 04, 2009 1:27 pm

السلام عليكم
بصفتى انا اللى كتبت الموضوع ، لازم اكون من اول الناس اللى هترد - ان شاء الله - هجاوبكم بشىء من التفصيل يعنى زى ما بيقولوا كلام من غير اطناب ممل ولا ايجاز مخل .
اولاً- عشان اجاوب بصراحة مطلقة لازم احكى الحكاية من اولها واولها ان فاطمة احمد واحده فى الثانوية الازهريه كل اللى نفسها فيه مجموع يدخلها الكليه اللى بتحلم بيها ، فاطمة ومعندهاش حاجه تعطلها عن ده يعنى ملهاش اصدقاء وقرايبها بتشوفهم كل سنة مرة ده اذا حصل وشفتهم يعنى من الاخر واحده منعزله عن الناس بصفه كليه اخرها تنزل تشترى حاجه ، طيب فاطمة كانت ازاى بتعرف الدنيا ماشية ازاى طبعا من التلفزيزن بتشوف ايه اللى الناس بتعمله فى بعض فكانت بتحذر انها تتعمل مع الناس الا من بعيد لانها خايفة ليضروها
ثانياً- ظهرت نتيجة الثانوية والحمدد لله فاطمة جابت 91.2 % من غير متغش ولا كلمة الحمد لله لكن مجموعها ميدخلهاش الكلية اللى كانت عندها كافه والناس فى كافه ، اصبحت فاطمة بلا معنى لا مستقبل لا اصحاب لا اى حاجه كل اللى كانت تعرفه عن النت جوجل فقط لا غير لا تفقه شىء فى النت الا جوجل طبعا عدت عليها اجازة الثانوية باعجوبه دخلت الكليه وهى محطمة داخله قسم مش حباه مفروض عليها ، مفتحتش كتاب لانها مش عاوزه تنجح لان النجاحفى القسم ده مش بيمثل ليها شىء المهم فاضل على الامتحان شهر اضطرت فاطمة تفتح الكتب وفجاه بدون مقدمات عرفت فاطمة موضوع الماسنجر بالصدفه البحته وبعدين اخوها عرفها ازاى تدخل على الشات وازاى تعمل ايميل
ثالثاً- طبعااااااااا مفجاه ايه ده هو فى حاجه كده ، ينفع انى اكلم كل الناس دى من وانا هنا فى بيتى اقدر اعرف كل اسرارهم ومشاكلهم بجد متعة فظيعة انك تعرف كل الناس دى وتكلم كل الناس دى وانتا قبل كده مكنتش لاقى بنى ادم واحد يكلمك طبعا الشات والماسنجر بقى بجد حياتى لفتره شهرين او ما يقرب من ذلك المهم عرفت ناس كتير ولان ربنا بيحبنى انى كنت بخاف من ربنا جدا فكنت بتكلم مع كل الاصناف الناس الكويسه والاذكياء وده النوع اللى بيعجبنى الكلام معاهم ونوع تانى كنت بفرض عليهم اسلوب معين فى الكلام يعنى عجبكم تتكلموا فى ده اوك مش عاجب فى داهيه لانهم كانوا زباله ، وطبعااا كل ده وانا فى قمه السعادة
رابعاً- فجاة نداء داخلى: ايه اللى بتعمليه ده يا فاطمة بتضيعى عمرك ادام النت ؟ ايه لزمتها تكلمى ولد وتضيفى ايميله حتى ولو كان ظاهرا انه محترم؟ لما ربنا يسالك يوم القيامة عمرك افنتيه فى ايه ؟ هقول يا رب كنت على الماسنجر برغى مع اولاد وبنات ايوه انتا علام يا رب ان عمرى مقولت حاجه حرام بس ايه فايدة الكلام الفاضى الرغى اللى ملهوش لزمه ، المهم فاطمة قررت تغير اتجاها حاولت تصلح من الناس دى ونجحت فى الاول لكن بعد كده فشلت
خامساً- رعاية ربنا فاطمة قررت تشيل كل ايميلات الولاد اللى ضفتهم عندها على الايميل ، الشيطان يقول لفاطمة : ليه يا بنتى هو انتى بتعملى حاجه حرام ؟ ده انتى بتتكلمى بكل ادب ولو الولد طلع سافل خلاصى مش بتردى عليه يبقى فين الحرام ؟ يعنى عاجبك قعدتك ذى قرد قطع كده تكلمى نفسك زى المجانيين ، لكن رعاية ربنا وكرمة كان كبير اوى ربنا كرم فاطمة بتقدير امتياز وطلعت الاولى على الدفعة ، ياااااااا ربنا كريم معايا للدرجة دى ؟ اه خلاص مفيش كلام مع ولاد على الايميل بعد النهارده وبفضل الله تم مسح كل الايميلات وطوز فى الشيطان ايه يعنى اكلم نفسى فيها ايه
سادساً- طبعا صعب اسيب النت كده خالص اعمل ايه اعمل ايه ايوه لاقتها منتدى ازهراوى اهو كله ازهريه وناس محترمة وحتى لو كلمت ولاد اهو ادام الكل يعنى مفيش حرمانيه
الرجوع الى أعلى الصفحة اذهب الى الأسفل
fatma ahmed

