كرسي الإعتراف

الحمد لله يا باش مهندس كفايه اللي أنا اتسألته

عشان الخطبة الجمياة بتاعة حضرتك يا دكتور فانا هكون رحيمة وهسال اسئلة بسيطة خالص
اولا عايزين نعرف بطاقتك الشخصية؟
ايه ترتيبك من بين اخواتك؟
مين السبب في دخولك طب؟
ايه اكتر حاجة ممكن تضايقك في الدنيا؟
لما بتضايق بتلجا لمين؟
ايه القرار الي اخدته وندمت عليه؟
اقرب واحد في اصحابك؟
هل انت متردد في قرارتك؟
ايه اكتر حاجة بتستمتع وانت بتعملها؟
كفاية اسئلة دلوقتي
اسئلتي بسيطة خالص

نسأل الدكتور

نبذه مختصره عن دكتور عبد الرحمن؟

متى تشعر بأقصى درجات السعاده؟

متى تشعر بأقصى درجات التعاسه؟

من هو قدوتك في الحياة بعد رسول الله صلى الله عليه وسلم؟

هل ترضى عن نفسك أحيانا أم أنت راضي دائما عنها(دينيا ودنياويا)؟

من هم أصدقاؤك؟

بعد دخول الجامعه هل حاولت تكوين صداقات جديده ونجحت أم لم تحاول؟

هل أنت شخص اجتماعي؟

هل أنت شخص هاديء؟

هل أنت شخص مهرج؟

هل حدثت تغيرات جذريه في شخصيه دكتور عبد الرحمن قبل وبعد دخول الجامعه؟

برأيك هل هناك فرق بين بنات جامعة الأزهر والجامعات الأخرى؟

برأيك مين هو الشاب الروش في مجتمعنا وليه معظم البنات التافه (سوري يا بنات)هو ده فارس أحلامها؟

برأيك ليه كتير من الشباب عايز يرتبط ببنت متدينه وليه في منهم مش عايز كده؟

مين البنت اللي تشوفها تقول دي محترمه؟

النقاب في نظرك هو الحجاب ولا ممكن حجاب من غير نقاب؟

أسئله بدون إحراج

هل تنوى الزواج وما صفات البنت التي تريد الارتباط بها ولماذا؟

كم مره اضربت في المدرسه؟

أكثر موقف محرج مر عليك في حياتك؟
............................

أسئله سياسيه

ايه أكتر شيء عاجبك في مصر؟

ايه أكتر شيء مش عاجبك ونفسك تغيره؟

لو أصبح عبد الرحمن رئيسا للجمهورية ماذا يفعل؟

أسئله عامه

ماأقوى علاقه لك داخل عائلتك بمين يعنى؟

ازاي بتنظر للشاب الصايع (سوري يا شباب)؟

اايه هو التصرف اللي تشوف من بنت في الشارع تسقط من نظرك؟

لما تلاقي بنت عندكوا في الجامعه تقول عليها ايه؟

طب لو سألتك عن مكان شيء او عن دكتور هترد ولا لأ ونظرتك ليها ايه؟

برأيك جامعتنا كده أحسن من حيث عدم الاختلاط ولا ده مسبب للطرفين الممنوع مرغوب؟

ايه اكتر شيء حبيته في الجامعه؟

ايه اكتر شيء كرهته في الجامعه؟

كيف يرى دكتور عبد الرحمن نفسه بعد عشر سنوات؟

هل دكتور عبدالرحمن يرى نفسه متدين أم يريد التدين ولا مبيحبش الناس دي أصلا؟

بصراحه يا دكتور كان نفسي أسألك أكتر من كده بس عشان مطولش عليك

mhdy105 كتب:: مع ان عبد الرحمن وراه امتحانات وكتب خطبة حلوة اوى عن الرحمة ورفق الانسان باخوه الانسان الا انكوا اخترتوه برضه ... يلا على بركة الله ....مع انى مش محتاج اسال عبد الرحمن لان بحمد الله الواحد يعرفه كويس الا انى هاسال سؤالين بس :
السؤال الاول : لو قالولك انت معانا فى الوزارة الجديدة ( طبعا الوزارة الحقيقية ) اى من الوزارات تفضل ؟؟
السؤال الثانى : ماهى اهدافك فى الحياة او على الاقل طموحاتك ؟؟

[size=24]
متشكر يا محمد على لاسئله رغم انك تعرف اجابتها بس هجاوب .

نفسى اكون فى وزارة المخابرات لو فى ولو مش فى هعملها واسميها وزارة المخابرات والاعمال السريه.

اقل طموحى انى اكون ان شاء الله دكتور ناجح مش شرط يكون تقدير كويس بس اكون ناجح عمليا بجد والاهم من النجاح العملى نقطه صغيره وهى معاملتى مع الناس نفسى اكون صوره انا رسمها فى مخى يعنى طتير من الدكاتره فى العايادات لما يجى حد يكشف ما بيسال عنه ولا هل هو جايب فلوس الكشف ديه منين ولا هل هو قادر ولا لاه ولا هل ديه ام يتامى ولا هل ديه ناس غلابه مش معاها فلوس فنفسى اى حد مش قادر هكشف عليه لوجه الله لان ممكن يكون ده ابوى امى اقاربى اى حد يعنى فلازم ناخد بالنا فى الحته ديه .. ونفسى اكون امين بجد لانى شفت ناس كتير مش امينه.. ونفسى اكون اسره مسلمه بجد واكون ملتزم عن كده ( بدون تعليق).[/size]

AhMeD 3lLaM كتب:: بسم الله الرحمن الرحيم ...

