أسئلة محرجة للشباب............

نجيب عليكم فى الحلقه المقبله .... بكره يعنى

لا اصل انا من النوع اللى بستنى وبفضل السكوت عن الكلام

لا محرجه ولا حاجه طالما الواحد ليه راى فى موضوع خلاص ..

على فكره اسئله جميله اوى

وانا كنت كتبت رد طويل اوى عل ىفكره

وبعد كده الاكسبلورر فصل

عارفين لولا انى كنت تعبت فيه مكنتش رجعت كتبته تانى


بسم الله

اقتباس :

هل ممكن تتزوج كنت تكلمها من قبل؟

اى نوع من الكلام يفرق

لو كنت بكلمها على انى بحبها وانا معجب بيها وهى كذلك يبقى انا كده مش هدخل تحت حوار يمكن

هدخل تحت حوار انى بتمنى كده..

يعنى ولنفرض انى حبيت واحده وكلمتها وكلمتنى اوك بعد كده اجزاءها بندالتى ليها واقولها دا انا كنت بكلمك

عارف والله النظره الدينيه بس ربنا يسامح ..

اقتباس :

2- هل ممكن تتزوج كنت تكلمها وتطلع معاها وو...؟

اولا ديه مش من طبيعتى انى اعمل كده عشان كده مش هتحط فى كده والى عاوز يتجوز حد يحافظ عليه لو وصل لدرجه انه بيتكلم ..

اقتباس :

3-هل ممكن تتزوج وحده اعترفت لك انها كانت على علاقه بواحد او اكثر؟

اوك سؤال جميل ولا فيه احراج ولا حاجه بس استوعب معايه النقطه البسيطه ديه


ممكن تروح تخطب وتكلم والدتك تقولك على فلانه بنت فلانه اللى هى امام الدعاه وماسكه مذهب فتوى لوحدها وبتدرس فى الجامع وهى ممكن تكون احدى حالتين

اما على علاقه بواحد

اما كانت على علاقه وخلاص

طبعا هتوافق على طول بدون ما تكون تعرف اى حاجه

تب لو انت بقى اتعرفت او عرفت انها كانت كده هتحترمها اكتر على صراحتها وانها مش راضيه تعيش معاك الاوانت تعرف عنها كل حاجه عشان لو جه فى يوم حد قالك حاجه تبقى انت عارف

علاقه عن علاقه تفرق.. وفى سن عن سن يفرق وكلما زاد السن لوصول البنت لمرحله متاخره فى الكليه بتختلف المور عن بعضها

ولو قدرنا ظروف الناس الناس هتقدر ظروفنا ..

اقتباس :

4-هل ممكن تتزوج وحده اعترفت لك قبل الخطوبه بأنها غيرعذراء وانا كانت غلطه وتابت الى الله؟

ههههههه اوك عادى هجاوب

الواحده ديه هتخلتف

لو انا ح
كنت حبيتها واستريحت ليها وحسيت انها تنفع ام لاولادى

هفكر براحه البنت ديه لو مكنتشى قالتلى كان ايه هيحصل كنت اتجوزتها عادى وخلاص

تب لو البنت ديه قالتلى تبقى كويس انها انسانه صادقه (صح هتصدم شهر ولا اتنين ) بس بعد كده الشخص د لو انا حبيته او احترمته فى يوم من الايام هلاقى انى لو سيبتها الاتى هيحصل ::

هبقى قطعت اول حبل حاولت تمشى عليه مستقيمه

هبقى ضربتلها اخر ثقه فى الناس

هبقى بقولها روحى زى ما كنتى ساعتها مش بعيد تقول طالما انا غلطت خلاص وترجع للى كانت عليه او تمشى بعد كده انها مش هتعترف بكده للى يتقدملها عشان مش يسيبها زيك

طب مش ممكن انا احتسب الامرده لله واقول ان البنت ديه عشمت فى وقالتلى الصراحه ممكن عشان حبت مش تعيش معايه على ظلم لى

وممكن احتس بالامر ده لله وبدل ما ديه تروح هنا ولا هنا ابقى انا الوى بيها وان شاء الله ممكن ربنا يبدلنى سعاده

اكيد الشخص ده بعد كده هيخلصلى اكتر م اى حد وحسوا الموقف شويه يعنى ده شخص عاملنى كده على الرغم انى اعترفتله باللى مش يعرفه


اكيد جوابى فيه غرابه شويه واستغراب بس فى حاجه

ربنا بيغفر ويسامح ويتوب على الناس كلها الاالشرك

الرسول قال للغامديه انها تابت توبه لو وزعت على اهل الارض لشملتهم

وهى اعرتفت بالغلط

تب ديه هتتجلد فين

بتهيالى اعترفها ده اكبر من الجلد

انا بشر لازم اعذر البشر لان البشر وارد فيهم الخطا وما من معصوم سوى برحمه الله ..

