لآ للمذاكرة بس ......................!

السلام عليكم
قعدت مع نفسى لحظات وفكرت لو رجع بيا الزمن لسنة اولى كنت هبقى انا ولا كنت هتغير..وكانت الاجابة....
طبعا كنت هتغير..انا كنت فاكرانه الصح انه الطالب يبقى هدفه الوحيد اثناء الجامعة هو المذاكرة والنجاح بتقدير كويس عشان كدة لازم يروح كليته يحضر محاضراته وسكاشنه ويروح على طول عشان ميضيعش وقت
يعنى...من البيت للكلية ومن الكلية للبيت
اللى عايز اقوله ليكم انه العبارة دى غلط جددا..فترة الكلية دى مهمة جدا فى بناء شخصية الانسان لانك بعد ما تخلص هتلاقى الدنيا غصب عنك بتعاملك كرجل او امرأة مسئولين وكبار و....دكاترة
طيب قولتولى بقى....ازاى كنتى هتتغيرى
اعتقد كدة انى كنت هبقى اكثر نشاطا فى كليتى اشترك مثلا فى اسرة او حتى افكر اعمل اسرة واجمع ناس ونكون اسرة مفيدة...كنت هفكر أبنى علاقات جيدة مع الدكاترة اللى بنحبهم و بيأثروا فينا اكيد كنت هستفيد منهم كتير اوى ...كنت هفكر ازور اماكن كتير متعلقة بالصيدلة او بوظيفتي ايا كانت وبغيرها...كنت اكيد هشترك فى المسابقات اللى ينفع اشارك فيها...كنت هنظم رحلات.......كنت هعمل حاجات كتيرة اوى
الحاجات دى يا جماعة بتفرق فى شخصية الانسان اوى وبتخليه فاهم الدنيا حواليه ماشية ازاى وأقدر بكتير على ايجاد فرص عمل افضل يمكن من اللى قعد الخمس سنين ولا اكتر من البيت للكلية ومن الكلية للبيت وجايب تقدير حتى
كلامى مش معناه انه نسيب محاضراتنا ونتهاون فى مذاكرتنا ..اطلاقا لكن بجد زى ما المحاضرات والمذاكرة مهمين ...تنمية الشخصية والتعرف على العالم بردو مهم جدا فى الفترة دى واللى هيسيبها من غير ما يستفيد منها يبقى خسر كتيراوىىىىىىىىىىى
كان فى مرة دكتور فى الموارد البشرية HR بيقولنا انه لما بييجى يشوف سى فى بتاع حد(صيدلى على فكرة) متقدم لوظيفة بيهمه اوى انه يبص على ال Activities وقالنا:واحد كاتبلى انه كان عضو فى كذا وكذا وانه قام بتنظيم كذا وكذا وقاد فريق لكذا وكذا هعرف انه هيفيدنى هيكون دماغه صاحية فى الشغل هيعرف يشتغل فى فريق....كل دة بغض النظر عن التقدير...(دة كلامه) تخيلوا...على فكرة انا مكنتش اعرف الكلام دة غير من وقت قليل وبجد كنت فاكر انه التقدير هو كل حاجة ,وانه لما الواحد يخلص ويروح دة نوع من انواع الالتزام وصحابى كمان كانوا بيعتقدوا كدة (كانوا لازم يروحوا بعد يومهم الدراسى على طول زى المدرسة بالظبط يعنى)
عشان كدة اتمنى انه كل طالب وخصوصا اللى لسة فى بداية الحياة الجامعية يستفيد من الموضوع دة وبشكل صحيح.. وكمان يحاول يصاحب الصحبة اللى تساعده على كدة
علشاااان كل الحجات دي مع بعضها مطلوبة ف انتا لآزم تكون اجتماعي تعرف ناس تتعرف علي ناس جديدة تكون ليك نشاطاتك و اهداافك و اكيد الحجات دي كلهاا حتفيدك ف دراستك و بعد لما تتخرج كمان ف لنبدئ التجديد من انهرداا و ميكونش كل هدفي هوا التقدير(او النجاح :P) و بس
لالالالالالالالالالالالازم نتغير :study:

اية يا جدعان
للدراجادي الموضووع مش مؤسر فيكوو
حزفوو يعني .........!

حاضر ياخالد هنتغير ...!

السلام عليكم ورحمة الله وبركاته

ربنا يجزيك خير على الموضوع الرائع دا

فعلا الكلية مرحلة بناء عظيمة ومؤثرة على الانسان
اما بالايجاب او السلب


تقبل مرورى