طالما ناويين على خناق...يبقى نتكلم بصراحة

:::راى فى البنين بصراحه انهم ناس مغرورين واخدين قلم جامد اوى فى نفسهم ,على ايه معرفش ,عالم فكره نفسها ملوك والستات شغالين عندهم .

:::صفات كتيرررررررررر بكره فيهم الغرور المنظره ,ضعف الشخصيه ,ومتقلوش لا مفيش ولد شخصيته ضعيفه ,اقولكم فى ونصف
شوفوا كده الولاد فى الشوارع ماشيين ازاى
1-الواد دالء ازازه فزلين على راسه ويقولك (جل ) ويبقى شكل شعره زى ما يكون زلعه عسل مدلوئه عليه ,دى المرحله الاولى شويه شويه ومع تفاعل الجيل مع الاشاعات التحت بنفسجيه والفوق خضراء تلاقى الشعر بدء ينشف , وشويه شويه لون الشعر بدء يبيض نتيجه كميه الجيل الكتيره المحطوطه .
2-الشعر لحد القفا ,ومنكوش ومنعكش ,ويقولك الموضه ,وفى اخر الشعر توكه صغنونه كده .
3-لابس فى رقبته سلسله ذى (.......) وحظاظه فى ايده وخاتم فى صباعه ,مش عارفه فاضل ايه تانى
4-اللى هيفرسنى تلاقى الواد مندول يشترى البطلون ويقطع فيه ويقولك اصل دى الموضه
5-وكله كوم والبناطيل المهرهره كوم تانى ومش هكلم فيها احسن
6-سماعه الموبايل فى الودن الشمال الموبايل فى الجيب اليمين والنظاره الجامده ,والمشيه المدلعه ,ولما تسال ايه ده يقولك (شباب الجامعه )

بجد والله ومش هزار بتخنئ من الاشكال دى ,ده انا مره كنت راكبه اتوبيس سمعت حتت واد ضحك ضحكه انا نفسى اتكسف اضحكها فى بيتنا ,بقى كل اللى قاعد فى الاتوبيس نفسه يقوم يضرب الوله ده على نفوخه بحاجه , وفى الاخرالاهالى يزعلوا لما ميجيبوش ولاد , بلا خيبه .

:::نصيحتى لاى ولد انه يكون راجل بجد ,لان الرجوله مش منظر وخلاص ,لازم الواحد يكون ليه شخصيه مميزه عن الكل ,مش اى حاجه يقلدها وخلاص .

dr_abdelrhman كتب:

بصراحه كدا بقى حوالى 99 .9 من البنات واخدين مقلب فى نفسهم وكل واحده بقى عامله فيها نيفرتيتى وهى اصلا مش فى حد فيهم حلو بس اهو هنعمل ايه مفيش على الارض الالمن النوع ده فبنضطر نرضى بالواقع بس انا مش من النوع اللى هيستسلم ويرضى وبعدين بقى البنات دول كل واحده مفكره انهى طالما واحد قال يعنى حبها يبقى هتقدر تتحكم فيه زى ما هى عاوزه وياسلام بقى لو تقعد ترسم قدام صاحبتها وحتى البنات ممكن يلاحظ الحته ديه بسهوله .. وبصراحه كده كل بنت مفكره نفسها انها البت المخلصه واللى من الاخر وهم اصلا مش ليهم فى حاجه .. وبعدين تلاقى كل واحده عامله نفسها شديده وبتعرف ترد وتجادل فى الكلام وهى اصلا يعينى غلبانه مش عارفه الا الكلمتين دول واتلاقى ابوها لسه زرفها الكلمتين وبعدين تروح ترسم بيهم..

:::اسم الله عليك انا بقى من الواحد من عشره % يعنى بره حسبتك دى خالص بس لازم ارد ,امال مين يدافع عن البنات اذا مكنتش انا ادافع ,لو: هتتكلم عن الشكل (طبعا دىخلقه ربنا ) يبقى اى واحده فى الدنيا لو عاوزه تكون ملكه جمال ان شاء الله هتكون ,شوف الممثلات عملين ازاى ,الواحده منهم عندها يجيى 200 سنه ومدهوله نفسها عملايات تجميل وحقن ومكياج وشد وش ,وبلاوى . كله فلصو .