اولا لو عبدو فضى من المزاكره وشاف الكلام اللى اتكتب واللى هايتكتب يبقى فيه الخير ...
ثانيا مع انى مهدى وعبد الرحمن مع بعض كل يوم وعارفين عن بعض كل حاجه الا انى هاسأل واهو كلو بثوابه ...
اتمنى من الجميع ان يقتصد فى الاسئله :

ماهى اكبر امنياتك بعد رضى الله ورسوله والوالدين ؟
نفسك تعمل ايه دلوقتى حالا ؟
هل ترانى شخص غير مرغوب فيه او زعلان منى فى حاجه ؟
لو حصلت حرب مين اكتر واحد هاتخاف عليه بعد عائلتك ؟

وشكر وكفايه كدا مؤقتا ...

بالنسبه للأخت امة الله ... فهى نجت من اسألتى لانى ماكنتش فاضى اخر يومين ...

متشكرين يا باش مهندس على الاسئله :: و بجد لو مش كنت شوفت منك اسئله كنت هزعل.

بتهيالى امنياتى غير اللى انا قولته فوق رضى الناس كمان وحاجه تانيه.

بصراحه مش نفسى فى حاجه .
ههههههه طبعا شخص مرغوب فيه ومش زعلان منك فى حاجه ولو زعلا كنت هقولك يا هندسه وعجبنى سؤالك ده على فكره.

هههههههه والله انت نكته ياخى هو انا قولتلك انى هخاف على عائلتى علشان تسالنى مين بعد عائلتى هو انا صحيح هخاف عليهم بس مش انت اللى كنت تقول كنت جبها منى انا .. ايوه يا عم بس فى استفسار هى مراتى تبع العائله ولا االعائله دلوقتى وانا لثه اعزب على العموم احبابى واصحابى طبعا ..

عرفنا معلومات قيمه عنك اهو يا دكتور مخابرات مره واحده ده من تأثير أدهم صبري ولا ايه

عموما لحظه واحده بس قبل ما تكمل اجابات الأسئله بعد اذنك سيادتكم تحط الاجابات تحت الأسئله
وبلاش التوهان ده

ماشى ليك حق ... كل واحد ليه يوم

حضرتك ما جاوبتش ليه علي بقية الاسئلة
ده استهتار ولا تفرقة عنصريه

د/شمس كتب:: عشان الخطبة الجمياة بتاعة حضرتك يا دكتور فانا هكون رحيمة وهسال اسئلة بسيطة خالص
اولا عايزين نعرف بطاقتك الشخصية؟
ايه ترتيبك من بين اخواتك؟
مين السبب في دخولك طب؟
ايه اكتر حاجة ممكن تضايقك في الدنيا؟
لما بتضايق بتلجا لمين؟
ايه القرار الي اخدته وندمت عليه؟
اقرب واحد في اصحابك؟
هل انت متردد في قرارتك؟
ايه اكتر حاجة بتستمتع وانت بتعملها؟
كفاية اسئلة دلوقتي
اسئلتي بسيطة خالص

نورت يا دكتوره شمس الموضوع رغم اننا ما نعرفك بس طريقة الكلام مش غريبه على .. يعنى .

بالنسبه لسؤالك الاول.بطاقة شخصيه لعبد الرحمن..

فى البدايه انا واعوذ بالله من كلمة انا العبد لله المتواضع العارف حدوده .. وطبعا اللى ميعرفنيش بنصحه يقرا موجز عنى فى كتاب اعظم مائه وواحد فى التاريخ ( على فكره زودوا واحد بعدينا ) يعنى بتهيالى الكاتب كاتبلى حوالى من الف لالف وخمستاشر ونصف صفحه وتلات اسطر واربع كلمات وختم كلامه بكلمة (وبس) . قال يعنى الكاتب خلص الكلام عنى لكن اتى من بعده من اكمله فى نسخه خاصه بى .

انا هقول اللى فى البطاقه عبد الرحمن السيد عبد الرحمن عبد المقصود (عايله كلها عبد)

فاقوس ثان_الشرقيه .

2153031 رقمها .. (البطاقه يعنى) وعيد الميلاد 21 /3/1990 هههههه عيد الام واسمى عبد الرحمن (من الرحمه) وعيد الام ( حنان الام يعنى).

ونقلب البطاقه سوا بقى :

11/2008 يعنى البطاقه اصدرت فى عام 2008 فى شهر 11 مجددها يعنى ..

طالب بكلية الطب _ مدينه دمياط الجديده _ جامعه الازهر.

