ممكن تفتح لينا قلبك؟ ممكن ولا لا ؟

يلا كلامك كتير بس مش بطال ... و احب اقول ان الفضل فى كل اللى بيحصل ده كله هو انا ( تواضع ) ولو تحبوا تعرفوا ليه ابقى اقول ...

نحب نعرف ليه
ده انا مصممه بقى اعرف ليه ان شاء الله
هو انتا عملت حاجه غير انك عمال تنتقضنى ,بس انا هطلع احسن منك ومش هعملك بنفس المعامله
قالالفضل ليك قال

هو البدايه كانت فى ازهر واى لما لقيتى منتدى الطب شغال كويس صح .... يرجع الفضل فى ذلك لحضرتى بقى ... مهدى يقولك .

ثالثا الدكتور عبد الرحمن
1-ليه مش قولت الحاجه الخامسه مع انها حاجه كويسه فيك
2-اول مره اعرف ان الهزار ماساه (امال يا ابنى لو عشت الكابه كنت قولت ايه ,هو اللى انا فيه ده من شويه )
3-كلامك واضح
4-الله على الاجابه الجامده دى ((بس واثق ان عندى حاجه احسن منه اخدها منه علمه ) تعرف جملتك دى خلتنى افكر فى حاجات تانيه مهمه ,فعلا العالم مش بيبقى معاه كل حاجه
15-بصراحه والله اجابه تحزن ,ايه مليش هدف دلوقتى , بص بكل اسف مفيش وقت اقنعك بس هقولك كلمتين ابرك من 15 (فى ناس كتير كانت تتمنى انها تكون مكانك -لازم تعيد حسباتك قبل فوات الاوان )
23-هههههههههههههههههههههههههههههههههههههههه طيب ازاى من الواضح انك بتحب جذب الانظار اوى
30-صعب اوى للدرجه دى متحاول تانى .
القلب .....اموشن يعنى ايه ؟
الفشل .....مبدا لا تجربه المفروض انه تجربه لا مبدا
القمه ......
الخيانه.....
فين الاجابه ؟
22-بص بقى بصراحه موضوع القطط ده جذب انتباهى اوى وحاولت اعرف دلالات ده بس مش وصلت غير لنتائج بسيطه
الاولى: الاحساس بالفراغ والوحده
الثانى:بيعوض الانسان عن خيانه صدرت من حد عزيز عليه , بيرجعله احساس الوفاء من تانى
الثالث: انا هقولك الجمله ذى ما قراتها بالضبط (((بحث عن حنان او مكان لتفريغ العاطفه)))
على العموم موقع هيفيدك لما تشترى قطه خد اهو http://www.as7apcool.com/vb/showthread.php?t=285703

من الواضح انك طيب بس بروشنه
تحب جلب الانظار اليك




كلام كويس والله ليك مستقبل فى الطب النفسى .. بجد مش بهزر انت قلت حاجات كتير صح .. وحاجات يعنى بس مش هقول فين الصح ..

بس انا مش بحب لفت الانظار ولا حاجه عادى يعنى .. وانا يعنى مش بقيت بدون هدف خالص لاه هدفى بغى مضمر اقصد يعنى يساير ما انا فيه يعنى اخلص واشتغل وكده يعنى الطبيعى .. انا اقصد بالهدف اللى هو الواحد ينوى يعمل حاجه مش طبيعيه يعنى يقول والعياذ بالله ارتب واتعين نيابه جامعه واحضر الحاجات اللى هى الوحشه ديه ... وطبعا ديه بتبان من بعد سنه اولى اول ما الواحد يجيب مجموع وحش زى اللى حضرتى جابه قلت خلاص وكل سنه وانا طيب واللى حصل حصل ودلوقت الواحد عايش كده عاددى بيعيش يومه وسنته وخلاص.. وربنا يستر


اقصد اموشن يعنى emotion يعنى والله اعلم مشاعر واحاسيس بغض النظر انا مش بتكلم عليه فسيولجيا وتشريحيا وكده ..


وبالنسبه لثلاثين انا لما اقول اضحى يعنى مش اقصد اسرتى اللى هم اهلى اللى فوق يعنى ابوى وامى فما فوق .. لاه دول مش ينفع الواحد اصلا يقول انه يفكر فى حرف الياء بتاع يضحى.. انا اقصد اسرتى اللى هى ان شاء الله مستكبلا يعنى المدام والاولاد ههههههههههههه وهو مبدا يخص ماى وايف (شرط فيها يعنى ) بس مش اكتر..[/b][/b]

:::جزاك الله خير يا دكتور عبد الرحمن ,تصدق بالله انتا بترفع من معنوياتى اوى مره تقول عبقريه ,ومره تقول مستقبل فى الطب النفسى (طبعاااااا مجامله بس عجبانى).

