لو في حد في كلية هندسة ييجي معايا

السلام عليكم ورحمة الله وبركاته
طبعا أنا ملقتش حد سائل في القسم هنا خالص وكل الأقسام فيها على الأقل موضوع
قلت من واجبي كمهندسة إنى أعمل حاجه ومفضلش واقفه ساكته كده
فالموضوع ده للى في هندسه نكلم مع بعض ونشوف ايه أخبار الكليه والحكايه والمذاكره والدكاتره وهكذا
بس أنا عارفه إن مفيش مهندسين هنا كل اللي موجود ما شاء الله دكاتره
فهننتظر لما ييجي مهندسين يشرفونا

شرفت الموضوع يا دكتور واحنا مستنن مهندسين ييجوا يشرفوا

كويس جدا يا جماعة ان في قسم هندسة وعاوز أقول ماتعملوش حسابي هنا ..........قصدي أقول ان شاء الله القسم ده هيكون أنشط قسم في المنتدى

والله كويس جدا يا دكتور مهدى أنا كمان هحاول أجيب باشمهندسين هنا عشان مبقاش لوحدي وسط الدكاتره

بصراحه شكلي صعب

لا يا دكتور مش فاهمه قصدك خالص تقصد ايه يعني؟؟؟؟؟

السلام عليكم ورحمة الله وبركاته ..
اهلا بيك يا مهندسه فى كلية الهندسه .. ربنا يكرمك ان شاء الله هذا العام .. وانا كنت رديت على موضوعك فى منتدى ازهر واى . لما قلتلك ( اهم حاجه هى تقوى الله . خصوصا لانك هاتسافرى لاول مره ) .. عموما ان طلبت حاجه اطرحيها وان شاء الله اوفق فى الرد عليها .. [b]

أهلا وسهلا بيك يا باشمهندس أحمد
نورت المنتدى الصغير بتاعنا وان شاء الله تكبره بمجهودك

بسم الله الرحمن الرحيم .
ايوه انا كنت باخد مع الدكتور شريف باهى العام الماضى .. وهو استاز كويس وان شاء الله لو ركزتى معاه تفهمى الماده ... الماده دى مادة تخيل و ان شاء الله ربنا يكرمك فيها ..
المهم الطلبات اللى هاتحتاجوها لماده الرسم الهندسى هى :مسطره حرف تى 80 سم .ومثلث اروسطو . وبرجل عادى مش لازم تشترى طقم لانى اشتريته وماستعملتهوش . ومثلثات 30\60 و 45 صغير وكبير . و استيكه طبعا وشيبلونه اى مسطرة دوائر . وبرده للرسم ان ماكنشى عندكم ترابيزه . و بالنسبه للاقلام : بتشترى قلم .0.5 مم و تشترى سنون HB > 2H الفرق بينهم ان 2ايتش خفيف بنرسم بيه الاول و الايتش بي بنتقل بيه ...ده فى الاول بعد كدا ممكن ترسمى ب ايتش بي علطول لما ايديكى تاخد على الرسم ...
وااسف على التاخر فى الرد ..

ازيكو ياشباب
انا محمد فى هندسه مدنية / فرقة اولى SH.A
وانا سعيد ان اكون معاكو هنا فى المنتدى

فعلا يا باشمهندسة المهندسين مش كتير فى المنتدى يس دى مهمتنا نحاول نعرف اصحابنا بالمنتدى عشان كلية الهندسة يبقى لها صوت فى المنتدى اللى بيسيطر عليه طلبة كلية الطب >الرئيس ونائيه<

هههههههههههههههههههه
واحنا نعمل اية يابشمهندس
نشحت مهندسينـ...؟
البركة فيك ياغالى

اانا فى اعدادى هندسه وخلاصة الادوات المستخدمه واللى يغنينا عن ده كله هو مثلث ارسطو وكفى وقى حته كمان والاستيكى والبرجل ويكون فردى مش طقم وافضل يكون روترينج

احب اقول حاجه تانيه عن الهندسه هذا هو علم الفن علم الابتكار علم الاختراع ومن غيره لما رأيت التكنولوجبا اذا كان اصلا حاجات الطب والصيدله واقصد الادوات والاجهزه اللى بيصنعها المهنسين وان شاء الله قريبا سيكون معظم المنتدى مهندسين بس لما امسك المدير مش معنى كده انى هازعل الدكاتره هانسيهم وامرنا لله خصوصا المدير

اهو الحمد لله المهندسين بدأوا يهلوا الباشمهندس ابو الفدا ايه الحب العظيم ده لهندسه معرفش انها بالجمال ده عموما ربنا يزيدك حب فيها كمان وكمان

اهلا يا ابو الفداء ايه الكلام الجامد ده ............... والله وبقى لينا ظهر نتسند عليه

براحه شويه على الدكاتره يا وكيل انت وابو عمار برضه المهندسين قلبهم كبير

ياجماعـــه لاداعى للزعل ده كله الدكاتره والمهندسين مكملات لبعض زى ما النساء شقائق الرجال يعنى لما المهندس يمرض ربنا يجعل الدكتور سبب فى علاجه والمكان اللى بيتعالج فيه المهندسين اصلا ربنا جعلهم سبب لتصميمه ..................


......لاتبكى على الماضى ما دمت هاتحسن فى القادم.......