ترتيبى بين خواتى ...........؟

لى اخ اصغر منى واختين كمان اصغر من الاخ المذكور سبقا واخت اكبر منى .. معلشوا نسيت اهم حاجه فى البطاقه ذكر (بالذال) ____ مسلم ____ اعزب ( ان شاء الله من العزوبيه وهو الشب اللى مش اتجوز)

السبب فى دخولى طب,,,,,,,,,,؟

والله ما عرف انا لقيت نفسى جبت 99.1 فلقيت صحابى اللى انا بعزهم يعنى قدموا طب فقدمت رغم ان كان طموحى اصلا هندسه حتى كنت كاتب بعد طب القاهره ودمياط هندسه على طول.. مش صيدله. وكله بامر الله.. وبجد انا مش كنت اتمنى الا وانى فى هذا المكان رغم حتى الان مفيش مبشرات كويسه بس عندى امل لكلمه واحد قالهالى وبجد هى مهنه عظيمه جدا للى يحبها ورببا يحببنى فيها.

اكتر حاجه بتضايقنى فى الدنيا ..........؟؟

الظلم .. يعنى انى اتظلم او الظلم لغيرى مش شرط انا. او اشوف واحد شايف نفسه على .. او اشوف بنى ادم بيستفزنى .

لما بتضايق بتلجا لمين؟؟؟

بلجا بطبيعه الامر لله قبل كل شى غالبا يعنى لو افتكرت ( بكل صراحه وبدون رياء) ومش شرط انى الجا ليه يعنى اصلى واقرا قران لاه يعنى يارب فك كربى وهمى .. وطبعا لشخص انا بستريحله واحبه.

القرار اللى اخدته وندمت عليه..؟

بتهيالى انا مش من النوع اللى بيقول ياريتنى ما عملت وكده انا طالما عملت حاجه بدماغى ما بندمش عليها حتى لو شوفت منها العذاب اللى المسلمين شافوه من ابو جهل واعوانه. وبعتبرها تجربه وادى الواحد بيتعلم واحسن من اللى مر بالتجربه ديه او المشكله ديه. والحمد لله على كل حال.يعنى طالما خدت حاجه بدماغى خلاص ديه مسؤليتى وبتهيالى والله ما افتكرش انى ندمان على حاجه بجد يعنى.

اقرب واحد فى صحابك.؟؟؟؟

هو انا لى حوالى اربعه صحاب اوى فيهم اتنين قريبين اوى وفى ناس خسرونى او انا اللى خسرتهم لما هم اللى خسرونى الاول الله اعلم.

هل انت متردد فى قراراتك..؟

بتهيالى قبل القرار شبه ببقى اه يعنى بفكر كتير اوى قبل ما اخد القرار بس بعد ما اخده بثقه خلاص ..

اكتر حاجه بتستمتع وانت بتعملها ...؟

اتكلم مع حد انا برتاحله وبعزه معزه (بفتح اوله وثانيه وتسكين ثالثه ورابعه) .. او اسعد حد او احس انى فرحته.

متشكر بجد على اسئله حضرتك .. اسئله كويسه تقبلى فائق احترامى ..

د/شمس كتب:: حضرتك ما جاوبتش ليه علي بقية الاسئلة
ده استهتار ولا تفرقة عنصريه

هههههههههههه انا ما اقصدش على فكره انا كنت بجاوب على اسئلة حضرتك وانت كتبتى واتسرعتى وكتبتى كده ولوتلاحطى انى كنت بجاوب بالدور.

العفو اي خدمة
انا لقيت حضرتك خرجت من المنتدي من غير ما تجاوب اسئلة البنات ففكرت ان في تفرقة
وانا بعتذر لحضرتك لوكنت اتسرعت

و تقولي وراك مذاكرة .........مذكرة مين يا حلولي ...........

اولا المنتدي دة بيمسلك اية ؟؟

مين العضو الي لو لقيت اسمو علي موضوع لازم تدخل تقراة ؟؟

مين العضو الي دايماا في خلاف معااة؟؟

مين العضو الي بيعجبكك كلامو ؟؟

بيقال عنك انك بتتدخل في شئون ادارة المنتدي كتيير ؟؟ هل دة صحيح ؟؟

و ليةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة؟

بتتمني انك تمسك المنتدي في يوم من الايام ؟؟

مين العضو الي نفسك تنصحو بنصيحة ؟؟؟ و تقولو اية ؟؟

لو قلتلك اختار لقباو كلمة لكل واحد من لاعضاء دي حتقول اية من وجه نظرك ؟؟

مهدي :

احمد عبد الحكم :

loda_love:

اسماعيل:

freshman :

اسلام عوض :

simosino:

dr_said:

ابو الفداء:

amt_allah:

عاشقة القرءان:

basbosa:

posycat:

د شمس :

و يا ريت تسيبك من اخويا في اللة و اختي في اللة دي

لو اديتك تلات هداايا حتديهم لمين في المنتدي ؟؟

اية الحاجة الي تخليك متدخلش المنتدي دة تاني ؟؟:D

لو اديتك وردة و قلتلك اديهاا لواحد انتا مزعلوو في المنتدي حتديهاا لمين ؟؟

اية هوا اهم حدث عدي عليك في 2008؟؟

اية مشروبك المفضل ؟؟

بتحب تاكل ايةة؟؟؟ بتعرف تطبخهاا ؟؟؟؟؟؟؟؟

هواايااتك ؟؟؟ الحقيقية مش تقلي اني العب جوولف ؟؟؟؟؟:P:D

لية بتشتغلني كتييير علي الموباااايل ياااااااااااااااااااااد ؟؟؟

اية اول حااجة بتعملهاا اول ما بتدخل المنتديي ؟؟؟

بس كفااية عليك كدة

روووووووووووووووح ذاكرلك كلمتين ينفعووك

:D

واضح ان خطبة عبد الرحمن عن الرحمة جابت نتايجها ماشاء الله .. الكل سال كدا ياعبد الرحمن باقى مين تانى ماسالش !!!!!