:::مستكبلا................ممكن بعد الترجمه تبقى ..مستقبلا.........................

:::عاوزه اعرف الاستاذ ميجا ايه الفضل بتاعه بقى ......(استفهام)

ههههههههههههههههههههههههههه بعدين
هو فى بعدين ولا قبلين حتى ده كله كلام

هابقى اقولك بعدين لما تكبرى ...

انا من رئي الزعيم قصدي عراابي
الموضووع جاامد بجد بس طووووووووووووووووووووووووويل قوي و زي مانتوو عارفين وقتي مش ملكي يا جدعااان
بس كد انا عايز اعرف انا حاخد كام .....؟؟

::::على فكره انا بخاف جداا من الناس الغامضه,واللى مش عاوزينا نعرف عنهم حاجه
وبعدين انا بقول 5 اسئله فقط ,ده احنا لو هنحل اسئله اللون على اليوم المفضل هنخلص ونجمع 5 اسئله .
وبعدين هما اللى حلوا دول ,مفيش غيرهم فى اى موضوع ؟
ما علينا....

متشكره ليكم جداااااااااااااااا على الردود وان شاء الله هحلل ده قريب ,سامحونى ظروفى دلوقتى ضيقه ,بس بجد متشكره خالص.
على فكره يا بسبوسه انا وانا براجع الارشيف لقيتك كنتى بتكلمينى بس والله انا مخدت بالى من كده خالص ,لانى مش من النوع اللى حد يكلمنى ومردش عليه ,فما بالك لو بسبوسه هى اللى بتكلمنى ودى اكتر شخصيه هنااا فى المنتدى حاسه ان تفكيرى متشابه كتير مع تفكيرها , وبينى وبينك انا ناويه مدخلش دردشه تانى
متاسفه مره تانى يا بسبوسه وعاوزاكى تسلمى لى على البنت العيانه اللى اسمها بوسى وقولى ليها انها وحشتنى ووحشتنى طيبتها الكبيره ,وكمان انا كنت متوقعه انها تشارك هنا عشان نحل ليها مشكلتها
وبعدين انا بسلم على باقى البنات سورا -سليفير -وكل البنات .....

السلام عليكم ورحمة الله وبركاته
:::طبعاااا ده مش تحليل اوى ,بس شويه ملاحظات على ادى كده
اولا بالنسبه للدكتوره بسبوسه:
1-انتى قولتى فى اجابه السؤال الاول ان احسن حاجه فيكى الاصرار-محل ثقه-يعتمد على ,ورجعتى فى رقم 2 قولتى اوحش حاجه فيكى قله الثقه فى النفس وده تناقض انا مش فهماه ,الواضح من كلامك ان دى وسوسه وافكار سلبيه انتى حطاها فى دماغك ملهاش اى اساس من الصحه ,ممكن يكون ده بسبب مشكله حصلت ليكى فى طفولتك او طريقه تربيه معينه او موقف حصل ليكى هو اللى خلاكى تقولى كده ,,بس اللى انا شيفاه غير كده خالص انتى اولا واحده فى كليه الطب يعنى اكيد انسانه ذكيه وتفكيرك سليم جدااااا وناجحه ومتفوقه فى دراستك ثانيا انا لما اتكلمت معاكى حسيت انك انسانه متميزه وكمان حسيت ان طريقه تفكيرك فيها كتير منى ,وكلامك (الاصرار -يعتمد على..)اكبر دليل على ان موضوع الثقه بالنفس دى افكار سلبيه ,وعلى فكره لو قعدتى تقولى كده كتير هتصدقى الوهم اللى انتى عايشه فيه ,تعرفى انتى عمله زى واحد قلبه بيوجعه راح لدكتور سنان ودكتور السنان عشان يحلل ثمن الكشف قاله (يا لهوى ايه ده ده انتا فضلك كام شهر وتموت لان عندك ثقب فى القلب)تخيلى المريض ده هيعمل ايه هيزهد فى الدنيا ويكره كل شىء حوليه ويموت بالحيا ليه ؟لانه صدق بفكره غلط ,انما لو راح لطبيب متخصص وقاله انه سليم وان الدكتور الاولانى ده مش بيفهم حاجه ,شوفى معنى الحياه هيتغير ازاى فى نظره ,,من الناس اللى انا بحبها جداااا الدكتور ابراهيم الفقى بجد راجل اكتر من ممتاز ,ادخلى جوجل واكتبى (محاضرات للدكتور ابراهيم الفقى ) واسمعى كل حاجه نفسك فيها ,ومعلش انا الويندز كان واقع عندى وكل الكلام ده راح ولو كانت عندى كنت ريحتك وبعتها ليكى على طول.

