خدمه مش هنساها ليكم ....

السلام عليكم ورحمه الله وبركاته
:::على فكره ده اول موضوع اكتبه وميهمنيش عدد المشاركات اللى هتكون فيه ,لانى قبل كده كنت لما بكتب اى موضوع جديد كنت بحاول انى اخليه يشد انتباه الاعضاء ,وبحس بقيمته بعدد المشاركات اللى فيه لكن الموضوع ده لا ,ومش هزعل حتى لو محدش رد عليه خالص.

:::عن ابى سعيد الخدرى رضى الله عنه عن رسول الله صلى الله عليه وسلم قال"اذا خلص المؤمنون من النار ,حبسوا بقنطرة بين الجنة والنار, فيتقاصون مظالم كانت بينهم فى الدنيا.حتى اذا نقوا وهذبوا اذن لهم بدخول الجنة,فو الذى نفس محمد صلى الله عليه وسلم بيده لاحدهم بمسكنه فى الجنه ادل بمسكنه كان فى الدنيا "
"مظالم كانت بينهم فى الدنيا" من انواع المظالم المتعلقة بالابدان والاموال فيتقاضون بالحسنات والسيئات فمن كانت مظلمته اكتر من مظلمة اخيه اخذ من حسناته ولا يدخل احد الجنة وعليه تبعات لاحد (نص الحديث والشرح من كتاب الاحاديث المختارة من فتح المبدى بشرح مختصر الزبيدى المقرر على الصف الثالث الثانوى بالمعاهد الازهرية صفحة 69)

:::وبصراحه بقى انا مش عاوزه اقف فى القنطرة دى كتير ,والكام حسنة اللى عندى انا اولى بيها ,فلو سمحتم اى حد غلط فى حقه ,او رديت عليه رد سخيف ,او احرجته (عمرى مقصدت احرج حد ) من غير قصد ,او ضيقته باى طريقه من الطرق ,سواء بنت او ولد
من فضله ("يسمحنى") ويقول /تقول كده بينه وبين نفسه "انا مسامح فاطمة على الموقف الفلانى"
واكيد طبعاااااااااا ربنه هيجعل ده فى ميزان حسناته .

:::انا عن نفسى مسامحه اى حد قال على اى حاجه خير او شر سواء كان رد ,او من وراياا .

:::فى حاجه كمان انا ندمانه جداااااااااااااااااااااا وحزينه جداااااااااااااااااااااا ,عشان تجاوزت حدودى اكتر من مره فى الرد وفى الدردشه (الحمد لله عمرى ما قولت حاجه حراام والمواضيع كلها موجوده وكمان الارشيف ) بس انا فكرت كتير لقيت احترامى لنفسى بدل يقل ,ايه لزمتها اقعد اهزر مع ولد مليش بيه اى علاقه غير انه واحد عرفته على منتدى ,ايوه لاهو شايفنى ولا سامعنى ولا انا كمان شيفاه ولا سمعاه , بس برده ده عيب , وبعدين ازاى فاطمة اللى مش بترفع عنيها فى حد , ولو حد كلمها تهب فيه زى البابور ,يجى عليها الزمن وتتكلم بالسخافه دى ,فين الشخصيه القويه اللى الكل بيحلف بيها ؟فين الثقه فى النفس؟
معلش بقى فضفت معاكم شويه ووجعت راسكم

المهم بقى """"سامحونى""" عشان ربنا يسامحكم .
//////////////////////////////////////////////////////////////////////////////////////////////////////////////////السلام عليكم ورحمة الله /////////////////////////////////

:. روحــى يــا بنــتى وقــلبـى راضــى عنـــك ..

الصراحه انتى معملتيش اى مواقف معايا فعشان كده مالوش لازمه اسامحك لان مافيش حاجه اسامحك عليها.........

جزاكم الله خير كلكم ,وبصراحه مكنتش اعرف انكم طيبين للدرجه دى ,متشكره جدااااااااااااا