دلوقتى بقى وقت اسئله صاحبة الموضوع ... بسم الله الرحمن الرحيم ربنا يعينا ..,,

نبذه مختصره عن عبد الرحمن؟

نبذه عنى .. بصى بقى وبكل صراحه القرد فى عين امه غزال ... والواحد فى نظر نفسه بميه ..

انا ولله الحمد والله غلبان بس مش يمنى ومحترم جدا على فكره ويعنى بحاول التزم (على اساس انى مش شايف نفسى بكفئ الالتزام اللى انا بفكر فيه ) وبيحب الضحك اوى ولو عاوز تسعده تقوله نكته دا بعد ما هو هيكون انشاء الله مغرقك نكت .. ويعنى بيحب يظهر نفسه شويه بسيطه يكون مشهور يعنى وكلام كتير بصراحه انا عرفته عن الواد ده .. دا انا عايش معاه بقالى (فى شهر 3 الجاى هبقى 19 سنه) عايشها معاه وياه والله ما زهقت منه واتمنى اعيش معاه كمان واعرف عنه كمان وكمان بس اللى اكتر حاجه اعرفها عنه انه غريب اوى .

متى تشعر بأقصى درجات السعاده؟

اشعر باقصى درجات السعاده ..اشعر باقصى درجات السعاده .. اشعر باقصى درجات السعاده ... بصى انا مواطن السعاده عندى كتير علشان كده مش عارف احدد بالظبط ..عذرا عن هذا السؤال.

متى تشعر بأقصى درجات التعاسه؟

لما بكون مش لاقى حاجه اعملها ومش لاقى حد اكلمه ولا اناغشه.( اناغشه من قولها فى فيلم ذكى شان يوه بلاش اناغشك ياسالم)

من هو قدوتك في الحياة بعد رسول الله صلى الله عليه وسلم؟

فى اكتر من واحد بس اللى عجبنى بصراحه لى عم باش مهندس قد الدنيا فى السعوديه بس بصراحه ونعم يعنى راجل بمعنى الكلم وانا مش بشكر فيه علشان هو عمى يعنى لا والله عادى بس هو بجد انا بحبه وهو عمى الوحيد على فكره وفى شخصيات تانيه باخد من كل حد فيهم حاجه ..

هل ترضى عن نفسك أحيانا أم أنت راضي دائما عنها(دينيا ودنياويا)؟

بتهيالى دلوقت شبه لاه بس امل ان شاء الله انى ارضى عنها بعد كده لانى ناوى اغير منها شويه كتير خاصه دينيا وشوية دنياويا.. بس انا مبسوط منها فى حاجات كتيره هى موجوده فىها ومش فى غيرىها.
من الاخر هى عجبانى بس على الرغم ان فيها حاجات غلط.

من هم أصدقاؤك؟

ممد مهدى واحمد عبد الحكم واحمد محمد صالح ابن خالى دول اللى هم قوى يعنى..

انما اصحاب بقى كل اللى انا موجود فى الوسط الى انا قريب منه يعنى مثلا كليتنا 3/4 عارفها معرفه بس لان اصلا كليتنا كلها مش تحصل 700 طالب ..

بعد دخول الجامعه هل حاولت تكوين صداقات جديده ونجحت أم لم تحاول؟

الحمد لله لى فى دمياط اصدقائى وطبعا ما اقدر اقارنهم بالنسبه للى انا كنت معاهم من قبل ذلك يعنى بقالهم سنتين بس فبالمقارنه باللى قبل كده الحمد لله اكيد لسه فتره عبقال ما نبقى اصدقاء اوى ..

هل أنت شخص اجتماعي؟

الحمد لله مع الى بشوفهم كويسين اجتماعى اوى لكن الاشخاص اللى يعنى مش كويسه او انا مش مستريحلهم هم من داخلهم بيشوفونى مش اجتماعى علشان كده الى مششايفنى مش اجتماعى يعنى مش برتاحله بصراحه كده.

هل أنت شخص هاديء؟

احيانا كتيره هادى اوى.

هل أنت شخص مهرج؟

باقى الاحيان مهرج اوى.

هل حدثت تغيرات جذريه في شخصيه عبد الرحمن قبل وبعد دخول الجامعه؟

بتهيالى اه كلامى كتر شويه وحاجات كتير اوى يعنى شبه 120 درجه اتغيرت.

برأيك هل هناك فرق بين بنات جامعة الأزهر والجامعات الأخرى؟

اه ومش لازم التوضيح لانى ممكن اكون غلطان لانى ممكن اكون شوفت عينه بس منهم خاصه وانى ما بشوفش حد منهم لانى فى دمياط فمعرفش احكم.

