ليه الدكتور نسى الفوطه

نسي الفوطه


وناس واقفه بتتريأ ومبسوطه

وناس تانيه بتستغرب ومنقوطه ليه الدكتور نسي الفوطه

و هو يا عيني كان واقف ووشه أحمر ولا القوطه

و قال ياجــــــــماعه سامحوني ....وقبل ما تيـــــــجوا تلوموني

تعالــــــوا أحكيلكوا أنا حكايتي..... وبعديها إبقوا حـــــــاكموني

سنــــين فــــاتت في ثانــــــويه..... كفاح دامي وعــرق ودموع

وبعد المعركـــــــــه الحــــاميه..... قدرت أنجح وأجيب مجموع

أخيراً حلمنـــــــــــــــــا إتحقق .....هخش الطــــــــب وأدّكــــتر

رســـــــــــاله جميله ومعـــاها...... مقام عالي وفلوس أكـــــــتر

و جاتلي بطاقة الترشيـــــــــح...... فيها الطب اللي بحــــــلم بيه

بتاع البوسته جابهــــــــــــالي ......وخدله حلاوه عشــــرة جنيه

في أول يوم لـــــــــبست جديد ......وشلت البالطو رحـت لاقيت

زمايلي إتحــشروا في مــدرج...... عامل ولا عــــــلبة الكبريت

ولكــن برضه مايئستش



دخل دكتور قعد يشــــــــــرح .......كلام كــــان صعب ولاتيني

و أنا متنـــح ومـــش فــــــاهم ......لاقيت النــــــــوم غلب عيني

و لسّه أنا برضه مايئستش



و قلت مادام ضــــاع النظري...... هظبّــــــــط نفسي في العملي

جريت عـ المشـــرحه بسرعه...... لكن كالـــــــــعاده خاب أملي

دخلـــــت لاقـــيت 200واحد....... بيتخــــــــانقم على الجــــــثه

وناس واقـــــــــفه من الزحمه ......على كتافـي ومـــــــش حاسه

و لسّه أنا برضه مايئستش




و طبــــــعاً حسّوا بظــــروفنا .......وحطّولنا إمتــــــحان فوازير

وكل أمّا آجي أحــل ســـــؤال....... أقف أدامــــــه زي الــــــزير

و لسّه أنا برضه مايئستش



وجينا في لجنة الشـــــــــفوي....... وكان أدّامي واد كــــــــــوسه

خد الfull mark مـ الدكتور....... وخد فوقهـــــــم كــمان بوسه

و لسّه أنا برضه مايئستش



دخلت انا قام مكـــــــــــشرلي ... ....كإن أنــــــا مش human race

سألني سؤال... مـــــاردّيتشي........وقاللي أخرج يا hopless case

ولسه أنا برضه ما يئستش



سنه بتمشــي وســــنه بتيجي ........مقـــالـــب بعـــدها مقــــــالب

زمايلي إتعينوا و قبـــــــضوا .......و أنا شايـــــل لـــــــقب طالب

و لسّه أنا برضه مايئستش



كبـــــــرنا شـــويه وقــــالولنا....... خلاص دلوقتي شوفوا حالات

و رحنـــــــا نشوف وكالعاده........ دا كله بيطلع إشتــــــــــغالات

و لسّه أنا برضه مايئستش



بشوف الشاب من ســــــــني........ واقـــــــــف ويّا البنات مرتاح

و لــــو عديـــــت أنا يقولــوا........ راح الدحّـــاح .. ...جه الدحّاح

و لسّه أنا برضه مايئستش



لحد ماخلصم السبــــــــــــعه ........وقلت خلاص هروق وهعيش

و قبل ما أفوق من الصــدمه........ خدوني عشان أخـــش الجيش

و لسّه أنا برضه مايئستش




وقعت هناك في إيــــد ظابط .. ......ظغرلي وقال يا بســـــــــكوته

أحب أبـــــــــــشرك إنــــــك ........معـــــــايا هتطـــــــفح الكوته

و لسّه أنا برضه مايئستش



