فضفضه حيران

موضوع: فضفضه حيران الأحد سبتمبر 06, 2009 3:01 am

بسم الله الرحمن الرحيم

كل شى لم يبدا باسم الله فهو ابطر يعنى باطل ..عشان كده ابتدائنا موضوعنا باسم الله

باسم الله كلمه بنحب نقولها لما بنبدا اى حاجه

بنقول ربنا وفقنا لما نيججى نمشى فى الدنيا ونعمل حاجه

بنقول ربنا يستر لما نقابل حد نستريحله

بنقول يارب خليك جنبنا لما بتكتر علاقتنا بالناس

بنقول يارب دلنى على الصديق الصح من الغلط

على اللى يحافظ ويااامن مش اللى يخون ويغدر

عمرك جربت فقدان الثقه فى اللى حواليك.......؟

يعنى لما تبقى ماشى فى دنيتك وتثق فى ناس اوى وتقعد تحكى عنهم

ويبقى كلامك كتير اوى عليهم

وفجاه تكتشف انك كنت بتتخدع فيهم

تفتكر بعد كده من السهل الواحد يستعيد ثقته فى اى حد

للاسف احيانا الواحد بيرعى غنمه عند الذئاب

ساعات كتير اوى الذئب مياكلشى عشان يثبتلك امانته

غريبه هى الدنيا

نعيش انطوائيين يقال لما تفعل هذا

نعيش وسط الناس ونصاحب يغدر بنا ومن اقرب الاصدقاء

ترى هل بعد غرد اهل الثقه غدر

كتير اوى بنكون ماشيين فى الدنيا بنحب نضحك فى وجوه كل الناس

نبتسم ..ندخل السرور على الناس

مش بيقى فى نيتنا حاجه وحشه لحد

لكن لما تلاقى النيه وحشه عليك انت وانت كده اكيد بتزعل على حال نفسك

ساعات بتقول هو ليه انا مش نيتى كده

ليه مكنتش بتعامل على اساس كده

يارب هو الصح اللى بيخون وبيغدر واللى بيعين ويخبى ويدفن البغضاء

ولا الصح الشخص الصريح الواضح اللى بيطلع اللى فى قلبه

منقول

موضوع: رد: فضفضه حيران الأحد سبتمبر 06, 2009 3:13 am

فعلا ربنا يسامحنا جميعا إن كنا قصرنا فى حق انفسنا او فى حق الاخرين

موضوع: رد: فضفضه حيران الأحد سبتمبر 06, 2009 3:15 am

ااااااااااامين .. متشكر على المورو والمشاركه

موضوع: رد: فضفضه حيران الأحد سبتمبر 06, 2009 3:21 am

الشكر لله .... ربنا يدوم المحبه يا عبدالرحمن ...

موضوع: رد: فضفضه حيران الأحد سبتمبر 06, 2009 8:28 am

شكرا على هذا الموضوع
فعلا محتاجين نناقشه
وأعتقد بعد تجربة ان الدنيا لسه فيها كتير جدا وأكتر مما نتوقع ناس مخلصة وصحاب بجد
وانا بفضل ربنا محدش من صحابى غدر بيا لحد دلوقتى بالرغم انهم والحمد لله كتير جدا ويارب ميحصلش أبدا

اقتباس :: وانا بفضل ربنا محدش من صحابى غدر بيا لحد دلوقتى بالرغم انهم والحمد لله كتير جدا ويارب ميحصلش أبدا

مش كده خالث

لوحسبتيها كده هتندمى

انت بتدورى انت اتخدعتى فى حد ولا لاه

عمرك ما هتثبتيها كده

الايام لسه جايه

هتلاقى الناس اللى انت مش كنت تتوقعى بيعملوا الى مش كنتى تتوقعيه

بس خلى بالك

الدنيا مش موقف

الدنيا مواقف

ومحدش بيتعلم بالساهل

لازم نشوف الناس

ونشوف الملايكه الاطهار

ونشوف ناس بتدى نصايح واول اللى بيخالفوها هم

هتشوفى حاجات كتيره اوى مهما كنت ومهما وصلت درجه انطوائيتك فى المجتمع

فما بالك لو اجتماعيه بالطبع

ربنا يستر

على رأيك ربنا يستر ..... الواحد لما بيعيش بيتعلم ..... بس الشاطر اللى يتعلم من اخطاؤه ويحاول يصلحها كمان