2-القلق والخوف من اللى جايا ,مش بقولك عامله زى ,صدقينى انا احط العباره دى فى مميزاتك ,مش فى عييوبك ,لانك معنى كده انك انسانه حريصه جداااا بتعملى الف حساب لكل خطوه ولكل قرار وده شىء طبيعى جدااا فى اى انسان ,وبعدين كده احسن ولا تبقى عامله زى الناس اللى عيشه بالبركه (يا سيدى كبر ) (بكره تتعدل ) وغيره وغيره ...
::عارفه لما تكونى متوقعه كده من اللى ادامك ,ده يخليكى حريصه وحذره فى كلامك واعتقد ان ده افضل 100 مره ,وبعدين جربى كده تتغيرى مثلا وتكلمى حد عادى خالص ,ممكن الحد ده يكسفك ويحرجك ويقولك كلمه ملهاش لزمه ,وبكده تبقى احرجتى نفسك وثقتك فى نفسك اتهزت ,كده احسن انك تكونى حريصه فى كلامك ,على الاقل لحد ما تعرفى الشخصيه اللى ادامك كويس وبعدين اتعاملى معاها برحتك.

10-انا اقصد من وجه نظرك امتى البنت تستحق لفظ (مثاليه ) اى بنت مش شرط صديقه
11-عجبانى اوى الجمله دى (كانه مهزرش قبل كده ) بصراحه جامده
13-ربنا يخليكوا لبعض لما امسك الخشب (هههههههههههههههههه)
14-اوك انتى ماسكه العصايا من النصف ,لانتى عامله زى ومقفلاه على نفسك اوى ,ولا انتى فتحاه على البحرى واى واحده تثقى فيها الوسطيه حلوه ,بس معلش لى تعليق بسيط دول (زمايل مش اصدقاء) لانى بصراحه الصداقه من وجه نظرى معادله ,لازم صدقتى دى تكون فاطمه بكل صفاتها ,عشان كده مش هلاقى ,وفعلا مش لقى حد بدماغى الغريبه دى .
18-19 من الواضح كده ان نفسك ربنا يرزقك باولاد بدليل انك قولتى 3 اسماء انما عند البنت قولتى اسم واحد ,ولولا انى اخذت عهد على نفسى انى لازم اغير اسلوب كتابتى فى المنتدى كنت هلكتك من الضحك وقولت ليكى الفرق بين خلفه الصبيان وخلفت البنات ,وبعدين كنتى هتلاقى الدنيا اتلمت هنا والكلام بقى مقولكيش وفى الاخر المدير يقفل الموضوع ,فبلاش الطيب احسن
20-مدلول المياه انا نقلته كده من النت
عاطفه - هدوء - تضحيه - حب المساعده - رومانسيه - عشق الأحلام - وفاء - اخلاص - انسانيه - رقه -
حنان - اثاره - تدفق - دلال - التزام
حساسيه زائده - كسل - تقلب - مزاجيه - تسرع - مبالغه فى الدلال - بعد عن الواقعيه - استسلام
المولود المائى عاطفى - حالم - خدوم - لعوب ومتقلب
..............................................................
دى كانت ملاحظتى ,ها بعرف احلل ولا اخلينى فى اللغة العربية احسن ,متتكسفيش انا عارفه من غير ما تقولى
سلام

السلام عليكم ورحمه الله
بالنسبه لكلام (loda love)
5-بصراحه عجبنى موضوع الغموض ده ,لانى فعلا كده ,بس فى المنتدى محبش اكون غامضه ,لانى محدش من اللى هنا يعرفنى ,انما فى حياتى العامه انا بتخذ الغموض ((مبدأ)).
10-بصراحه صريح جدااااااااااااااااا اجابتك واقعيه اكتر من كونها مثاليه ,فعلا هو ده اللى بيحصل انتا مقولتش حاجه غلط ,وفى فرق بين الكلام والفعل
14-8!!!!!!!!!!!!!سبحان الله بجد ,ياترى ايه مفهوم الصداقه عندك (اللهم لا حسد طبعااا )
22-بالنسبه لمدلول العصافير انا دورت لقيت الكلام ده
ان العصافير رمز
للحريه (ناس كتير قالت كده )
الانطلاق-البراءه-البساطه-الجمال-الرقه-الهدوء-راحه البال-الاتكال على الله فى طلب الرزق
ولقيت ابيات شعر مكتوبه بتقول (اكن عصفور بيتكلم)
انى عاشق للحريه
اموت من اجلها
ولا ارتضى بغيرها
مهما كان العيش وفير
فياا عجبا من عصفور
يرفض لقمه عيش تبقاه اسير
...................................................................................
وانا بدور على دلاله العصفور عجبنى اوى الموضوع ده
عن عصفور مراته ماتت فراح عشان ينقذها ولكنها ماتت فقعد يصيح (بالصور ) على فكره وسبحان الله اول قليل جداااا انا لما بيصعب على طائر او حيوان بس فى الصور دى العصفور صعب على جدااا بجد صور مؤثره ومكتوب انى اللى صور الصور دى بعها لاشهر جريده فى فرنسا بمبلغ خيالى
الرابط اهو لو عوزت تشوف الصور
http://q8doll.blogspot.com/2007/08/shather.html