avatar

انثى عدد الرسائل : 195
تاريخ التسجيل : 04/10/2008
مشكور : 0
نقاط : 9

مُساهمةموضوع: رد: انتا بتدخل المنتدى ليه ؟   الثلاثاء أغسطس 04, 2009 1:44 pm

الحمد لله دخلت ازهراوى عملت 50 مشكله وفى كل حته اعمل مشكله والادارة تتلم المهم دخلت قسم كلية الطب ،لقيت ناس دمها خفيف وبتهزر على الملاء قولت خير الحمد لله دخلت وحصلت مشكلة ، طبعاً الكل عارفها ، وبعدين جاتلى رساله خاصة بتدعونى للمنتدى دة الحمد لله خلصت من ازهراوى ولقيت ناس فريش مش ناس تخنء المهم ركزت فى المنتدى الجديد وبعدين الدراسه بدات قعدت فترة على المنتدى الجديد ، طبعا الجماعة فى البيت مش عجبهم ، كده التقدير هيضيع النت مش هينفعك؟ اخرت النت ايه ؟ الندم مش هيرجع التقدير لو ضاع ، النت مش هيشغلنى ولا هياكلنى عيش المهم افتكرت قول الله عز وجل " ومن يبدل نعمت الله من بعد ما جاءته فان الله شديد العقاب " فعلا سيبت المنتدى الجديد عشان المذاكره طيب الاجازه جت ليه يا فاطمة مش بتدخلى المنتدى او غيرة الا بسيط جدااااا؟
عشان انا عندى 3/4 القرآن الكريم لازم ان شاء الله يتحفظ كويس جداااااا ، طيب لو ربنا كرمنى واتعينت لازم اكون مميزه ، طيب ازاى اكون مميزة ، عشان اكون مميزة لازم استثمر الوقت اللى اغلب الناس بتضيعة وتقول "اصل انا في اجازة" طيب هتعملى ايه يعنى ؟ هحفظ قران كريم هروح للشيخ هحاول اشوف ايه اللى ناقصنى واكمله فى الاجازة ، وبفضل الله وكرمة ونعمتة عليا يعنى مشيت شويه ، والحمد لله اكتشفت ان فعلا فعلا " عمرى اغلى من انى اضيعه على الشات ولا الماسنجر ولا ازهراوى ولا غيره ولا غيره " ده ميمنعش انى ادخل بس فى حدود فى فترات متباعدة لما احس انى اتخنئت جداااا من اللى انا بعمله
*طبعاا البعض بيسال : هى دى مش بتتكسف ؟ ازاى تتكلم بوضوح اوى كده ؟ مش خايفه حد يفتكر عنها حاجه وحشه ؟
انا ميهمنيش كل ده عشان انا حبيت اقولكم راى بكل صراحة وربنا عالم انى بفضله وكرمة عمرى معملت حاجه اتكسف منها وربنا عالم انه عندى كان اكبر من اى حد حتى لو كنت بكلم ولد على ايميلى المهم وجعت راسكم مش مهم سامحونى كنت بعوض غيابى ، يااااارب حد يرد على الموضوع
سلام عليكم جميعا
الرجوع الى أعلى الصفحة اذهب الى الأسفل
AhMeD 3lLaM

