هل من المكن ان يكون اصدقاء النت أوفى من اصدقاء الواقع ؟

جد عندي سؤال هل من الممكن ان اصدقاء النت يكونو بلفعل اصدق من اصدقاء الواقع
تعالو نشوف يمكن مع اني اشك يعني في هذا الموضوع بس احب اشوف
هـل من الممكن أن يكون أصدقاء النت أفضـل وأوفـى من أصـدقاء الواقـع ..؟؟
نتخبـط في هذه الدنيـا الواسعـه .. تصادفنـا الكثيـر من المواقـف
نمـر بالعديد من الظـروف .. يمر علينا آلاف بل ملايين الأصناف من الناس
منهـم الضعيف ومنهم الكاذب ومنهم الشريف ومنهم الخائن ومنهم ومنهم ...إلأخ ..
وبحــكم طبيعـة الإنسـان فـ هو بحاجـة إلـى صديـق
يحكي له عن همومـه ويصارحه بما يـلوج في خاطره ويشاركة السعاده والحزن ..
بالطبـع الإنسان في بداياتـه يكون قليل الخبره ولكن
مع مرور الوقت ومع تلقيه لـ صفعات الزمـن التي طغـى عليها طابع
الكذب والخيـانـه .. يكتسب خبراته من خلال تجاربه فيهـا ..
ولـو ركزنـا الضـوء على عالم الإنترنت
فـ سنرى أنه يعـجّ بالكثير والكثير من الناس من مختلف بقاع الأرض
نلتقيهم إما من خلال المحادثات أو المنتديات أو الأعمال التي نجريهـا
خلال هذه الشبكه العنكبوتيـه أو أو ..
وربمـّـا نصادف ذلك الشخص الذي نرتاح له ..
ويقاسمنا العديد من صفاتنـا المشتركـه ..
ذلك الشخص الحنون الصادق المحترم ذو الأخلاق العاليـه ..
ربمـّـا يكون فعلا هو كذلك مثلما تصورنا ..
وربمـّـا يكون " ذو وجهين "
ولكن في كل وقت وفي كل مكان .. تكون كلمه " قد يكون .. وقد يكون "
سواء في النت أو خارجـه ..
فـ سؤالي لــكم ..
هـل من الممكن أن يكون أصدقاء النت أفضـل وأوفـى من أصـدقاء الواقـع ..؟؟
مع العلم أن الكثير من أصدقاء الواقـع طعنو أصدقاءهم
وعـالم الإنترنت مليء بالكذب والغموض ومن ناس منعرفهمش والله واعلم هل صدقين ام كذبين
عاوزة اعرف ردكم واجابتكم بصدق

طبعا ممكن اصدقاء النت يكونوا اوفى من أصدقائنا الاساسيين
ومش عارفه ليه انتى بتقولى اصدقاء النت واصدقائنا فالواقع؟؟؟؟؟؟؟؟
هم اصدقاء النت دول من عالم الخيال مثلا
وطالما كل مكان فيه الكويس وفيه الوحش....يبقى اكيد اصحاب النت ممكن يكونوا كويسين بل وافضل من اصحاب الواقع زى ما بتقولى
بس

والله انا اعتقد ان كل مكان فيه الحلو وفيه الوحش ....
وقد تصل الدرجة عند بعض الناس ان يكون عنده صديق النت افضل من صديق الواقع ..
بس انا بصراحة بالنسبة ليا صعبة اوى او ماتجيش الا بعد فترة طويلة جدا ..
لان صديقى فى الواقع اكيد زاد عن صديق النت فى اننا تعرضنا لمواقف وشوفت ردة فعله ليها ..
فمن السهل انى احكم عليه .. لكن صديق النت زى مابقولك كده مسالة صعبة !!!
وشكرا على الموضوع الجميل دا ..