:::مش هتكلم عن الحب والكلام ده عشان مينفعش اصلا واحده او واحد يحب قبل ما يتجوز (كل واحد حر فى رايه )

:::من ناحيه الجدعنه فاحنا بنات جدعان اوى بدليل ان احنا افحمناك فى الكلام وانتا مش عارف تقول اى حاجه وعمال تلخبط فى الكلام ومقهور يعنى ,بس مش عارف تعمل ايه صعبان على بجد
معلش معلش معلش
فى مثل بيقول (اللى ميعرفش يقول عدس ) لانى بجد مش بسيب حقى , لو واحد غلط فيا لازم اخد حقى تالت ومتلت مهما كان الواحد ده .

:::اجرى العب بعيد يا شاطر ,وان شاء الله ربنا هيوقعك فى واحده قمر قمر بس اول ما تغسل وشها من البوهيا اللى عليه تكتشف انك اتجوزت (.........) ومن الخضه يجيلك اهتزاز فى وريد البطين الايسر وشريان الاذين الايمن ,ويغمى عليك يودوك المستشفى وينقذوك باعجوبه ,بس تنتقل الى مستشفى العباسيه لاكمال رحله العلاج .


ابقى طمنا عليك ,هنزعل عليك اوى , لا حول الله ,كان واد طيب بس مخه مفوت شويه , لاشويه ايه قول عشر شويات .

:::تصدق بالله كل ما اقول يا بت خلاص لمى لسانك احسن الواد كده بقى منظره وحش ,القاك كتبت حاجه خلت الدم غلى فى نفوخى ......... انتا شكلك بتستفزنى عشان ادنى البخ وفى الاخر تقولى مش مسامحك بس والله العظيم انا ما واحده من الاشكال دى خالصصصصصصصص ههههههههههههههههههه يا ابنى انتا عمرك شوفت مشيت عسكرى المرور اهو انا كده
بمشى مكشره وبوزى شبرين فى الشارع تقولش بوزع كابه على الناس
ومبحطش بوهيا على وشى عشان انا مش حيطان محل كشرى
ومش بلبس بناطيل ولا جيب اخرى اسود فى اسود ولو حصلت معجزه وغيرت الاسود يبقى بنى غامق ولو خلاص بقى صيعت بلبس زيتى
وبعدين انا مليش اصحاب ومش بروح عند اى حد من قريبنا لا فى عيد ولا فى اجازه ولافى غيره
انا بقى مش فى طب عشان اتمختر بالبلطو
واد ايه اللى نتهبل عليه , بلا نيله دول مرطرطين على القهاوى ,وفى كليات الطب على افا مين يشيل ,قال نتهبل على واد قال ,ده انتا اللى شكلك (....) يا ابنى انا وبلا فخر مفيش جنس واد يقدر يكلمنى عشان انا كده ممكن تقول فيا شبه من الصاروخ اللى بيكلمنى بهب فيه ,فتلاقى الناس تخاف منى .
طيب بدل ما تتريء على بتوع العربى روح اتعلم تكتب الاول ده انتا شكلك اخد (نحو ) الاميه بالعافيه وبعدين كانوا طالبين فى الكليه ناس يشرحوا عليها ,طلبوك روحت ,قاموا افتكروك دكتور .


تصدق شكلك كنت بتوصف نفسك .