avatar

ذكر عدد الرسائل : 1458
العمر : 28
الموقع : كن مع الله
تاريخ التسجيل : 16/12/2008
مشكور : 2
نقاط : 1418

مُساهمةموضوع: رد: انتا بتدخل المنتدى ليه ؟   الثلاثاء أغسطس 04, 2009 5:05 pm

السلام عليكم ورحمة الله وبركاته ....

بس الله توكلت على ابدأ الردود ...
فى الحقيقه كلامك كله جميل جدا لدرجة ان كلمتك الاخيره فى انك تظنى ان فى حد ممكن يستغرب من كلامك لانك صريح حبتين ....
طبعا كلامك مافيهوش اى كلمه تنكسفى منها بل كلام الواحد يفخر فيه واللى يقرؤه يقول يا ريت كل البنات يبقوا زيك كدا ولان كلامك جميل فى معناه ويحتاج لتعليق كتير مش هاعلق عليه بس هاكتفى بإنى اقول ليكى ربنا يوفقك ويثبت على اللى انتى عليه و هو دا الطريق الصحيح وربنا يهدينى ويهديكم و جميع شباب المسلمين لما يحبه ويرضاه ويوفقنا فى دراستنا ويحقق لكل واحد هدفه و يرضيه برزقه ....

وتقبلى مرورى وردى و ماتنسيش تدعيلنا

________________________________________________
الرجوع الى أعلى الصفحة اذهب الى الأسفل
mohamed mhdy

avatar

ذكر عدد الرسائل : 226
العمر : 28
تاريخ التسجيل : 21/02/2009
مشكور : 3
نقاط : 301

مُساهمةموضوع: رد: انتا بتدخل المنتدى ليه ؟   الثلاثاء أغسطس 04, 2009 5:17 pm

بسم الله الرحمن الرحيم



السلام عليكم ..

مش عارف اقول ايه بعد الكلام الجميل دا .. بس طبعا لازم اجاوب وبصراحة زى ماحضرتك قولتى ..

احنا الاول بس نسال احنا عملنا المنتدى دا ليه ؟؟؟

علشان شعور داخلى بس كان احساس بالظلم فى اى منتدى انا سجلت فيه قبل كدا _ مع احترامى لكل المنتديات _ واكيد طبعا ناس كتير حاسه بالاحساس دا معانا هنا فى المنتدى بس احنا بنحاول على قد مانقدر مانعملش حاجة تخلى الناس تحس الاحساس دا .. يعنى الواحد فى احيان كتير يشوف حاجات ماتستحقش المسح بتتحذف واكتب موضوع مثلا انا شايف ان مكانه هنا بعد شوية الاقيه فى مكان تانى خالص .. انا مابعبش عليهم بس بقول الشعور والاحساس اللى انا كنت حاسه .. طبعا كلهم ناس محترمين وربنا يكرمهم ..

قررنا نعمل المنتدى دا ... والسؤال بقى دلوقتى انا بدخل المنتدى دا ليه ؟؟

مافيش شك المنتديات دلوقتى بتاثر فى الناس بطريقة غريبة جدا وبتخلى الناس كمان تغير حاجات كتير فى نفسها فااعتقد المنتديات ليها اهمية كبيرة جدا فى حياتنا ..