:::افتكرت حاجه كمان يا بسبوسه ,بالنسبه لموضوع الثقه فى الناس ,والله يا بنتى اهنيكى عليهاااااا ,ودى فى راى اجمل حاجه فيكى ,يا بنتى الناس دى مش بيهمها الا مصلحتها وبس ,وبعدين تعالى نفكر تفكير علمى
*ايه اللى يحصل لو بسبوسه اديت ثقتها للناس عمال على بطال ..........هتدى الفرصه للناس انهم يخونوها - ممكن يجرحوها -هتخسر حاجات كتير جدااا
انا عارفه ان الوحده شىء صعب جدااااا ,ومهما كنتى وحيده عمرك مهتكونى زى ,لانى بجد انسانه مش قادره اقولك ,احيانا اقسم بالله بكلم نفسى ,مش قادره اتغير لانى زيك عمرى عمرى عمرى ما وثقت فى حد ,ممكن ادى الامان لكان بحساااااااااااااااااااااب ,امال ليه انا بحب المنتدى ده؟ عشان لقيت ناس ازهريه ومحترمين زى اتكلم معاهم ,وفى نفس الوقت محدش منهم يقدر يضرنى ,لانهم ميعرفونيش وحتى لو حد عرفنى ,انا عمرى مديت الفرصه لاحد انه يضرنى (الحمد لله ) ولا عمرى هديها لحد (ان شاء الله ) يعنى خلاصه الكلام اصبرى على الوحده ....
*انما لو بسبوسه كانت بنت جدعه كده ومش بتدى ثقتها لاحد ,يتعملها 1000 حساب
وبصراحه بقى انتى ميتخفش عليكى , وعوزاكى تمسكى بوسى كده وتملى دماغها ,لانها صعبانه على مش عارفه ليه بحس ببوسى انها زى بنتى (سبحان الله ) احساس غريب بس يجد انا خايفه عليه من الطيبه الزياده عن اللزوم دى ,وانتى هتاثرى عليها اكتر منى بوسى امانه فى رقبتك يا بسبوسه .

:::فكرتنى بسؤالين مهمين جدااااااااااااا مجوبتش عليهم
*صفات الرجل المثالى : بصراحه الراجل المثالى لازم يكون فيه كل الشروط دى بلا استثناء
1-متدين جدااااااااااااااااااااااااااا وبيخاف ربنا جدااااااااااااااااااااااااااااااااا وبيتقيه جدااااااااااااااااااااااااااااا طبعا ده ملهوش دعوه بالشكل اهم حاجه المضمون والاخلاق (طبعا المظهر مهم يعنى مينفعش واحد لابسلى زى الممثل الفلانى وحالق شعره زى المغنى العلاانى وشكله ومنظره بيقول انه بايظ واجى اقول ده ملتزم ,وكمان مش كل اللى مش ملتحين مش ملتزمين طبعااا اللحيه سنه وشىء جميل بس بكل اسف فى ناس ملتحين ومتعرفش عن الاسلام حاجه لا اخلاق ولا معامله يعنى مسلمين بلا اسلام )
باختصار يكون ملتزم شكلا ومضمونا.

2-طموح جدااااااااااااااااااا جدااااااااااااااااااااااااا جداااااااااااااااااااااااااااااااااااا احلامه واماله ملهاش حدود اكبر من سنه ,يحب الاحلام الكبيره والجامده جدااااااااااااااااااااااااااااا وكمان متميز فى شغله ميكونش زى اى حد ,يكون افضل واحد فى شغله .

3-قنوع جدااااااااااااااااااااااااااااااااااااااا يعمل اللى عليه ودايما راضى باللى ربنا قاسمه ليه ,ومش فى تناقض بين الطموح والقناعه لان الطموح والقناعه عملين زى (العقل والقلب للانسان مفيش حد يقدر يعيش بقلب بس ,ومحدش يقدر يعيش بعقل بس ) ومش يبص لحاجه فى ايد حد دايمااا راضى برزقه ,حامد ربنا على كل شىء.

4-شخصيه قويه جداااااااااااااااااااااااااااا +الطيبه ,لان لو شخصيته قويه من غير طيبه هيبقى قاسى ,ولو طيب من غير شخصيه قويه هيبقى ضعيف ,لازم الاتنين مع بعض ,مش عارفه ليه مش بطيء الرجاله اللى ملهاش شخصيه بأرف منهم اوى ,تلاقى الواحد مندول يقلد الممثلين والمغنين واصدقاء الفساد .

