نشرة أخبار مصر

موضوع: نشرة أخبار مصر الأحد أغسطس 30, 2009 2:44 pm

اليكم الاخبار السياسية

أعتلى اليوم الموافق 20/1 أبن عم حسين الشاب أوباما كرسى الرياسة الأمريكية
لدولة الولايات المنحلة الأمريكية United States of America ليكون أول رئيس أفريقى يحكم الولايات

وطبعا بلاد الواق واق وبلاد تركب الافيال فاكرة أنة علشان أسود البشرة حينصف الناس الغلابة
ولا علشان أبوة أسمة عم حسين بن عم أوباما حينصف الاسلام على حساب اليهود
طبعا دة لاممكن ولا لاينكن يحصل

وقال اوباما مخاطبا العالم الاسلامي "انه يسعى الى نهج جديد يعتمد على الاحترام المتبادل والمصالح المشتركة".

وبكرة الايام تثبتلكم أن لما نشوف ودانا من غير مراية أن حد حينصفنا فى هذا العالم

وننتقل الى الاخبار المحلية

فى سعية اليومى للفوز برغيف العيش حصل المواطن مصرى على 10 أرغفة بجدارة
وحطم الوقت القياسى السابق من وقوفة فى الطابور لمدة ساعتين و10 دقائق
ليفوز ب 10 أرغفة فى ساعتين فقط

وإليكم التقرير الذى تم تصويرة فى الاسكندرية

ومن الاخبار السياسية لحالة
الطقس

اليوم الجو ممطر حار جدا ليلا مع احتمال سقوط شوية سحاب على رأس كل اللى ماشى تحتها
وعلى المغادرين ليلا مراعاة النهار صباحا
واليكم الدرجات الكبيرة والصغيرة للعاصة القاهرة
الكبيرة 58 والصغيرة 25
وطبعا محدش عارف حاجة لان المطر نزولة بأمر الله

وننتقل للاخبار الرياضية

فى دورى الدرجة التالتة المصرى
فاز نادى أشبال تحت 99 سنة على نادى أشبال تحت 88 سنة بثلاثة أهداف نظيفة
أحرز الأهداف عطية الكسح ونعيم الأكتع وزعبلة الأعور
وطبعا فى حب الرياضة فى مصر
وأنهالت التبرعات من المحسنين على فريق المحترفين الاول
ونال أحسن لاعب فى الفريق طقم أسنان هدية وأحسن حارس مرمى نظارة طبية

وهنا تختتم النشرة الأولى

من تاليفك دى يا ابراهيم ولا ايه ؟؟

اية الاخبار دى انت عايش فى عصر مين
بس اخبار حلوة

لا دا اخبار خفيفة من دماغى كدا يا احمد ... الاخبار دى يا بطاطا فى عصر الزعيم القائد ربنا يطولنا فى عمره ويخدنا احنا

ايه النشرة الحلوة دي
هي فعلا ضحكتني كتير
لكن أشعرتني بالاسف على حالنا احنا واللي زينا
وربنا يعينا في عصر الزعيم القائد
ويريحنا شوية بدل ما يخدنا
ولا ايه؟؟؟؟؟؟؟؟؟؟

وفي انتظار باقي النشرات
بس ما تنساش مواعيدها

بصراحة احسن اخبار هى الاخبار الرياضية ..
وياريت مانبصش على الدنيا بنظارة سوده اكيد فى حاجات حلوة كتير
وان الله لايغير مابقوم حتى يغيروا مابانفسهم
تقبل مرورى

شكرا يا ندى العمر على الرد وربنا يرحنا وشكرا يا مهدى على الرد وفى الاخر مصر بترمينا قصدى بتتقدم بينا

فعلا أنا شايفة زي ما انت شايف بالظبط
ان مصر بترمينا .....يووووووو قصدي بتتقدم بينا

هههههههههههههههههه صح بترمينا يوووووووووووه بتلقينا يوووووووووووه قصدى بتتقدم بينا

وعلى راى الاستاذ الفااضل تبذل الحكومه قصارى جهدها من اجل خدمه المواطن المصرى والمعنى فى بطن الاستاذ..

وربنا مصر حلوه ..مصر حووووه .حووه بجد يعنى بس للاسف احنا اللى شباب مهمل .. شباب الانترنت والفضائيات (زى ما بيجولوا )ها.

شكرا يا دكتور على الرد فينك من زمان

» شريط أخبار الجزيرة على سطح مكتبك