انا بقى بدخل المنتدى لكذا حاجة اولا بعرف الحمد لله اكتر اخبار اصحابى عن طريقه لان يعنى احنا دفعتنا فى منها فى دمياط واللى فى اسيوط واللى فى القاهرة والحمد لله اكترهم متواجدين هنا رغم قلة المشاركات ..

كمان بنشوف مواضيع جميلة جدا على فترات متباعدة لكن مش مشكلة .. ومثال لذلك كان فى موضوع للدكتور عبد الرحمن بعنوان ( لعله خير ان شاء الله ) فى ناس كتير خالص اتاثرت بيه وانا لاول مرة بقول الكلام دا يعنى يمكن عبد الرحمن نفسه مش يعرفه وفى ناس كتير مسكت الكلمة دى لوقت كبير جدا كان بيقولها لما مثلا حاجة تحصل او كدا ..

كمان بنتبادل وجهات النظر فى مشاكل مثلا او خلافات او مواضيع تهم الشباب ..

وفى حملات خير كتير ممكن ننجحها بس لو فيه مشاركة من الاعضاء ..

وفى النهاية بدعو الله ان يجعل هذه الاعمال خالصة لوجهة الكريم والا يجعل لمعبود فيها نصيبا ..



سلام عليكم

الرجوع الى أعلى الصفحة اذهب الى الأسفل
fatma ahmed

avatar

انثى عدد الرسائل : 195
تاريخ التسجيل : 04/10/2008
مشكور : 0
نقاط : 9

مُساهمةموضوع: رد: انتا بتدخل المنتدى ليه ؟   الأربعاء أغسطس 05, 2009 8:21 am

اولاً- فى نقطة اشترك فيها الباش مهندس احمد مع الدكتور مهدى وهى ان الكلام اللى كتبته ده كلام جميل ، سبحان الله ! بجد انا كنت متوقعة حاجة غير كده خالص ، حقيقى انا كنت متوقعة ان هيتقال دى بت بجحة حد يتكلم كده من غير كسوف ، يعنى اكيد فى ناس بتفكر كده ،فى نوع من الناس يحبوا يترسموا ويبينوا للى حولهم انهم ملائكة ، بس الواضح انكم من النوع اللى صادق مع نفسه ومع الناس عشان كده عجبكم الكلام ،فعلاً مفيش احسن من ان الواحد يتكلم بصراحة ، على العموم متشكرة جداا
ثانياً- بالنسبة للباش مهندس طبعاً متشكرة جدا على الرد ، وربنا يوفقنى ويوفقك ً زميلانا اللى هنا على المنتدى وكل المسلمين ، بس بصراحة انتا قولت كام جملة بجد معتقدش انى اسمعهم من ولد فى الزمن اللى احنا فيه ده ،يا رب كل البنات يبقوا زى ! سبحان الله انا اللى اعرفه ان الناس فى الزمن ده -طبعا مش الكل- يحبوا اللى يسرح بيهم ويترسم وكده يعنى ، بكل اسف متفهمش الناس دى بتضحك على مين بالضبط على نفسها ولا على اللى حوليها ، ؟ وده بيكون سبب مشاكل ومصايب كتير ، مثلاً تلاقى الواحدة وهى مخطوبة تقعد تعمل فيها رقيقة وبتتكلم بصوت واطى وتقعد تافلم على الراجل الغلبان اللى هيخطبها ،وهو كمان يترسم عليها وفى الاخر يتجوزوا يكتشفوا بعض على حقيقتهم ، بس بعد ايه بعد لما يكونوا جابوا عيل ولا عيلين وساعتها تبقى المشكله اكبر ، بكل اسف دى بقت فلسفة عند اغلب الناس معتقدين انهم لما يتكلموا بصراحة مطلقة انهم هيخسروا اللى حوليهم ، وممكن ده يكون فعلا واقع لكن فى المقابل انهم هيكسبوا حاجة اهم وهى ثقتهم فى نفسم ، على العموم متشكرة جدا مش عشان رايك كان فى صفى ، لانى واجب على انى احترم وجهه نظرك ، لكن متشكرة عشان انتا رديت على الموضوع ،ووعد بجد تبقوا تدعولى وانتوا بتصلوا وفى صلاة التراويح فى رمضان وانا اوعدكم انى ان شاء الله هدعلكم كلكم .
ثالثاً- الدكتور مهدى ، اول واحد بعتلى دعوة للمنتدى الجميل ده ، طبعا متشكرة على الرد ،وانا معاك جددددددا فى البداية اللى انتا ابديت بيها بجد ، وده فعلاً من اهم الاسباب اللى بتخلينى افضل المنتدى ده عن غيره ، ناس فى نفس السن تقريبا، نفس طريقة التفكير ، ناس على طبيعتها ، مش ناس يحسسوك انهم مسلمين وانتا مجوسى زى ما بيحصل من ادارات بعض المنتديات ، بجد ناس حابه تترسم وتتمنظر ، يالله ربنا يهديهم ، ميعرفوش ان بالاسلوب الطيب ممكن ياخدوا كل حاجة .، فعلاً اهدافك واضحة جدا جدا ومحددة ، واهداف كمان فيها نوع من التعاون الجاد ، بس كان واجب انك تنقل الفكرة دى للباقى عشان الكل يكون عنده اهداف على نفس المستوى ، حقيقى اهداف هايلة وحقيقى يا ريت اعرف فين موضوع دكتور عبد الرحمن اللى انتا اتكلمت عنه ،
**حقيقى متشكرة جداً على ردودكم بس الباش مهندس قال ان فى تعليق كتير على كلامى ، لو عاوز يطرح فكرة معينة او تعليق معين انا معنديش اى مشاكل وربنا يكرمكم ويكرمنا جميعاً
الرجوع الى أعلى الصفحة اذهب الى الأسفل
EsMa3il