5-مخلص جداااااااااااااااااااا جداااااااااااااااااااااا ,يعنى مثلا ذى ما هو يحب ان مراته تكون ليه هو وبس ومش تبص لراجل غيره ,هو كمان لازم يكون كده ومش يقعد يبحلق فى الستات .

6-عمره ما مشى مع اى بنت ,ولا اتعلق باى بنت باى صوره من الصور.

7-يكون بيصلى الفروض 5 فى المسجد خصوصا الفجر .

8-جد بنسبه 98 % وهزار بنسبه 2 % .

9-ميكونش ليه اصدقاااااااااااااااااااااااااء خالص ,يكون ليه زمايل بس.

10-يكون ناجح فى كل شىء وفى كل مكان ومش بس ناجح ومتميز كمان .

:::بالنسبه لشروط البنت المثاليه ,ويا ريت البنات يسمحونى اول مره هكون متشدده معاهم بس ده لازم
الشروط اللى فاتت كلها بس بتفصيل شويه
1-متدينه جدااااااااااااااااااا وعارفه ربناااااااااااااااااااااا ولبسها محتشم ,ميديش الفرصه لاى حد انه يبص عليها ,يعنى من غير الوان فاتحه او ميكاب والكلام ده ,وتكون بتخاف ربنا .

2- بره بيتها لازم تكون انسانه جامده بعنى ,تبص فى الارض , متركزش فى شكل راجل حتى لو الدكتور بتاعها فى الكليه ,ولو الظروف اضطرتها انها تكلم راجل وجها لوجه ,لازم تكون ناشفه فى كلامه ,قاسيه فى اسلوبها ,تتكلف بتعالى (طبعاااا مش تكبر ) بأنفه ,باسلوب جاف ,عشان محدش يطمع فيها ,وتحاول مش تتفرج على تلفزيون ولا افلا م, ولو اتفرجت يكون بحساااااااااااب وبالصدفه كده , ومتقعدش تبحلء فى الممثلين والمغنيين الزباله دول ,وطبعااااااااااا مش بتسمع اغانى خالص ,طبعا الا الاغانى الدينيه ده ممكن .

3-طموحه واحلامها كبيره ومتميزه فى درستهاااا .والباقى متوضح فوق فى صفات الراجل المثالى .
4-قنوعه جداااااااااااااااااااااا .

5- (شخصيه قويه +طيبه ) لانها لو شخصيتها قويه بس ,هيتقال انها بجحه وجريئه ,ولو طيبه بس الناس هتطمع فيها ,انما الله بقى على البنت اللى تجمع الصفتين سواااا بصراحه ارفع ليها القبعه احتراما وتقديرا منى ليها .

6-تكون جد جداااااااااااا ,وبتصلى طبعااااااااااااااااااا وتعرف تعمل توازن فى حياتها .

7-يا سلام بقى لو ملهاش اصدقاء.

8-مخلصه جدااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ولو بطلب الاخلاص من الولد قيراط بطلبه من البنت 100000 على الاقل الرجل مباح ليه التعدد فى الزوجات ,انما هى بقى لا ,يعنى لو وافقت انها تسلم نفسها لواحد يبقى لازم ,متشوفش فى الدنيا دى راجل غيره ,حتى لو كان شغلها يضطرها انها تتعامل مع رجاله ,طالما قبلت تتزوج يبقى تدى حياتها كلها لزوجها (طبعااا ربنا اولا واخيرا ) ومينفعش انها تكون متزوجه ودماغها فى حته تانيه لازم يكون دماغها وكلها فى بيتها ,ولو متزوجه شرط ,مش تتفرج على التلفزيون ,ولا تدخل نت ولا يكون ليها ايميل ولا تدخل منتديات ده لازم وشرط .

9- طبعااااااااااااا عمرها ما مشيت مع ولد (مش محتاجه كلام ) ولا عمرها اتعلقت باى ولد فى الدنيااااا حتى لو كان خطيبها ,لانها متضمنش اذا كان هيبقى زوجها ولا لا الاحسن انها تعامله ميرى لحد ما تتجوز ,
باستعجب على البنات اللى دايره تلف كل يوم مع واحد شكل ,مش عارفه دى اذاى تتجوز ,بصراحه انا عندى مبدء انى البنت ,لو اتعلقت بحد قبل جوزها , تعتبر خيانه للراجل اللى هيكون من نصيبها ,حتى لو نسيت اللى كان قبل الزواج ,تعتبر خيانه ,عشان مينفعش .

10-تكون ناصحه جدااااااااااااااااا ,لو هى وجوزها قتلوا بعض ,ولعوا فى بعض ,خنقوا بعض ,مفيش جنس مخلوق يعرف ده حتى امها وابوها ,ويا سلام بقى لو ليها صاحبه وحكتلها ولا جاره الدنيا تخرب واجدع حاجه فى النسوان خراب البيوت عشان كده هما اكتر اهل النار بلسنتهم اللى عوزه قطعها ,محدش يعرف عنها ولا عن اسرار بيتها اى حاجه .
اعتقد كده معقول اوى عشان البنت او الولد يتقال عليهم مثاليين
انما بقى الشكل والمنظر و الشياكه و الاناقه والمظاهر الكدابه دى ,كلها حاجات ثانويه ,هى مهمه اه بس بعد توافر كل الشروط اللى فاتت .
سلام .....

:::اخيرااااااااااااااااااااااا رديتى يا بوسى ,ايه يا بنتى لازم اطلب يعنى ,مكان من الاول ,بجد وحشانى ,وانتى معلقتيش على موضوع (زى بنتى ) دى ,على العموم انا فرحانه اوى بيكى , بصى يا ستى :-
1-بقى بزمتك مش عارفه دول مميزات ولا عيوب ,حرام عليكى ,دى احسن مميزات فى الدنيا .
6-الاحمر!!!!!سبحان الله عارفه انا بكرررررررررررررره حاجه اسمها الاحمر بكل درجاته نبيتى ,اى حاجه تبع اللون الاحمر مش بطقهااا ,معلش سامحينى دى ازواء.
11-عجبانى اوى الاجابه دى ,تعرفى هو ده اللى كنت نفسى اقوله بس معرفتش ,انا فعلا احب الناس الجد جدا ,بس لما اتعامل احب اتعامل مع ناس هزار عشان الواحد مش ناقص كأبه ,تعرفى انا معايا واحده فى الكليه ظريفه جدااااا بسيب الكل واروح اقعد معاها ,بتهون على هم الدراسه .
15-ههههههههههههههه ليه بعد عمر طويل ؟
16-يا ستى ربنا يهدينا جميعااااااااااااااااااااا.
19- 18الله اسامى اخواتك جميله اوى ,حلوه اوى اسم لانا اول مره اسمعه .
22-بصى يا ستى لو شوفتى ردى على (loda love) هتعرفى ايه دلاله العصافير ,وبلاش تدخلى على الموقع بتاع العصفور اللى مراته ماتت ,عشان انتى ممكن تعيطى ,اذا كان انا وانا معروف عنى انى قلبى جامد ومش بتاثر بسرعه ,صعب على .
31-قولتى عن الحياه غداره ,لانك اتأرصتى منها كتير بسبب طيبتك الزايده دى.
الاصدقاء ...المايا والهوااا سبحان الله !

2-3- بصى يا بوسى الناس اللى ذيك دول انقرضوا من ايام الفراعنه ,محدش طيب فى الزمن ده الا بنسبه (1%) وبعدين انتى بقى اللى شكلك طيبه ,وانا لما كلمتك حسيت بكده اوى ,الطيبه مطلوبه لكن بنصاحه وذكاء ,اوك اتعامل مع الناس عادى جدااااا لكن بحذر جداااااااااااااااااااا عشان مديش الفرصه لحد يضحك على او يغشنى ,صح كلامى ولا لا ؟
لازم تتعلمى النصاحه شويه ,تكونى كتومه محدش يعرف عنك كل حاجه ,محدش يعرف اسرارك الشخصيه الا بحساب ,يعنى حاجات زى كده ,عشان تقدرى تعيشى ,حاولى تتغيرى وجربى مش هتخصرى حاجه ,لو لقيتى التغير احسن خالص خليكى متغيره على طول ,لو لقيتى انك كده احسن خلاص خليكى كده .
الدنيا مش كلها ملايكه ,فيها شياطين ,عفاريت ,ذئاب ,تعالب .....................

:::معلش بقى انا فى الايام الجايه دى مش هكون موجوده ,يمكن تردى ولا حاجه ,اعذرنى ,عشان السفر والدراسه مقولكيش بقى , والجماعه عندنا فى البيت مش عاوزه ازعلهم اكتر من كده .
سلالام يا بوسى ,ويا ريت كان فى وقت اكتر عشان ارد عليكى تانى ....

سورى يا بطوطه يا حبيبتى مش رديت على ( زى بنتى ) بس انا علفكره اتقالتلى الكلمه دى قبل كده
يا ريت تقوليلى ليه يا بطه
عاجبك اسامى اخواتى اوى طيب اتفضلى اسميهم وكفايه اوى عليكى لانا فوق البيعه بس اللى يرجع فكلامه يبقى عيل
متستغربيش انى بقول على الاصدقاء الميه والهوا ما هم لو مكانوش بالنسبه لى ميه وهوا انا كنت ارتحت من وجع القلب ده
بالنسبه بقى للطيبه فانا بحاول اغير من نفسى واكون ناصحه شويه او حتى اعرف اخد موقف من اللى حواليا بس بجد مش عارفه
انا واحده قالتهالى فوشى عشان انتى طيبه بنعمل معاكى كده
وربنا معاكى يا بطه فى السفر والمذاكره بس انتى شدى حيلك وادعلنا معاكى

لآ مينفعش كدة اية التقييم دة انتي مدياني (الشيت ) بقي انا كااتب 22 نقطة و انتي بترديلي علي 4 بس ........؟! :oops:
و عموما انا من كتر كرم اخلاقي و تواضعي المتناهي المتوازي اقدر اقولك ان دي تكملة الاسئلة ..
...
....
.....
23-ممكن يكون الهلال
24-مفيش حاجة اسمهاا صعبة كل شئ ممكن بس لو خطينوو ف دماغك
25-مش عارف بس معتقدش اني ممكن اتنازل عن كرامتي الي لو حصلت معجزة
26-بحبو بجد علشان الاعضاء الي فية
27-معني اسمي يعني ولا اية ؟؟؟؟
هوا موضح نفسوو
28-زي مانا كدة بالظبط
29-بابي و مامي طبعااا :P
30-مش عارف بس انا مش اهبل قوي كدة يعني ؟؟؟؟؟؟؟
الحياة =التفاءل
الموت = شبح
النجاح = نظام
الفشل =سوء تخطيط
الحرية = الاعتماد علي النفس
المال = وسيلة
الاسرة = الحياة
الاصدقاء = غذاء الروح
الديموقراطية = الحرية ؟؟؟
الشهرة = مش واخد راحتوو متكتف يعني
اليأس = الموت البطيء
الغرور = التكبر
الخيانة = النفاق
الدين = كل خاجة
العلم = النور
المبادئ = النظام
العقل = الموتور البشري
القلب = الي بيتحكم فينا
السعادة = تحقيق الهدف
القمة = الحلم
اناا بقي عااايز تحلييل 100% علشاان التخليل الي فووق دة بصرااحة معرفتش حاجة جديدة الي انا كتبو انتي كتبتية تاني مجبتيش جديد يعني ؟؟؟؟؟؟؟؟؟؟؟؟؟؟؟؟؟؟؟؟؟؟ :affraid:

:. ولانى نويت اعتزل هذا المنتدى . حبيت اسيب ليكم ذكرى عنى MeGa MaN. ألا وهى شخصيتى .

:. كل هذا الإجابات من وجهة نظرى المحدوده حتى لا يستهزأ بها أحد .



1:افضل 5 اشياء : الرجوله فى المواقف , الامانه , الكرامه , التخطيط للمستقبل , الذكاء .
2:أسوء 5 اشياء : الاهمال , عدم الالتزام , الوثوق فى بعض الناس , عدم النسيان , الاندفاع .
3: اكبر مشكله :لا داعى لذكرها ...
4: الاسم : مالقيتشى غيره .. مالوش دعوه بيا خالص .
5:الصوره : نفس النظام . مشتقه من فيلم سمعته .
6: الاوان اللى بحبها : الازرق , الاسود , الاخضر . بالترتيب .
7:ما يضايقنى من الناس : اللى بيأمر الناس بشئ وينسى نفسه . ويتكلم عن الناس وهو مايعرفهمش .
8: من عضو فى المنتدى : الكدب .
9: صفات الرجل المثالى كتيره اهمها : الالتزام , الرجوله بمعنى الكلمه , الاخلاق بما تشمله .
10: كذلك صفات البنت : التدين , الاخلاق , الحفاظ على نفسها وكرامتها واهلها , الخ .
11: اكيد احب اتعامل مع شخصيه جد .
12: الصفات هيه : الصدق , الولاء , الامانه , الاحترام , الرجوله ... الخ.
13: قدوتى فى الحياه بعد الرسول (ص) والصحابه : أبى , جدى .
14: اصدقائى المقربين بمعنى الكلمه كتير ( ودى مش مشكله ) وهم حوالى 15 واحد .. اما الزمايل يعدو الميه .
15: احلامى كتير بس الاساس إنى اموت شهيد . وبلاش الحلم التانى علشان مانروحشى فى داهيه .
16: لما ربنا يسألنى : هأقول : استغفر الله العظيم .
17: اكتر رقم ( 2 ) . واكتر يوم ( الجمعه ).
18: اسم البنت الدينى ( زينب ) . غير دينى ( إيمان ).
19: اسم الولد الدينى ( احمد ) . غير دينى ( علام ).
20: اجمل شئ فى الحياه : رضى النفس .
21: واسوء شئ : عكسها .
22: اكتر طائر بحبه : الصقر . واكتر حيوان : الحصان .
23: للإنتخابات اختار رمز : السيف .
24: اهم القيم والمبادئ : عدم الخوف ما دمت على الحق .
25: الواحد ممكن يتنازل عن جزأ من كرامته : (( مؤقتا)) إذا كان فى موقف ضعف .
26: المنتدى بيمثلى : نقطه سوداء فى حياتى .
27: لا مش ممكن اقول اسمى فى جمله (( سؤال هايف )).
28: لو اتولدت من جديد كان يبقى نفسى اكون : انسان , اسمى احمد , من مصر , وما اقعشى فى اللى وقعت فيه .
29: اكيد اكتر شخصيه بحبها فى الدنيا دى ( سيدنا محمد ) . ومن اللى متواجدين ( شخصيتى عاجبانى ).
30: (سؤال لا يحتاج لإجابه) .. طبعا اكيد الواحد يضحى باللى هو مؤمن بيه .