هو طبعا كل مكان فيه الكويس وفيه الوحش
بس احيانا فى غياب اصدقاء الواقع اللى بتلاقيهم واقفين جمبك هما اصدقاء النت
وعن تجربه انا عندى اخوت ليا من على احد المنتديات الاسلاميه احلى صحبه صالحه هى دى اجمل حاجه طلعت بيها من النت
بس لازم زى مابنختار اصدقاء الواقع كويس جدا نختار اصدقاء النت

جزاكى الله خيرا

اعذرونى
لكن انا شايف سذاجة شوية ف ردود البعض !!
صديق النت بتصادفة من خلال تصفحك الواسع ف النت
وعمره ماهايكون صديق بجد على النت الا اذا كان فعلا صديق بجد ف الواقع ودا يمحو الاسم المزعوم : صديق النت × وبالتالى امكانية انو يكون افضل موجودة

انا عن تجربتى الشخصية وجدت والحمد لله اصدقاء اوفيا وبالعربي جدعااان يعرفو معنى صديقي يعني ايه
يعني له حق الصاحب و الاخ والابن والقريب والغريب والضيف وصاحب البيت
الصديق يعني كل شئ
واعتقد ان مسالة انى افضل متردد من شخص معين او اشخاص لان النت دايما بنسمع عن بلاويه دا غلط
لانك بتمحو الصديق الحقيقي اللى ممكن تقابله برد فعل انت تعتقد انه اساء فيه ليك بل على العكس هوا بيحاول ينصح او يوجهك لشئ معين

زى مثلا ماناس هاتفتكر انى وحش لمجرد انى كتبت انى شايف سذاجه فى رده
وهايحصل
لكن الحمد لله دايما شعاري انى صديق صالح
i'm agood friend
لو فهمنا الشخص اللى بكلمة على النت سواء ولد او بنت وعاملته بمعاملة انى صديق وعارف معنى الصداقة هاتعرفه على ايه بسرعة وببساطة
مثلا لما تغيب فترة طويلة هاتلاقيه لسا فاكرك
لما تطلب منه طلب هاتلاقيه بيبدا يعملهولك ف ساعتها او حتى ولو مجرد انو يبدا يفكر بسرعة فى حل لمشكلتك او حل لطلبك
او من خلال انو يتابعك ويشجعك
واهمهم ينصحك
ودايما طبعا بيجهك للصح

حجات كتير لو ركزنا فيها فى حوارنا مع غيرنا هانعرف مين بيكلمنا عيل سييس عايز يضيع وقت ويشيت ولا واحد ينفع يكون صديق بجد

يارب ماحدش يزعل من كلامى

[quote="Mohammed"]
لو فهمنا الشخص اللى بكلمة على النت سواء ولد او بنت وعاملته بمعاملة انى صديق وعارف معنى الصداقة هاتعرفه على ايه بسرعة وببساطة
مثلا لما تغيب فترة طويلة هاتلاقيه لسا فاكرك
لما تطلب منه طلب هاتلاقيه بيبدا يعملهولك ف ساعتها او حتى ولو مجرد انو يبدا يفكر بسرعة فى حل لمشكلتك او حل لطلبك
او من خلال انو يتابعك ويشجعك
واهمهم ينصحك
ودايما طبعا بيجهك للصح

فعلا عندك حق
وعلى حسب كلامك يبقى انا لقيت صداقه بجد
بس برده اكيد صديق الواقع حاجه تانيه
كفايه انه بيشاركك لحظه فرحك
ووقت حزنك بتلاقى حد يمسح دمعتك
ووقت الازمات او اى مشكله بتلاقى اللى بياخد بايدك يساعدك وينصحك
اكيد بتفرق حد عايش معاك حياتك ومشاركك كل تفاصيلها عن مجرد حد بتكلمه عن طريق شات ودردشه مش اكتر
كمان احنا اغلبنا فى ظروف دراستنا وسفرنا محتاجين صديق بجد
يكون جنبنا فى الوقت اللى بعدنا فيه عن اهالينا

انا مش شايف فى فرق بين صداقة النت والصداقات الاخرى
ص : الصدق

د : الدم الواحد

ي: يد واحدة

ق: قلب واحد

فمن هو الصديق الحقيقي وهل يوجد صديق في هذا الزمان

الصديق الحقيقي : هو الصديق الذي تكون معه, كما تكون وحدك اي هو الانسان الذي تعتبره بمثابة النفس

الصديق الحقيقي : هو الذي يقبل عذرك و يسامحك أذا أخطأت و يسد مسدك في غيابك

الصديق الحقيقي : هو الذي يظن بك الظن الحسن

و أذا أخطأت بحقه يلتمس العذر ويقول في نفسه لعله لم يقصد

الصديق الحقيقي : هو الذي يرعاك في مالك و أهلك و ولدك و عرضك

الصديق الحقيقي : هو الذي يكون معك في السراء و الضراء و في الفرح و الحزن و في السعةِ و الضيق و في الغنى و الفقر

الصديق الحقيقي : هو الذي يؤثرك على نفسه و يتمنى لك الخير دائما

الصديق الحقيقي : هو الذي ينصحك اذا راى عيبك و يشجعك اذا رأى منك الخير ويعينك على العمل الصالح

الصديق الحقيقي : هو الذي يوسع لك في المجلس و يسبقك بالسلام اذا لقاك و يسعى في حاجتك اذا احتجت اليه

الصديق الحقيقي : هو الذي يدعي لك بظهر الغيب دون ان تطلب منه ذلك

الصديق الحقيقي : هو الذي يحبك بالله و في الله دون مصلحة مادية او معنوية

الصديق الحقيقي : هو الذي يفيدك بعمله و صلاحه و أدبه و أخلاقه

الصديق الحقيقي : هو الذي يرفع شأنك بين الناس و تفتخر بصداقته و لا تخجل من مصاحبته و السير معه

الصديق الحقيقي : هو الذي يفرح اذا احتجت اليه و يسرع لخدمتك دون مقابل

الصديق الحقيقي : هو الذي يتمنى لك ما يتمنى لنفسه

وشكرا ياندى على الموضوع الجميل دا

الصداقه هي رباط متين يربط بين أثنين و يقوم على أسس قويمة أهمها الوفاء , الإخلاص , الحب , التفاني , التضحية , التفاهم , و العطاء بكل معانيه .

possy cat كتب:: فعلا عندك حق
وعلى حسب كلامك يبقى انا لقيت صداقه بجد
بس برده اكيد صديق الواقع حاجه تانيه
كفايه انه بيشاركك لحظه فرحك
ووقت حزنك بتلاقى حد يمسح دمعتك
ووقت الازمات او اى مشكله بتلاقى اللى بياخد بايدك يساعدك وينصحك
اكيد بتفرق حد عايش معاك حياتك ومشاركك كل تفاصيلها عن مجرد حد بتكلمه عن طريق شات ودردشه مش اكتر
كمان احنا اغلبنا فى ظروف دراستنا وسفرنا محتاجين صديق بجد
يكون جنبنا فى الوقت اللى بعدنا فيه عن اهالينا

معلش بس اعتقد ان فايتك نقطة
لو بجد لاقيتي صديق ع النت زى ماقلتلك هايكون هو نفسه صديق حقيقي
يعني صفة الصداقة مشتركه معاه ف اى مكان
زيك زيه
وبالتالي هاتلاقيه بيشاركك كل حاجة
ولو احتاجتى انك تشوفيه مش هاتبقا حاجة صعبة
فهمتيني ؟

مداخلة جميلة ياابراهيم
/بعد اذن صاحبة الموضوع

شكرا لـــ
جويرية
محمد مهدي
قرة العين
محمد الشوادفي
بوسي
إبراهيم
والله بجد أسعدتني ردودكم ومشاركاتكم
و بشكركم لردودكم ولصراحتكم
ولكل رأيه وعلينا احترامه

موضع هادف ...
كان يتم مناقشته من شهور عده..
نشكر ندى العمر ع فتحهـه
المهم..
صرآحه الصديق فأى مكان او زمان هوالى يثبت الوفاء لصديقه ..
طبعا الشرح من اخواننا المشاركين قالوا كل ما يخص الموضوع ده بشأن صديق النت.
بس انا عندى ملحوظة..
تبين لى من خبرآتى المتعدده ع النت وع الواقع
ان الوآقع يتميز بالصرآحه ف كل ما يخص الحياه يعنى مثلا :انا مصاحب مهدى بقالى اكتر من 7 سنين عارفوا. كويس جدا ان زعل اعرف زعلان من اية ان حصل شىء بعرف.
فى تواد وزياره بىستمرآر. ومفيش حاجه اسمها مكر ولآ خداع ولا اى شىء يسوء لمعنى الصداقه
ببينما ع النت . ان ممكن اكون مصاحب واحد او واحده اى كان ؟,
اعيشهم ف عالم الخيال الوهمى. يعنى احسس الى قدامى انى ملآك .. ممكن ؟
بس كلوآ بيبان عند القاء.. يعنى هيجى يوم وتشوف الشخص او الصديق اللى انتا مصاحبوا حصلت معايا اكتر من مرهـ.
وكتيررررررررررر اتخدعت ف ناس كانت اكتر من صديق ع النت ليه ؟
لآنو بشخصيات مختلفه ؟
ده ما يمنعشى ان فيه شخصيات حلوه .
والحديث:: الاروآح جنود مجنده ما تعارف منها آتألف .... نهاية الحديث. لآنى نسيت
المهم
رأى ف صديق النت هو كويس لحد مآ.
بس الواحد لو تعلق بحد ع النت هتبقى صعبه شوى
الكلام يطول ف شرح ذالك ..
للحديث بقيه ,.
ممكن نشارك الحوار ده ع الدردشه لو محدش عندوا مانع ؟
نتفق ف ساعه ندخل نشوف اراء بعض

انا بصراحه تعبت من قراءه الموضوع والردود ولما أبقى فاضى سأرد على الموضوع تقبلى على الأقل دلوقتى المرور والقراءه

شكرا يا اسماعيل لردك وصراحتك
مستنين باقي الحديث ان شاء الله

ميرسي يا أنس لمروك
ودا والله يكفيني
وممكن تقسم يعني كل يوم تقرأ رد مثلا

اقتباس :: ان الوآقع يتميز بالصرآحه ف كل ما يخص الحياه
يعنى مثلا :انا مصاحب مهدى بقالى اكتر من 7 سنين عارفوا. كويس جدا ان زعل
اعرف زعلان من اية ان حصل شىء بعرف.
فى تواد وزياره بىستمرآر. ومفيش حاجه اسمها مكر ولآ خداع ولا اى شىء يسوء لمعنى الصداقه

ربنا يكرمك يااسماعيل .. دا شرف ليا كبير انك تحطنى فى مثل لكلامك ..
وبصراحة انا بحيى الناس اللى ردت كلها لانها فعلا ردود جميلة وطبعا التحية موصولة الى صاحبة الموضوع ..

بعد أذن صاحبه الموضوع معلش بقى مش موضوع بقى شات بس حنعمل ايه بعد قراءه للردود لقيت ان محمد الشوادفى رده غريب جدا بيقول نفس الكلام اللى الناس بتقوله وهو مش واخد باله غير من المعارضه وياريت يقرا الردود تانى ولما يقول ردود ساذجه يبقى لا مؤاخذه مش فاهم حاجه والناس حتزعل منه رغم انك قولت ان محدش يزعل منك وبيقول عمر مايكون فى شخص وفى على النت الا لما يكون وفى على الحقيقه جاب التايهه ما كل الناس عارفه كده وبعدين حكايه يلغى المسمى المزعوم كلام مش ليه معنى صديق النت غير صديق الحقيقه زى ما قال مهدى دا نظرا للمواقف اللى حدثت معاه وبعدين ياريت يامحمد تفكر قبل النقد بدل ما يطلع هو نفس الكلام ويبقى منظرك زى التايه فى الموضوع وانا اشك ان دا يكون ردك على الموضوع دا الا اذا كانت سرعه النت هى السبب وان ملاحظ انه لو غير الصوره اللى حاططها حيبطل النقد اللى بيعمله للنقد

لا تعليق
/ انتظر رد كاتب الموضوع

اذا كنت منتظر رأي صاحبة الموضوع في الموضوع نفسه فأعتقد انها قالت رأيها

الله يخليك ياعم محمد

لا مستني ردك على رد انس
الموضوع موضوعك
وانا شايف انى بتهاجم وماعرفش السبب ايه

?????????????????????????????

ميرسي ليكي
اسعدني مرورك ورأيك

سوري والله بجد انا مش عارفة أقول ايه
ومش كان ينفع اللي حصل ده أصلا
بس بقول لكم انا اللي آسفة ان كان في حد زعلان من حد
هل من المكن ان يكون اصدقاء النت أوفى من اصدقاء الواقع ؟ Icq_offline

هل من المكن ان يكون اصدقاء النت أوفى من اصدقاء الواقع ؟ Icq_offline

السلام عليكم ورحمة الله وبركاته

معتقدش.........

» هتلر فى حديث عن سرعة النت فى مصر ...
» نتمنى ان نكون اصدقاء بمعنى اللكلمة واتمنى القراءة وليس الردود
» بين الواقع والخيال..Dark&Light
» لعل يكون المانع خيرا
» يقال ان من عشق يكون مجنون ....