avatar

ذكر عدد الرسائل : 450
العمر : 28
تاريخ التسجيل : 06/10/2008
مشكور : 1
نقاط : 166

مُساهمةموضوع: رد: انتا بتدخل المنتدى ليه ؟   الأربعاء أغسطس 05, 2009 2:17 pm

نشكرك يا فطوووووووووووووووووووووووووووووووومه على الصرإْ حه بتاعتك . فى الكلاام ,
والقول كما مهدى قال لآ تعليق بعده .

________________________________________________
إْن التـشـآبــ9 بـين شـخ ـصيـه ألآسّـطـورهـ لل(آلخ ـديوـوى آسم ـآعيل) وألآسُطورهـ للفنـآن(ويلُ سم ـيثَ) هوـو تشـآبهـ غيرـر مقصوـود ولكنـهـ{ متعٌ ـمد} نظرٌرآ الى القيمه التى يحملهـآ كلآمنهمـآ وهى ^الشخ ـصيه ألآستفزـآزيه الكوميدــيهـ^ والتى آدت الى محـآكـآة تلك الع ـبـآرهـ
الرجوع الى أعلى الصفحة اذهب الى الأسفل
http://www.facebook.com/esmail.semo
fatma ahmed

avatar

انثى عدد الرسائل : 195
تاريخ التسجيل : 04/10/2008
مشكور : 0
نقاط : 9

مُساهمةموضوع: رد: انتا بتدخل المنتدى ليه ؟   الأربعاء أغسطس 05, 2009 7:56 pm

متشكرة جداااااااااااااا لكل اللى ردوا على الموضوع ، وسامحونى مش هقدر اكون موجودة الفترة الجايه عشان ارد على باقى المشاركات ، انتو عارفين فاضل على رمضان خلاص 15 يوم-ان شاء الله -ولازم الواحد يستعد كل سنة وانتم طيبين متنسونيش من الدعاء وانا هبقى ادعى للجميع
الرجوع الى أعلى الصفحة اذهب الى الأسفل
0ut 0f ServicE

