هل تعرفون مامعنى.............امسك الخشب ؟!؟!

منقول للأهمية ولكثرة تداول هذه العبارة

((أمسكو الخشب ))

يقول صاحب الموضوع:

السبب فى كتابة هذه الرسالة انى

كنت فى حوار مع زميلة انجليزية

وبعدين باقول لها :

الشغل هادى النهارده

قالت لى : تاتش وود ( امسك الخشب )

وطبعا العبارة دى هم بيرددوها كتير زينا

بس هى سألتنى: انتم عندكم اكيد بتقولوا حاجه بدلها

قلت لها: لأ..بنقولها هى هى

قالت لى : بتقولوا امسك الخشب برضه ؟

قلت لها: آه...

قالت: المسلمين بيقولوا (امسك الخشب)؟؟؟؟ معقوله؟؟؟؟

استغربت انها مستغربة أوى كده...

قالت لى: أصل الخشب ده المقصود بيه الصليب..خشب الصليب...
كانت اول مرة اعرف المعلومة دى فحبيت انقلها لكم لو ماكنتوش عارفينها..وبرجاء نشرها..علشان اللى

مش عارف يعرف..
بدل ما احنا طول النهار عمالين نغنى:

امسكوا الخشب يا حبايب..امسكوا الخشب....
لاحسن نتحسد يا حبايب...امسكوا الخشب...

ويا ريت نعرف أصل كل حاجه بنقولها...بدل ما احنا كده بنردد تراث الغير

ملحوظة :

فضلاً عن ذلك أن كلمة امسكوا الخشب إذا كان المقصود بها دفع الضر أو دفع الحسد فهذا مخالف لعقيدة

المسلمين الصحيحة

لأنه لا يحمي الإنسان إلا الله ولا يمنع الضر إلا الله ولا ينفع إلا الله

> فأي شيئ مادي أو غيبي ( سوى الله ) يتم الاستغاثة به كخشب أو حجاب أو تعليق كف أو حدوة حصان

أو الاحتماء بقبر أحد الصالحين ، كل هذا يعتبر من الشركيات

> فالأولى الاستغاثة والاستعاذة بالله

وصدق الله حيث قال ' فالله خيرٌ حافظاً وهو أرحم الراحمين ' .

أرجوكم لا تمسكو الخشب

ارجوا المساعده علي نشرها
منقولة والله أعلم؟!؟!؟!

مع انى مش كنت بقولها بس أول مره أعرف المعلومه دى وشكرا بجد عليها يمكن الناس اللى بتقولها تبطل وربنا يجعله فى ميزان حسناتك

شكرا يا ندى على المعلومة
انا أول مرة أسمعها مع انى حاولت أفهم معناها قبل كده وبرضوا موصلتش
جزاكى الله كل خير

بشكرك يا أنس
ويارب كل الناس تبطل
دا احنا لو دورنا نلاقي حاجات كتير بنقولها غلط
ربي لا تؤاخذنا

شكرا ياروري
أي خدمة أي حاجة متتردديش اسأليني علطول هههههههههه

انا كنت سمعت عن اصل المقوله دى
بس انها ليها اصل فرعونى ييعنى مش تبع الصليب ولا حاجه
بتقول يعنى ان الفراعنه زمان كانوا بيعتقدوا ان الخشب ممكن يحميهم من الجن والشر عموما
بس عشان كده كانوا لما يخافوا مثلا من حاجه يقولك <امسك الخشب>
والله اعلم بردو
بس المهم فعلا ان الحاجات دى كلها خرافات اصلا ولا تمس دين الاسلام بصله والحمد لله
شكرا ليكى يا قمر ع معلومتك الجميله

شكر اعلى المعلومة دى انا اول مرة اسمع عنها
شكرا اوى بس حسب نية كل شخص
متهيقلى الكلمة دى بتتقال كدا(امسك الخشبة من النص)
تقبلى مرورى وشكرا