[quote]انا بقى مش فى طب عشان اتمختر بالبلطو[code]


ههههههههههههههههههههههههههههههههههههههههههههههههههههه



تعالى يا بوسى انت وبسبوسه شوفوا بتقول عليكوا ايه

لا

لا لا كده مينفعش أبدا لازم نقول كلمة حق في حق البنات طبعا الأول وبعدين نبقى نفكر نقول في حق البنين
طبعا البنات دول نص المجتمع والنص التاني ميقدرش يعيشوا من غيرهم ممكن يموتوا يتنقلوا على مستشفيا ت مثلا يجرالهم كل حاجه لو عاشوا من غير بنات
طب ازاي كلامي ده صح
بص حواليك مثلا من اللي شيلاك وبتغسلك هدومك وتاكلك وبتعمل وتعمل طبعا أمك طب لو مش موجوده اكيد اختك من غير كل اللي بيعملوا فيك ده تروح فين؟؟؟؟ في الباي باي طبعا

طيب في المستقبل ان شاء الله مين هيعملك كل ده طبعا زوجة المستقبل اللي ربنا يصبرها على الشباب اللي زي كده
كل ده البنات بيعملوه ليهم ولسه بيبهدلوا فيهم والله عجب عليك يا زمان
اما الأشكال العجيبه من البنات اللي جبتوا سيرتهم دول واحد في المليون وطبيعي يكون في منهم اصلنا بشر يا شباب لازم يكون موجود كل الانواع فينا وسيبوهم يطلعوا اللي في نفسهم شويه يعني الشباب بس يطلعوا اللي في نفسهم طبعا أنا مش بدافع عنهم بس هنقول ايه ربنا يهدي

يااااااااااااااااه طولت اوي يا جماعه معقوله أنا كتبت كل ده معلش ده بس حبه من اللي جوايا ربنا يصبركوا عليا وانتوا بتقرأوا معلش بقى

اقتباس :

الصنف التالت بقى عامل نفسه ملتزم لا وبجد ملتزم جدا لدرجه ان دماغه قفل والحياه عباره عن حرام ثم حرام والبنت بالنسبه ليه شيء محرم اصلا حتى لو لابسه النقاب ولما ييجي يخطب يكره خطيبته في اليوم اللي اتولدت فيه مفيش سلام ولا كلام ولا كانها بني ادمه ليه عشان حرام امال تعرفك ازاي يا اخي في فترة العقد يا سلام ولما تتطلع متنفعش يعني تتطلق هي طبعا هو عادي متفرقش بالنسبه ليه
وهى سمعتها تتبهدل

بعد إذن حضرتك يا باشمهندسة أعلق على الجزئية دي
النوع اللي بتقوليه ده طبعا موجود وده مش ملتزم زي ما بتقولي ده اسمه متشدد أو بييحاول يلتزم بس مافهمش صح
والأمثلة اللي انتي كاتباها دخلتي فيها الصح في الغلط
يعني صح انه يعتبر ان تعامله مع البنات في غير الضرورة حرام حتى لو لابسه نقاب أما اللي مش لابسه نقاب فمجرد نظره ليها حرام (مش تعامله معاها)
والضرورة زي مثلا البيع والشراء أو الطبيب ان لم توجد طبيبة كفء وهكذا
وبالنسبة لخطيبته فمفيش أي فرق خالص لأنه لسه أجنبي عنها كل اللي زاد انه يقدر يبصلها كما قال النبي صلى الله عليه وسلم "أنظر إليها" على ألا يكون النظر مطلقا ودائما
أما إذا كتب كتابه في فترة الخطوبة فيقدر يعمل اللي هو عاوزه لأنه بقى جوزها وده اللي بترفضه معظم الفتيات للأسف خوفا من لقب "مطلقة"
وعن موضوع تعرفه إزاي فهي المفروض تسأل أهله وقرايبه البنات عنه وأهلها الرجالة يسألوا أهله ويقعدوا معاه وهكذا
أما موضوع انها لو طلعت من بيتها من غير إذنه يبقى تطلق ده طبعا غلط لأن أبغض الحلال عند الله الطلاق مع الاعتراف بانها أكيد غلطانة حتى لو كان هو مانعها انها تزور أهلها مع ان ده مش من حقه
ويكفي أن نتذكر قول النبي صلى الله عليه وسلم "لو كنت آمرا أحد ان يسجد لأحد لأمرت الزوجة أن تسجد لزوجها" وقال أيضا "أيما امرأة ماتت وزوجها عنها راض فهي في الجنة"