خلااااص السبعه بقوا عشرة........ ولسه أنا ماشي جنــب الحيط

و بان السن علــــــــى وشي ........و شعري إبيـــّض و إصلعيت

و لسّه أنا برضه مايئستش



وبعد ما قـــــلت كــــــــفاره .... ....خلاص هرتاحلى بقى كام يوم

لاقيتهم تـــــــــانــي واخدنّي .......عشان تكليـــــــــفي في السلوم

و لسّه أنا برضه مايئستش



و قلت هنـــاك هآخد قرشين........ آكل منهم و أجيـــــــــب لبسي

فوجئـــــــت يا عيني بمرتب .......يادوب مايقضــــــنيش شيبسي

و لسّه أنا برضه مايئستش



و بعد الـــعمر دا كـــــــــــله .......رمــــــوني في وحـــده صحية

نسيت الطب أنا فيـــــــــــها ........وبقــــــــيت زي الترمــــــجيه

و لسّه أنا برضه مايئستش



و آديني بعيش وهعمل أيـه؟؟........ ماليــــــــش ولا قوه ولا حولا

وحيد غلبان وحتى مافـــيش .... ....جـــــواز علـــى نفــــقة الدوله

و لسّه أنا برضه مايئستش



قام الدكتور صعب عـ الناس..... .. و فــــــضلم يـــبكوا على حاله

و حتى الفوطة نســــــــيوها........ ولموا فلــــــــــوس وسابوهاله

و قال دكتورنا عـ الفوطــــه........ تعــــــالوا هشـــــيلها أنا بكرة

لكن اهل المريض قالــــــوا........ خلاص........ سيبهالنا للذكرى

يا عيني عليه صعب عليا
جميله يا بوسي تسلم ايديك
بس دي بتعكس زعلك من الكليه ولا عادي

لا فعلا الله يكون في عونكم . لسه في ايدكم الفرصه للي عاوز يحول هندسه وللي عاوزه تحول صيدله .

اقتباس :

بس والنبى يا دكتور عبد الرحمن ليا عندك سؤال واحد بس
يعنى ايه سفرجى
؟؟؟؟؟؟؟؟؟؟؟؟؟

فى قدامى مليوم طريقه عمليه علشان اوصفهولك :


1: اسالى اى حد معدى من جنبك دلوقتى فى البيت اوى فى اى مكان انت فيه اتحدى انه هيقولك يعنى ايه ده ان لم يكن عندكم ريستورانت فى البلد.


2: ادخلى على جوجل واكتبى سفرجى هيقولك ملايين الكلمات عن سفرجى ووظائف سفرجى وكده يعنى.


3: ممكن تخطفى رجليكى بالبلدى كده وتروحى ولو اى مطعم فول وطعميه وتدخلى تقعدى على الطربيزه (اقصدى الكرسى اللى جنب الطربيزه يعنى). وهتلاقى ا للى هيحصل ده:

هتلاقى فى المطعم فى ناس لابسين شبه بعض كده وتحسى انهم خوات وتوام وامهم ملابساهم لبس واحد وهتلاقى فى واحد منهم جايلك ويقولك اى خدمه تطلبى ايه يا فندم تحت امرك .


فلو طلبت وكلت وخلصت اكل قومى من على الكرسى وهتلاحظى حاجه انه ماسك فوطه( يعنى قماشه بيمسح بيها) وبيمسح الاكل اللى انت وقعتيه على الطربيزه وانت بتاكلى ده لو انت بيقع منك اكل وانت بتاكلى ولو مش بتوقعى اكيد نقطة ميه كده ولا كده لو كنت بتشربى ميه بعد الاكل ..



الملاحظه:


البنى ادم اللى جالك وقالك تطلبى ايهيا فندم ده السفرجى (يا سبحان الملك..)





الاستنتاج : السفرجى هى عباره عن كائن حي يحكى فى الاساطير انه بنى ادم من البشر يرتدى زيا متشابها مع زملائه للتفرقه بينه وبين البشر العاديين ويكثر تواجده فى المطاعم النضيفه والكافى شوب و غيرها .. ويتميز هذا السفرجى بفوطه فى موخرة اليد ليمسح بها الطربيزه بعد ما الزبون يخلص وكل ولا حتى شرب ياااااااااااااااااااااه قصه مؤثره اه.

براحتك.