يا أختي
أحب أقول لك انك شايفة كدا
دا على شان انتي دايما حسنة الظنأو بتغفري وتنسي
لكن غيرك "أنا وغيري" فزي ما بنقول لك
وبالنسبة للأصدقاء
فمتنسيش ان من ثالث المستحيلات "الخل الوفي"..............."ولكل رأيه"
أرجو ان تتقبلي

وأقول لك أخي "عبد الرحمن"
لازم تثق في الناس علشان الناس تثق فيك
بس ده ميمنعش ان الثقة تكون بحرص واجتناب سوء الظن
بمعنى
لازم التعامل يكون بحيط وحذر ومينفعش الثقة المتزايد فيها
اأن ده هو اللي بيجيب المشاكل على ما اعتقد

هذا موضوع رائع من الناحية الانسانية
وينم على قلب جميل وضمير حي ...
"بارك الله فيك"

متشكر جدا على مرور حضرتك

بس الحمد لله الواحد يعنى بيثق فى كتير اوى بس للاسف

الثقه درجات

يعنى ممكن تقولى الشخص ده بثق فيه لدرجه كذا

وده لدرجه كذا

وده لدرجه كذا

فلما تلاقى ثقه عاليه بالنسبالك وتضرب

اكيد اللى تحت كمان بيضرب

مش هتفكرى تثقى فى حد بعد كده

هتحسى ان الكل بيخدع والكل نيته مش صافيه

والكل بيحقد ويعين ويخبى ويضمر

هتحسى ان كل واحد بيضحك فى وشك بيجقد من ورا وشك

هتحسى ان كل مصافح محاقد

طبعا الواحد مش هيظلم الدنيا كلها بس برضو

ساعات الواحد بيبقى معذور انه هو يتخق قرار فى المجتمع بسبب نموذج

اتعلمت مش نتبسط اوى لما نشوف شخص الناس بتقول عليه حلو وكويس

كتير اوى بيتقال عليه ولما بندور شويه كده بنتلاقى اللى محدش اتلاقاه

فعلا هل تعرف فلانا نعم

هل عاشرته لا ,,اذا لم تعرفه

الكلام كتير والواحد لو اتكلم مش هيخلص مش من حاجه بس الموضوع بيفتح موضوع..

بس حاجه اتعملمتها من الدنيا فى الثقه

ثق بالشخص والق اليه بذره من خباياك فان اكلها فاحمد الله على ان الثمره لا تزال فى جيبك

يعنى احسن نصيحه عرفتها نفسى ونصحه بيها نفسى

كلامك حلو بس فيه تشاؤم كتير
والدنيا مش مستاهلة دا كله لانها مفيهاش أصلا

سبحان الله
شكرا على نصيحتكم بس انا مش عارفة ليه بنخاف نثق فى الناس ونظن سئ حتى قبل ما نشوف منهم أى حاجة
مانبتدى بنفسنا علشان اللى قدامنا يقدر يثق فينا
انا عارفة انه غلط الثقة الزائدة وكتير بيعتبروها سذاجة وضعف
بس انا مش مقتنعة أبدا لأنى جربت مع شخصيات مختلفة كتيييييييير
والحمد لله كلهم كويسين وبرضوا مش معقول أنا حظى حلو فى كل اللى أعرفهم
بس المبدأ بتاعكم ده تقريبا كل الناس بتعمل بيه
وأنا اللى مختلفة
ربنا يصلح حالنا جميعنا

اقتباس :: كلامك حلو بس فيه تشاؤم كتير
والدنيا مش مستاهلة دا كله لانها مفيهاش أصلا

ربنا يكرمك على ردك طبعا

انا كلامى مش فيه تشاؤم ولا حاجه

كل واحد بيجيله يوم بيبقى مش كويس لما يكتشف حاجه مش كويسه ..الناس ساعتها بتقول الشخص ده متشاؤم او منكد بس كل واحد ليه عذره وربنا يفك كرب كل مسلم..

بصراحه ياعبدو موضوع جميل ومش تستغرب ايوه انا انس وبكامل قواى العقليه وبقول ان الموضوع دا جميل

وانت بقى يا عم انس واخد عن نفسك فكره انك رجل تدمير المواضيع بمشاركاتك المدمره

لايا معالى الحج مرور طيب يا انس

نورت يا معلم ..