برأيك مين هو الشاب الروش في مجتمعنا وليه معظم البنات التافه (سوري يا بنات)هو ده فارس أحلامها؟

لانهم دلوقت فى فترة مراهقه فاكيد فتره بتحتاج حركه كتير ومش عاوزه واحد قاعد ساعت على طول وعاملها ميتم .. فده القصد كذلك الولد بيبقى احيانا عاوز كده لكن لما بيكبر شويه بيبدا يعرف اكتر ويدود وهى تدور على الشخص الراسى .

ومش كل روش يبقى يعجبوا بيه والا يبقول بجد تافهين لانه لو كان روش معاكى فى خارج نطاق حدوده اكيد هيطلع بره حدوده مع غيرك ومع واجباته معاكى ومش هيكتفى بانك تسدى قدام روشنته يعنى انا بتهيالى فى شباب ملتزم ومحترم وروش عادى وهو ده اللى يدوروا عليه لكن غير كد ه يبقى هبل .. وعبط وجنان ومش عارفين مصلحتهم وعاوزين مش يفتحوا بيت عاوزين يفتحوا ورقة طلاق بعد شهرين امن الجواز .. وبعدين ساعت الجواز مش بيبقى فيه روش لان الشخص بيبقى كبر ومعدش فيه لا روشنه ولا بتاع بعد ما لف ودار واشتغل وعرف الدنيا وداق مرارتها فبيبدا يبدور على الواحده اللى تستحمل الشقى اللى شقاه ده كله وهى كمان كده ..

برأيك ليه كتير من الشباب عايز يرتبط ببنت متدينه وليه في منهم مش عايز كده؟

اللى عايز متدينه اكيد لاهنا بالعقل كده هتصون بيته وتحفظه فى غيبته وتؤدى واجباتها وبقيت اللى عارفينه .. لكن اللى مش عاوزين متدينه دول ما اعرفهمش اصلا ولا من صحابى خالث وقليلين جدا او كتير مش عارف بس هيندموا كتير..

مين البنت اللي تشوفها تقول دي محترمه؟

الراسيه الهاديه اللى متحجبه يعنى لابسه خمار او خلافه ومش شرط اى بنت لابسه خمار اقول محترمه .. على الا قل فى نظراتها ولو لاول مره.

النقاب في نظرك هو الحجاب ولا ممكن حجاب من غير نقاب؟

ممكن غيره بس انا فى نظرى من المقتنعين بالنقاب بنسبه 100 فى الميه . خاصه وان 1/2 من عايلتنا محجبين ومش شرط على فكره انهم سافروا بره مصر بل من قبلها..

أسئله بدون إحراج

هل تنوى الزواج وما صفات البنت التي تريد الارتباط بها ولماذا؟

ومين ما ينويش الزواج بل ان اول صفات الاستقرار والصدق مع النفس الزواج .

صفات البنت:

الدين اول حاجه انشاء الله.. الخلق .... التعليم مش اقل طبعا من المستوى العلمى المرغوب واللى يقارب لى حتى نفهم بعض.. العائله عامله ايه ودينهم ... السمعه ..... الشكل والجمال طبعا لانى لازم اتجوز واحده عجبانى وجميله واجمل واحد ه فى نظرى والا ابقى انا بهزر مش بتجوز لانى كده مش هاودى الغرض من الجواز وهو العفه.

كم مره اضربت في المدرسه؟

كتير جدا واتبهدلت جامد لانى كنت شقى حبه كتير اوى اوى..

أكثر موقف محرج مر عليك في حياتك؟ فى المره القادمه.

تكملت اسئله امه الله

اكتر موقف محرج ...؟

على فقكره من كتر المواقف المحرجه مش فاكر حاجه خالص . انا بفتكر ان الاحراج ده اتعمل علشان العبد لله . ولوافتكرت هبقى اضيف.

أسئله سياسيه........... ياسلام انا احب السياسه واموت فى السياسه وبصوا الجزيره مش بتتقفل من عندنا فى البيت وطول ايبوم بقى مواقع اخبار وكلام منده... ياريت اى حد يعرف تردد الجزيره يبعتها فى رساله خاصه.

اكتر شى عاجبنى فى مصر..؟؟

مصر حلوه جدا ومهما لفينا والله ما هنتلاقى زيها ..مش عارف ممكن علشان انا مش روحت غيرها بس هى كلها على بعضها كده عسل وبصراحه احسن حاجه ناسها شعبها يعنى وحكى زى ما انت عاوز والله فيهم خير اكتر من اى حد..

ايه أكتر شيء مش عاجبك ونفسك تغيره؟

اللى بالى بالكم... وعلاقتى فى بيتنا تكون قويه واحسن من كد ه . انا اصلا بحس انى غريب فى بيتنا ومش بقعد اصلا فيه كمان[/ color]

[color=blue]لو أصبح عبد الرحمن رئيسا للجمهورية ماذا يفعل؟

بتهيالى هتنازل عنه للى يستاهل .. انا مش انفع وياريت مش حد يضغط على اكتر من كده .الله دى حريه يا جماعه .