avatar

ذكر عدد الرسائل : 883
العمر : 28
تاريخ التسجيل : 04/10/2008
مشكور : 7
نقاط : 557

مُساهمةموضوع: رد: انتا بتدخل المنتدى ليه ؟   الخميس أغسطس 06, 2009 12:33 am

اوك منوره يا فاطمه احمد المنتدى ومش معتبرينك ضيفه على فكره بعد الغيبه الطويله..

ممكن اتكلم ... اه ... ممكن .. السكوت علامه الرضا متشكر يا جماعه على الرضا اللى بجد مش كنت اتوقعه ده ..

موضوع كويس او سؤال كويس المهم ان كويس جت فى الموضوع زى ما اتعودنا وروباك احسن بفكره افضل ومشاركه اكتر مصداقيه ده اللى بنتمناه ان شاء الله من كل الاعضاء..

هو السؤال على فكره فى كتير من اللى دخلوا واللى ردوا حتى مش استوعبوه .. انا عن نفسى بدخل المنتدى ليه لو جاوبت بسرعه من غير ما افكر هلاقى عشان حاجه واحده بس ان المنتدى ده احنا اللى عاملينه ولو الناس كلها اتخلت عنه مينفعشى اللى بداوه وانتشاوه يسيبوه مهما حصل واكيد طبعا شايفين اسم عبد الرحمن ده منور (من تواضع لله رفعه) تحت دايما وغالبا ما يكون عضو واحد وفى الاربعه وعشرين ساعه ..واضحك عليكم وعلى اى عضو يقول انا لى هدف فى المنتدى ليه:

يعنى ايه منتدى يا جماعه يعنى مجموعه اعضاء ناس بشر منهم الكويس ومنهم غير كده قاعدين مع بعض فى مكان بينفعوا او بيضروا بعض لو حصل كده يبقى ده منتدى وفى ايجاب لو فى مشاركات لو حتى كانت فى ذاتها سلبيه مدمره غير اخلاقيه او شرعيه.. والوضع مينفعش ان ده يبقى سؤال لان ده مش منتدى ده حاجه فيها عبد الرحمن تحت وعضو كمان وتلاتين زاير مكسوفين يدخلوا ..وطالما الوضع كده لو كان عبد الرحمن ليه هدف فى المنتدى اكيديوم هيجى ويمل ويسيبه من اى تفكير زى كده بس هيبقى موجود عشان فير فوكس عنده ممكن يفتح اكتر نم صفحه وهو ده حالى لو لقيت موضوع كويس بحطه لو ملقيتش المنتدى برضو موجود وعبد الرحمن اسمه تحت ولو لقيت مشاركه كويسه بدخل ارد مبتكسفشى ولو لقيت مشاركه مش كويسه بسيبنى منها وخلاث ..


فاولا عاوزين هدفنا نعمل منتدى بعدين نسال ايه هدفنا بالمنتدى ده....................؟

اتمنى ان عبد الرحمن ميكونشى طول عليكم بس ..واتمنى ان كلامى ميكونشى ممل واسف بجد على التاخير فى الرد..

________________________________________________
من اهم مواضيعى الشخصيه

http://weladekyamasr.ahlamontada.net/montada-f9/topic-t196.htm

لكل حق الاعتزاز بنفسه .. بشخصيته ..باراءه ..لكن ليس على حساب الاخرين

              كن طموحا لكن لا تحقد على احد

      كن انسانا .. واحذر جرح المشاعر فانها الانسانيه
الرجوع الى أعلى الصفحة اذهب الى الأسفل
 
انتا بتدخل المنتدى ليه ؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
weladekyamasr :: قسم الادارة :: رايك ايه ؟؟؟-
انتقل الى: