هل تقبلى ان تكونى زوجة ثانية ؟؟؟

بسم الله الرحمن الرحيم

السلام عليكم الاول ...
انا مش عارف بصراحة انا من حقى اكتب مواضيع فى القسم دا ولا لأ ...
بس فى سؤال جه على بالى فقلت لازم اساله ليكوا هنا فى المنتدى ..
طبعا بعد الافلام والمسلسلات العربية اللى بتحارب الفكرة دى تماما وكمان بتصور الراجل اللى يعمل كدا على انه مجرم حرب ورجل متوحش ..
بل ويجزم المؤلف على ان حياة الراجل دا هتبقى بعد كدا تعيسة ...
ماشاء الله لو عدينا الافلام والمسلسلات اللى بتتكلم عن كدا مش هنخلص لانها كتيرة جدا ..
وبرضه ماينفعش اقول ان كل راجل هيتجوز زوجة تانية يبقى كويس وكدا ..
لانه ممكن فعلا يظلم الاولى ..
يعنى خلينا وسط ...
وانا حابب بصراحة اسمع اجابتكم عن الموضوع دا والسؤال دا ..
هل تقبلى ان تكونى زوجة ثانية ؟؟؟؟؟..
سواء بقى كنتى انتى الاولى او اللى لسه الراجل هيتجوزها يعنى التانية

بصراحه هيكون صعب عليه اوى اكون زوجه اولى وجوزى يتجوز عليه
وطبعا بما انى حطيت نفسى مكان الزوجه التانيه ولقيت انها محط نفور من الزوجه الاولى
ف أنا مفضلش انى اكون زوجه تانيه خالص....بس عشان الغيره والكره اللا ارادى اللى هتحس بيه من ناحية الزوجه الاولى
وانا محبش حد يكرهنى بصراحه
وشكرا ع سؤالك الجميل

يعنى معنى كلامك انك مش حابه الحالتين ...
فين ايام زمان ايام ماكانت الزوجة من نفسها تقول لجوزها اتجوز عليا عادى مش حرام ولا عيب !!!..
طبعا بشكرك جدا انك جاوبتى بصراحة وقلتى اللى فى نفسك ..
وانا هخلى رايى انا فى الاخر بعد مااسمع كدا مجمعة اراء ان شاء الله ..

أجاوب على سؤالك

أكيد طبعا عمري ما هوافق هي فوضى

هههههههها

وشايفة ان ده الصح , وده لان

أولا : أي واحدة تحب تكون المرأة الأولى والأخيرة والوحيدة في حياة زوجها

وبعدين زي ماهو لازم يكون في راجل واحد في حياة المرأة

برده المفروض تكون في مرأة واحدة في حياة الرجل

ثانيا : ان الزوجة الاولى مش كان فيها عيب وهو تزوج عليها يبقى راجل ...............ولا تحكموا انتم عليه !!

ثالثا : الزمن اللي احنا فيه وكمان اللي جاي لا يساعد على ذلك

رابعا : ان التعدد شرع لحالات معينة ولا أعتقد انها موجودة الآن الا النادر منها

موضوع جميل

مع انى مش معاكى خالص ياندى فى رايك ...
بس طبعا لازم نحترم وجهة نظرك ..
وانا برضه مش هقول رايى دلوقتى ..
خليه شوية كمان كدا ان شاء الله ..
شكرا ليكى طبعا انك اتكلمتى بصراحة معانا وقلتى رايك ...

وانا مستنية رأيك
ممكن أقتنع
الموضوعات دي معمولة لتبادل الأراء ووجهات النظر
وتغير الأراء ان كانت غير صحيحة
والله أعلم

بس رأيك كده بقى واضح يا محمد
لإنك عارضتنى وعارضت رأى ندى
يبقى اكيد رأيك عكس رأينا

طاب استنوا بقى لما تبقوا زوجه اولى واخيره

السؤال صعب اوى بجد
بس انا اعتقد ان حضرتك لسه متزوجتش ناوى من دلوقتى تتجوز عليها
نتكلم شويه جد

انا لو الزوجه الاولى وفى سبب عندى من الاسباب اللى ابيح من اجلها تعدد الزوجات انا اللى هاقول لزوجى يروح يتزوج بس بعلمى مش من ورايا علشان مااكتشفش حاجه تصدمنى

لوانا الزوجه التانيه صعب اوى لانى هحط نفسى مكان زوجته وما احبش انى اكون سبب صدمه او تفرقه

بس بقول تانى لو فى سبب يستدعى لكده وجهات النظر بتختلف

واكيد الاهل مش هيوافقوا
ممكن حضرتك تعرف الاجابه بنفسك فكر لو بنتك جالها عريس عايزها زوجه تانيه رأيك هيكون ايه

تقبل مرورى
ولى عوده بإذن الله الموضوع مش سهل كده ده مجرد كلام بس احيانا الواقع بيكون مؤلم

ايه يا دكتور انت جاي تشجع التعدد ولا ايه ؟
هههههههههه

بردو يا جويرية نستنى عليهم شوية أحسن يقولو اننا بنقلب الدنيا عليهم

خلاص ماشى
بس احنا مش بنقول ان التعدد حرام ولا حاجه
بس الزوجة مبتحبش حد يشاركها فزوجها مهما ان كان
حتى لو كانت اخته او والدته
فما بالك لما يتجوز واحده عليها
او تكون هى الزوجه التانيه!!!!!!!!

لا لا مش للدرجة دي
طبعا أخته ووالدته لهم حقوق
وبعدين ايه مشاركه دي هو ........
وحتى المرأة الزوجة تواجهها نفس المشكلة

ايه؟
زوجه تانيه؟
؟؟؟؟؟؟؟؟؟؟؟
دا مستحيل طبعااااااااااا
هو اه التعدد حلال مقولناش حاجه
بس مش اى واحده تقبلها على نفسها
وانا متهيألى اللى ترضى بكده تبقى مبتحبش جوزها اصلا
وانا معاكى يا جويريه
اغلب الستات بتغير على جوزها من والدته او اخته وممكن والده كمان
يقوم يروح يتجوز واحده تانيه
دا يبقى كده نوى موته
وانا عن نفسى لو لا قدر الله كان فيا عيب
اوكى هقوله اتجوز
بس لو هيتجوز يبقى يسيبنى انا
ماهو يا ابقى انا وبس يا اما بلاش خالص

possy cat كتب:: ايه؟
زوجه تانيه؟
؟؟؟؟؟؟؟؟؟؟؟
دا مستحيل طبعااااااااااا

ماهو يا ابقى انا وبس يا اما بلاش خالص

احنا وبس عاوزين كل واحد يكون هو وبس

والله أنا شايف ان تعدد الزوجات حلال ومش شرع لحالات معينه بل وضع له شروط حتى يكون مباح والفرق واضح المهم الناس قالت مش أقبل مش أقبل طيب ليه مادام العدل موجود وانا أعرف واحد متزوج من امرأتين وهم على وفاق فيما بينهم بل ومتحابين كمان وبعدين الناس قالوا مش عاوزين نتفاجئ دا بالعكس انا شايف انك لما تعرفى ان زوجك تزوج دون علمك تقدريه لأنه خاف على مشاعر زوجته

لا, أنا أقصد بحالات أسباب , وقد يطرأ سبب من الأسباب التي تضطر الزوج الى التعدد , فيكون حينئذ اجازة له فيه من غير كراهية .
والأسباب هي :
1_اذا نزل بالزوجة مرض مزمن أو شلل.
2_اذا كانت عقيما غير قابلة للحمل.
3_اذا طرأ عليها عته أو جنون.
3_اذا بلغت سن الهرم والعجز , ولم تستطيع القيام بالتدبير المنزلي.
4_اذا ساءت أخلاقها , ولا يمكن اصلاحها , وأخذت الفوضى في الحياة الزوجية .
5_اذا نشزت من بيتها , وخرجت عن طاعة زوجها من غير سبب يوجب ذلك , ولم يمكن اصلاحها .
6_اذا قلت الرجال بسبب الحروب وكثرت النساء.
فأعتقد ان هذه الأسباب ليست موجودة الآن في مجتمعنا وان وجد القليل منها فيمكن معالجته بغير الزواج الثاني .

انا برضه لسه مش قلت رايى ...
يمكن لسه فى ناس تانية عايزة تقول حاجة ..
واشكركم طبعا على المعلومات اللى الواحد استفادها من الموضوع دا ..