اقوى علاقه داخل اسرتى..؟

مفيش علاقه قويه مع حد .. زى ما تقولوا ومش عارف اغير من نفسى شبه رسمى اوى علاقتى فى بيتنا مش عارف العيب منى ولا من مين. لكن من العائله الباقى العائله .

ازاي بتنظر للشاب الصايع (سوري يا شباب)؟

شباب نتج علشان اهمال فى البيت او عدم اهمال لكن ابتلاء لاهاليهم وبيعيشوا فتره مراهقه لكن فيها انحراف وميل للمعاصى باى شكل وخروج عن القوانين بدون داعى ومنهم بعد فترة المراهقه ديه اللى هيتصلح حاله اوى وهيبقى احسن منى ومنهم اللى هيكمل مرحلة الصياعه ويحتلوا المناصب الفاسده فى البلد سواء كانت رسميه (وزير حرامى مثلا) او سواء كانت خارجه عن القانون (نصاب وحرامى وتاجر مخدرات وخلافه)

اايه هو التصرف اللي تشوف من بنت في الشارع تسقط من نظرك؟

انها تمشى تتمختر فى الشارع ولا كانها على مسرح .. او تمشى تبص للولاد وكانها ولد زيهم (نظرات معينه) او حركاتها فى التعامل مع صاحباتها وا تنده على اسم صاحبتها بصوت عالى.

لما تلاقي بنت عندكوا في الجامعه تقول عليها ايه؟

احنا مش عندنا جامعه .. هى كلية طب بس .. وبعدين مش فى بنات.

طب لو سألتك عن مكان شيء او عن دكتور هترد ولا لأ ونظرتك ليها ايه؟

وليه مش ارد وطبعا بكل احترام ليها هى عملت ايه ولا بتطلب منى ايه مش طالما بادب واحترام خلاص ابقى انا بقى اللى مش محترم لو مش رديت.وفاهم غلط.

برأيك جامعتنا كده أحسن من حيث عدم الاختلاط ولا ده مسبب للطرفين الممنوع مرغوب؟

بتهيالى كده احسن والله .. والتانى بردو عادى يعنى المهم الاشخاص اللى فيها والبنى ادم بشخصيته فى كل مكان لو راح يدرس فى امريكا.

ايه اكتر شيء حبيته في الجامعه؟

بالنسبالنه كليه وعدد دفعتنا 55 بس علشان كده مش جامعه ..لكن للدراسه انى فى كلية كويسه وبتعامل مع ناس كويسه اكيد من احسن الناس فى المجتمع .

ايه اكتر شيء كرهته في الجامعه؟

عددنا الصغير حلو ووحش فى نفس الوقت.

كيف يرى عبد الرحمن نفسه بعد عشر سنوات؟

صوره حلوه وهيبقى فيها مبالغه شويه لو قلتها على اساس انى بحاب ابالغ فى كل شى.

هل عبدالرحمن يرى نفسه متدين أم يريد التدين ولا مبيحبش الناس دي أصلا؟

مش متدين اوى ولا عاصى وبيحب التدين بس مش بالطريقه اللى البعض بيعملها بالتشدد ويريد التدين بالطريق الصحيح الى يدى صوره كويسه عن الاسلام والمسلمين..

بصراحه كان نفسي أسألك أكتر من كده بس عشان مطولش عليك.

مطولش عليك روحى ربنا يكرمك . لاه كنت طولى امال لو طولتى بقى كنت عملتى ايه يانهارابيض.

تعالى يا عم خالد ... قول يا عم لما اشوفك ماشى.

اولا المنتدي دة بيمسلك اية ؟؟

المنتدى ده المنتدى الروحى لى يعنى بيتنا الاصلى وهو الوكر اللى احنا التمانيه الفارين من متدى ازهر واى . وطبعا معروفين التمانيه .. والحمد لله بجد احنا شايفين انه نجح ولا انت ايه رايك.؟

مين العضو الي لو لقيت اسمو علي موضوع لازم تدخل تقراة ؟؟

عضو من التمانيه الاوائل.

مين العضو الي دايماا في خلاف معااة؟؟

عضو من التمانيه الاوائل.

مين العضو الي بيعجبكك كلامو ؟؟

نفس العضو ..

بيقال عنك انك بتتدخل في شئون ادارة المنتدي كتيير ؟؟ هل دة صحيح ؟؟

يعنى بنحبوا ندخلو ا الاداره ونعرفوالاجديد سواء كان بالباسورد بطريقه تانيه المهم نطلع لكن فى الحدود والكل يعرف كده .بنحب نطلع مش اكتر والله.

بتتمني انك تمسك المنتدي في يوم من الايام ؟؟

اسال مهدى .. وامسكه ايه اكتر من كده يبنى انت نايم . هههههههههه

مين العضو الي نفسك تنصحو بنصيحة ؟؟؟ و تقولو اية ؟؟

عضوين معانا مش عنت بشوفهم فى المنتدى فطمه احمد واسماعيل وعاوزهم يرجعوا .. وفى عضو تال بس خليها فى نفسى(بس هو موجود).