يعني صح انه يعتبر ان تعامله مع البنات في غير الضرورة حرام حتى لو لابسه نقاب أما اللي مش لابسه نقاب فمجرد نظره ليها حرام (مش تعامله معاها)
والضرورة زي مثلا البيع والشراء أو الطبيب ان لم توجد طبيبة كفء وهكذا
طب ماشي طبعا كلامك صحيح بس كل أنواع التعامل حرام حتى لو طلبت منه طلب في الشارع يساعدها في أي شيء يبقى حرام مظنش بقى

وبالنسبة لخطيبته فمفيش أي فرق خالص لأنه لسه أجنبي عنها كل اللي زاد انه يقدر يبصلها كما قال النبي صلى الله
عليه وسلم "أنظر إليها" على ألا يكون النظر مطلقا ودائما
طب دي مثل خطيبته يعنى هتبقى مراته بعد كده يعنى لازم تتعرف عليه أنا عارفه إنها لسه أجنبيه عنه لكن الشيخ ابن عثيمين أفتى وقال إن الكلام في التليفون بين الخاطب والمخطوبه يجوز لأن لازم تتعرف عليه وطبعا لو هو مطلبش يكلهما هى عمرها ما هتكلمه
أما إذا كتب كتابه في فترة الخطوبة فيقدر يعمل اللي هو عاوزه لأنه بقى جوزها وده اللي بترفضه معظم الفتيات للأسف خوفا من لقب "مطلقة"
طب ما طبعا هى مطلقه دي حاجه سهله هو لو راح اجوز بعد كده هو بالنسبه ليه مفيش أي مشكله أما هى بالنسبه ليها فنظرة المجتمع الملتزم ليها إنها عادي لكن معظم المجتمع الناس العاديين بينظروا ليها على إنها مطلقه وبعدين يعنى إزاي تعقد على واحد متعرفهوش وأنتي وحظك بعد كده مينفعش طبعا
وعن موضوع تعرفه إزاي فهي المفروض تسأل أهله وقرايبه البنات عنه وأهلها الرجالة يسألوا أهله ويقعدوا معاه وهكذا
طبعا عمره ما هيتعرف بالطريقه دي لأن مفيش إنسان هتظهر الصفات السيئة اللي فيه بالطريقه دي لازم كثرة الكلام والمعاملات والاحتكاك عشان يبقى تلقائي ويتعامل من غير حذر وتركيز في المعامله
أما موضوع انها لو طلعت من بيتها من غير إذنه يبقى تطلق ده طبعا غلط لأن أبغض الحلال عند الله الطلاق مع الاعتراف بانها أكيد غلطانة حتى لو كان هو مانعها انها تزور أهلها مع ان ده مش من حقه
ويكفي أن نتذكر قول النبي صلى الله عليه وسلم "لو كنت آمرا أحد ان يسجد لأحد لأمرت الزوجة أن تسجد لزوجها" وقال أيضا "أيما امرأة ماتت وزوجها عنها راض فهي في الجنة
ايوه طبعا بس أنا مكنش قصدي إنها تتطلع من البيت أنا بقول يعيني هو يطلع بعد العقد إنسان مينفعش يعني مش كويس"[/quote]

هذا ما أراه والله أعلى وأعلم

ايه يا جماعه اللى انتو فيه ده
والله انا حاسه انكم كلكم مليانين عقد
وبالزات دكتور عبد الرحمن معرفش ماله ومال البنات
يمكن ده اللى استفز فاطمه انها ترد كده
يا جماعه زى ما فى الحلو فى الوحش
متفتحوش عنيكم على الوحش وبس
وتلاقى الولاد اللى عماله تتكلم على البنات وعلى عيوبهم هتموت عليهم اصلا
البنت شايله البالطو وهى بتجيب عيش..........
الواد حاطط على شعره جيل............
ما تشيل البالطو ولا يحط جيل
خلاص القيامه قامت
كبروا دماغكو يا جماعه
الحياه ابسط من كده