ده كله لو انا كنت مستريحلها تماما وواثق انى هعاملها كويس جدا .انما لو غير كده هبقى انا اللى هظلمها لو وافقت.

وديه نظرتى فى المطلقه ..كتير اوى مش بيقدم عليها ..الموضوع طولكفايه كده.





هفطر واجى اكمل بس حاجه بسيطه للبنات اللى معانا فى المنتدى

مش معنى كده انى انا يعنى بدعو لان الواحده تغلط

لاه طبعا

انا من الناس اللى بقول الى يغلط يتعاقب

بس الذنب مش بيلزق مدى الحياه عشان نحكم على شخص بغلطه مدى حياته

مفيشاحسن من الالتزام

مفيش احسن من الاخلاص

مفيش احسن من الصفات اللى اتربينا عليها

اقتباس :

5-هل تصارح زوجتك قبل الزواج ان كانت لك علاقات نسائيه؟

علاقات نسائيه مره واحده هههه ليه مهند

مش كده اوى

يعنى ممكن نعدل السؤال ونسميه علاقه عاطفيه

علاقه نسائيه ديه كلمه مش كويسه

لكن علاقه عاطفيه كلمه شبابيه وارده كتيره خالص.

اكيد هى لو سالت ممكن اخفى بحجه حديث الرجل زوجته مباح فيه الكذب..

بث انا مش من النوع اللى بيحب كده ..لو اتعودت اكذب عليها مره هكذب بعد كده

المهم كنت بقول بالنسبالى لو لى اه انا عارف انها ممكن تحس بنغزه بسيطه

بس ان عارف انى بعدها هحاول اثبتلها بكل رخيص وغالى انى بحبها هى مش غيرها وانها مراتى ولولا حبى مكنتش اتجوزتها

وانا هحس بذنب انى كلمت حد قبلا وهحاول اعوضها كتير عن كده .ده راى انا.

اقتباس :

6- هل تصدق بنت قالت انها تحبك؟

انا ولد ولو انا صدقت انى بحب حد وقلت لنفسى انى بحبه وقلتله انى بحبه هزعل اوى لو هى مش صدقتنى

تب لو جينا لواحده وهى قمه العاطفه وهى رمز العاطفه فى الارض واتعاملت مع واحد وحبته وقالتله ايه اللى يخليه مش يصدق

وعلى العموم فى الحاجات ديه اللى بيخدع بيخدع نفسه وبيخدع مشاعره يعنى بدل ما تقوليها لواحد مش بتحبيه قولهيا لو احد بتحبيه افضل

ولو انا مش هصدقها مش هطلب فى نفسى انها تصدقنى ساعتها مش هيبقى فى ثقه.

اقتباس :

7-هل يوجد حب صادق خارج العلاقات الاسريه والزوجيه؟

فيه طبعا واصدق من العلاقات الاسريه كمان

فيه حب الاصدقاء اللى يستاهلوا يبقوا اصدقاء وبعد كده بناهلهم انهم يبقو محبوبين

ومش كل صديق يستاهل حب والاصدقاء انواع فى اصدقاء المنفعه وفى اصدقاء المراءاه

يعنى فى واحد يصاحبك عشان عاوز يعرف عنك اللى انت مش تعرفه ن نفسك وفى واحد يصاحبك عشان انت اشطر منه عشان يبقى يعرف ازاى بتذاكر ويبقى اشطر منك والهبل بتاع الابتدائى ده...


بس انا بتهيالى ان القصد من السؤال هل تعتقد ان فى حب خارج العلاقات الاسريه..؟

حتى لو كده اه طبعا


معلشوا على صراحتى بس خاصه فى الامور ديه انا بس اللى اقدر اتكلم فيه لا ابوى ولا امى

ديه شخصيتى وانا حرفيها

ده اسئلتك واللى انت عاوزه اجابتها



سبحانك اللهم بحمدك نشهد ان لا اله الا انت نستغفرك ونتوب اليك

ممكن ... وبعدين المواضيع كتيره بس انتا ركز

بصراحة اجاباتك اكتر من روعة
يا عبد الرحمن
بس انا مش شايفة ان حد من الشباب رد
ع الموضوع دة اية يا شباب روحتو فين

هو لسه فى شباب يا بطوطه كل سنه وانتى طيبه