لو قلتلك اختار لقباو كلمة لكل واحد من لاعضاء دي حتقول اية من وجه نظرك ؟؟

مهدى::::::::: صديقى ورئيس المنتدى

احمد عبد الحكم :صديقى وحبيبى >>

loda_love: الصعايده وصلوا ههههههههه عسل خالد والله وبيعجبنى كلامه .

اسماعيل: بحب اقرا تعليقاته او اتكلم معاه بحس انه بص بيتكلم براحته بس ياريت مش معاى.

freshman : حبيب قلبى والله وبحبه لله فى لله كده وبحس انه راجل وفيه كتير من خالد بحس كده او فيهم شبه من بعض.

اسلام عوض الله : مش شوفته من زمان .. بس باتلاقيه بيحب وشبه يتعصب لرايه شويه ومقتنع بكلامه دايما على الرغم انى ما اتلكمتش معاه كتير. وراسى .

simosino: العايده وصلوا .. طيب على فكره وبيحب يتكلم كتير .

dr_said: سعيد يعنى ول االسيد .. اه سعيد طبعا صاحبى انا ومهدى 3 سنين الثانوى وطنا طول اليوم مع بعض بس دايما متسرع وبيحكم على الاخرين بسرعه وبيحط نظريات كتيره ويصدقها رغم ان الدنيا مش كده الدنيا تجارب وكل قاعده وليها شواز وياريت ما يزعلش منى لانى مش زعلان منه. ومش انا اللى ببيع بسرعه .

اما الدكتور سيد: فدده بقى صاحب محمد مهدى وصاحب صاحبى حسام وبصراحه من ساعت لما شوفناه فى المنتدى وهو ثابت جدارته ونتمنى انه يبقى معانا على طول وهو والله اخونا .

ابو الفداء: ابو الفدا ربنا يوفقه شخص طيب على حسب اعتقادى وانا ما اتعاملتش معاه كتير بس كل ما اشفه الاقيه بيضحك .

amt_allah: بتهيالى ديه اللى كان اسمها انج سوره .. شخصيه محترمه جاده ومتدينه الحمد لله وربنا يوفقها وهى على فكره من الى ماسسين المنتدى ومعانا من ازهر واى كمان.

عاشقة القرءان: اختها لاصغيره ولسه عارفينها من قريب بس خدت شعبيه جامده فىالمنتدى فى فتره قصيره وكان اسمها بتهيالى قبل كده مريوم او حاجه زى كده ومنورين المنتدى.

basbosa: دكتورة المنتدى طبعا واللى منوره المنتدى رغم انها مش بتدخل الاقليل .اكيد مشاغل . وعلى فكره ديه من التمانيه الاوائل اللى كانوا موجودين بردو معانا فىالمنتدى ازهر واى واللى اسسوا المنتدى ده .

posycat: دكتور ه المنتدى وصاحبة باسبوسه ومن الموسسين للمنتدى معانا ومن الاعضاء النشطاء لكن غابوا فتره ونشهد ليها بالاحترام فى المنتدى .. ومنورانا دايما.

د شمس : لسه جايه من يومين بس بس ايه اللهم صلى على النبى ولا مدير المنتدى وقرا موضيع كتيره جدا ورد عليها كمان ازاى بالسرعه ديه مش عارفين .. وياريت توضح هى مين. ومنوره المنتدى على العموم.

متشكرين يا دكتور على الاجابات الجامده ولو إن في بعض الأسئله كانت على أساس إنك في القاهره مش في دمياط بس مش مشكله
والسياسه واضح ان حضرتك بتحبها عالاخر

وأسئله دكتور خالد جميله جدا
بس صحيح مين الأعضاء التامنيه دول وبعدين يا دكتور مطولش على نفسك هو قالك لقب أو كلمه واحده لكل عضو مش تحكي قصة حياته
وماشاء الله اللهم صلى عالنبي على ذاكرة حضرتك لسه فاكر انها اسمها مريوم

والله منورنا يا دكتور

وحقك علينا الضيافه وأقل شيء نقدمه لسيادتكم أنا عارفه إن صوتك راح من الاجابه عالأسئله

بس بشرط تشرب كوبايه وتهدي لعضو في المنتدى كوبايه

اوعى تقول واحد من التمانيه

بردو واحد من التمانيه وهو عارف نفسه وخلاص بقى .. وان الله

اية يا حلولي انتا رايح فين

لسة في اسئلة و انا قللتك سيبك من موضوع اخويا في اللة ..... جاي تقولي واحد من الثمانية

مينفعش كدة علي فكرة

و كمل باقي الاجاباات

لو اديتك تلات هداايا حتديهم لمين في المنتدي ؟؟

اية الحاجة الي تخليك متدخلش المنتدي دة تاني ؟؟

لو اديتك وردة و قلتلك اديهاا لواحد انتا مزعلوو في المنتدي حتديهاا لمين ؟؟

اية هوا اهم حدث عدي عليك في 2008؟؟

اية مشروبك المفضل ؟؟

بتحب تاكل ايةة؟؟؟ بتعرف تطبخهاا ؟؟؟؟؟؟؟؟

هواايااتك ؟؟؟ الحقيقية مش تقلي اني العب جوولف ؟؟؟؟؟

لية بتشتغلني كتييير علي الموباااايل ياااااااااااااااااااااد ؟؟؟

اية اول حااجة بتعملهاا اول ما بتدخل المنتديي ؟؟؟

بس كفااية عليك كدة

ماشى يا عم خالد وكل واحد ليه يوم حبيب قلبى ساعتها هتعيط مش هسال عليك هتدمع مش هرحم عينيك .. وعلى فكره انتوا ما تعرفوش هو مين رياض البنطلونى رياض البنطلونى اللى هيرشحك دلوقتى ويبهدلك اسئله ما شى يا عم الكتكوت قصدى ايعم الامور اوك خلاص يا عم.