:.:. مرادف الكلمات :
1: الحياه : الاسلام .
2: الموت : عكسه و الفشل .
3: النجاح : رضى الله .
4: الفشل : عكسها .
5: الحريه : الكرامه .
6: المال : القناعه .
7: الاسره : المسلمين .
8: الاصدقاء : من يحزن لحزنى ويفرح لفرحى .
9: الديموقراتيه : انت حر مالم تضر .
10: الشهره : محبة الناس .
11: اليأس : الموت .
12: الغرور : النهايه .
13: الخيانه : العداوه .
14: الدين : المعامله .
15: العلم : الإيمان .
16: المبادء : شحصية الفرد .
17: العقل : القلب .
18: القلب : >>.
19: القمه : لا توجد .

:. وفى النهــــايـه أرجــو مـن الجمـــيع أن يــسامحــنى إن كنــت جبــت ســيرته مــن وراه , أو كنــت زعلــته , أو قلــيت من شأنه ...واتمنى الله ان يكرمنى وإياكم لما يحبه ويرضى .
..................................................................... وشكرا

ايه يا عم انت بتحسسنا انك هتسيب اللى اسمه منتدى بجد ولا ايه ... اكيد طبعا شفت منتدى جديد وربنا يسهلك يا عم .. بس على فكره انا كنت جيت مره كده فكرت اعمل عملتك ديه بس اكيد ان شاء الله لو على فراش الموت مش هسيبه لان هذا بجد كان يعتبر تحدى وقدرنا نعمله رغم ان المنتدى ده مش ليه هدف ومش شغال صح علشان الدراسه رغم ان احنا بندخل كتير بس فى الاجازه بقى الواحد مش بيبقى فى دراسه ولا بتاع ونكتب موضيع برااحتنا وان شاء الله بقى يبقى ليه كده ان شاء الله هدف ويكبر ويتغير وبعدين ما فيش حاجه بعيده بس لما الاجازه الكبيره تيجى ان شاء الله .. بس انا حاسس اننا هنذاكر فى الاجازه كمان وانا واثق مش عارف ليه , واسيبك مع نفسك .....................................................................................

شكرا ... احزفلك الكلمه دى علشان مش كل واحد يبعتى نصحتين كل شويه ...

متشكرين ياعم احمد على الكلام الجميل دا ... ويظهر الناس كلها هتتغير ماعدا انا وانت ياعبد الرحمن .. على العموم المنتدى مفتوح لاى حد عاوز يدخل عليه فقط ضع الرابط اعلى الصفحة واضغط انتر او go واتمنى يااحمد ان المنتدى دا فعلا لو كان نقطة سودا فى حياتك بجد انك تتركه لمصلحتك .. هو اى نعم انا هازعل شوية لما يطلع الكلام دا من مؤسسين المنتدى ولكن دى مصلحتك وحياتك وانت حر فيها .... فى النهاية انا وجدت هنا فى المنتدى بجد شخصيات محترمة جدا الحمد لله وان كنا مش ملايكة يعنى اكيد فى اخطاء وانا اللى بتكلم اهو مافيش حد يعرف ذنوبى وادرى بيها من نفسى انا يعنى كلنا خطائون وخير الخطائون التوابون ... واخص الموضوع دا بالذكر لانه موضوع قريت فيه كلام يوضح عينه من تفكير الجيل ووالله انا وجدت كلام جميل جدا بس يارب يبقى طالع من قلب كل واحد لانه كلام اعتقد على طريق النصر ... اعتذر عن الاطالة واكرر المنتدى لن يغلق فى وجه احد مهما عمل .. والسام عليكم ورحمة الله