لو اديتك تلات هداايا حتديهم لمين في المنتدي ؟؟

هديهم لواحد من التمانيه. ولا اقولك ممكن اديله واديله واحده وادى الباقيين لاتنين تانيين من التمانيه.

ولا اقولك ممكن اديهم ليه على تلات مرات .

اية الحاجة الي تخليك متدخلش المنتدي دة تاني ؟؟

لز نفس الواحد من المنتدى قالى مش عنت تدخل المنتدى تانى.

لو اديتك وردة و قلتلك اديهاا لواحد انتا مزعلوو في المنتدي حتديهاا لمين ؟؟

انا بصراحه مش مزعله دلوقت بس ساعتها هضطر انى هزعله واديهاله.

اية هوا اهم حدث عدي عليك في 2008؟؟

دخول نفس الواحد من التمانيه المنتدى .

اية مشروبك المفضل ؟؟

المشروب اللى واحد من التمانيه قالى عليه انه بيحبه.

بتحب تاكل ايةة؟؟؟ بتعرف تطبخهاا ؟؟؟؟؟؟؟؟

اه فى الحاله ديه فى تعجيز .. ولا يهمك معكرونه بالبشمل.

بتحب تاكل ايةة؟؟؟ بتعرف تطبخهاا ؟؟؟؟؟؟؟؟

الحقيقيه. انى اكلم واحد من التمانيه.

لية بتشتغلني كتييير علي الموباااايل ياااااااااااااااااااااد ؟؟؟

علشان انت للاسف مش واحد من التمانيه . وبعدين اسمك خالد يعنى حرف الالف قبل اللام عل ىطول صح ولا انا بكدب علشان كده بقى انا باجى افتح السته الاقى اسمك للاسف جنب الاسماء وبيكون اول اسم فى حرف الميم واللى هو اول حرف فى اسم النبى صلى الله عليه وسلم ,ما تسمعونا الصلاه على النبى يا جماعه ... فهمت حاجه ديه بقى روسية الشعب.

اية اول حااجة بتعملهاا اول ما بتدخل المنتديي ؟؟؟

طبعا انى اشوف واحد من التمنيه موجود ولا لاه .

فى حاجه تانيه اه ......... المنوضوع اللى لازم ادخله..؟

لو كان لنفس الاحد اللى انا عمال اتكلم عليه من انبارح يا عم الامور ومش تتلامض تانى اه علشان انا بدات اضايق وليك يوم يا وحش ...

وفى الاخر احب ابعت سلام حار اوى لواحد من التمانيه (نفس الواحد على فكره)...

لا ده الواحد من التمانيه ده لازم نحقد عليه كلنا

وعلى فكره اجابتك كلها غير صحيحه كده ممكن نضطر نقعدك عالكرسي تاني لغاية ما تصلح اجاباتك

دي العقوبه صحيح نسينا نقول في أول الموضوع اللي مش هيجاوب هنعمل فيه ايه

وبعدين الجمله دي أنا مفهمتهاش

علشان انت للاسف مش واحد من التمانيه . وبعدين اسمك خالد يعنى حرف الالف قبل اللام عل ىطول صح ولا انا بكدب علشان كده بقى انا باجى افتح السته الاقى اسمك للاسف جنب الاسماء وبيكون اول اسم فى حرف الميم واللى هو اول حرف فى اسم النبى صلى الله عليه وسلم ,ما تسمعونا الصلاه على النبى يا جماعه ... فهمت حاجه ديه بقى روسية الشعب.
(عليه الصلاة والسلام)
ده أكبر دليل على اني لسه بعقلي ومفقدتوش صح!!!!!!!!!!!!!!!!!!!!

لآ يا عبد الرحمن انتا بتهجص كتير يا عم معنتش لاعب ماععاك تاني

الله يخليكم والله العظيم انا ما ذكرت حاجه بجد من ساعت لم الاسئله ديه نزلت والله ولا اللى فى امتحان بجد والله العظيم ربنا يسامحكم انا مش بهزر .. فياريت بجد خلاص بقى لانى والله مش فى حيل اجاوب تانى .. ومعلش ياخلود اسئلتك محرجه شويه فسامحنى حبيبى وبعدين ممكن يطلع محمد احمد عبد الحكم اسماعيل اى حد من دول بس انا مكثوف بثراحه.. وبعدين هو انا قولتلك العب معاى ياواد.(بحب انا كلمة ياواد ديه اوى)

طيب يا سيدي بس اختار حد يقعد علي الكرسي بعدك

بقول ايه رايك يا عم خالد انت لو مكانى هترشح مين..؟.