يا عينى علينا يا بنات غلابه من يومنا

شوية حركات وحوارات بيعملها الشباب
علي البنات

والبنات..يا عينى غلااااااااااااااابه

.........

1. حبيبتي والله انا غير كل الشباب الي عرفتيهم و معرفش اعمل حركات الشبااب .. انا مبكلمش بنات .. اصلا ما بحب الحركات الي بيعملوها الشباب
(( يا سلام وانت كل البنات يعرفوك ))

2. ماعرفش حبيبتي حاسس اني اعرفك من زمااان

(( لا يمكن غلطان بينها وبين وحده كنت تعرفها الاول .. يمكن في شبه ))

3. حبيبتي بحس انك مختلفة عن كل البنات ومتغيره عنهم

((ليه فوق راسها ريشه و لا من كوكب ثاني امممممممم او بثلاث عيون مثلا ))

4. حبيبتي والله بحس بحاجات كتيره انا وانتى شبه بعض فيهااا .. كأننا شخص واحد

(( سبحان الله اخوها فالاسلام بقي لازم يكون في شبه و ابوك ادم وامها حواء ))

5.ياريتني ياقلبي عرفتك من زمان

(( معلش مكنتش فاضي و كان عندك زحمه ))

6. حبيبتي انتي تامري قلبي امر .. كل اللي تقوليه اعمله مش عايزة اي حاجة قولي بس

(( اشحنلي كارت الموبيل ......يخربيت يوم معرفتك (استغلاليه) ههههههه ))

7. حيااتي عايزك متخرجيش ومتروحيش ومتجيش ومطلعيش ومتنزليش ومتمشيش (ومتنميش ومتكليش ) عشان محدش يشوفك غيري لاني بغير
((يا سلام تطير بقي ... ولا تمشي علي الحيطه .... يا سلام علي التحكمات ))

8. عايز اجي اخطبك من اهلك بس بعد ما اكون نفسي

((ااااااه بعد عشرين سنة ان شاء الله صح.... فالح بس تصرف فلوسك كلها على الموبيل والعربيه وعزايم لاصحابك .الواد الجنتل بقي و و و الخ))

9. قلبي عايز اشوفك في كل مكان تروحيه واي مكان تقعدي فيه تكلميني علي الموبيل وتقوليلي

((علشان ياخد صحابه علشان يعرفوا انك حلوة ....يخربيتك يا فتكات واصرفي يا اختي علي الموبيلات ))

10.انا احب الشعر والقراية ومن هواياتي الرسم والسباحه و الرياضة

(( وهو بيسقط كل سنة و بيعيد علي نفس المادة ))

11. حبيبتي انا اذا حبيت حبيت من كل قلبي وعمري ما اكدب عليكي ابدا

((دا هم 356 كدبة بس ........................................ يا كداااااااااااااااب ؟!!!! ))

12. علاقتي بيكي محدش يعرف عنها حاجة لانها تعتبر من اهم خصوصياتي

(( بس كل اصحابي وشلة النادي و قرايبي والجيران و.... و .... بس ))

13. معايا موبيل احدث نوع دا جاى من بلاد بره (بكاميرا وفيديو ................وتلفزيون ودش )

((وهو اصلا شاريه مستعمل ))

14. احتمال اروح دبي الصيف الجاي

(( اخرك عزبة النخل ...ههههههه ))

15. دايما اشتري عطوري باغلي الاسعار

(( بس مبيحطش منها ))

16 .لما اشوف رقمك علي الموبيل قلبي بينط من مكانه

(( اكييد .. خايف تكون كشفتي ملاعيبه وبتتصلي تهزقيه ))

17.قال لي عليكي كذا وكذا وانا مصدقتش

(( يا بنت ال............. انا تلعبي بيا انا ............ويقول لصاحبه يا عم انا ماشي معاها بس ))

18. حبيبتي عايز صورتك اخليها عندي عشان قبل ما انام اشوفها واحطها تحت راسي وانام
(( لا وانت الصادق عشان يوم تسيبها وتزهق و تمل منها تهددها ))

19. اسف حبيبتي امبارح ما اتصلتش بيكي بس كنت مشغووووول مع اصحابي (ناس مهمه )

(( باين يا نيوووتن انك انسان مهم جدا مش فاضي بقي بتحضر الزره ))

20.حبيبتي انا البنات بتتصل بيا علي الموبيل وانا مبكلمش غيرك انتي يا ( حبي)

(( يا عم انت في حد بيعبرك دا هي رنات والسلام ))

21.والله حبيبتي كنت عايز اجيلك اشوفك النهاردة بس حصلت ظروف صعبة جدااا وماقدرتش اجي

(( تلاقي ابوك اتخانق معاك وضربك وحرمك من المصروف ))

22. امبارح مانمتش... طول الوقت افكر فيك... مش عارف انام يا حبيبتي
(( الا قصدك نمت وحلمت وشخرت وشبعت نووم ولا في بالك ااا اصلاا ولو ما نمنتش ممكن يكون عندك مغص ولا النموس هاري جتتك ))

23. انتي احلى بنت شفتها فى حياتي ماظنش القى احلى منك

(( ليه متعرفش حاجة اسمها ملكة جمال الكون وملكة جمال لبنان ومصر و ..و ... بتتعمل كل سنة ؟؟))

24. انا عايز اشتري كمبيوتر جديد.كمبيوتري بقاله له شهرين معايا وكمبيوتر اخوي مش عاجبني والكمبيوتر الثاني مش مستريحله مش عارف لية
((مشااء الله وكالة كمبيوتراات .اراهن على انه كمبيوترك قديييييم من العصر الجاهلي(صخر) وماعندكش غيره كل مايخرب تصلحته))

25.مش بفتح الماسنجر الا اذا انتي موجوده ...انا اصلا مبدخلش النت الا علشانك

(( يقصد .. مش بفتح عنك البلوك الا بعد ربع ساعه من بعد ما تدخلين ... ويشوف مين في البنات موجودة ))

ايه رايكم يا شباب
مش بيحصل برضه.....؟؟؟!!

بصراحه مش كل البنات غلابه......ولا كلهم مؤدبين ....زى الولاد ....وانا واحد من الناس الى تعترف بكده....بس عندى تعليق صغير ...عدد الولاد المحترمين اكتر من البنات بكتير....

dr_se3o كتب:: بصراحه مش كل البنات غلابه......ولا كلهم مؤدبين ....زى الولاد ....وانا واحد من الناس الى تعترف بكده....بس عندى تعليق صغير ...عدد الولاد المحترمين اكتر من البنات بكتير....

هو صح مش كلهم محترمين بنات وولاد

وبالنسبه لعدد الولاد المحترمين اكتر من البنات

يمكن
!!!!!!

ربنا يحمينا

بصراحه بم انك عضو نشط فى المنتدى ...فقررت ان اعرض عليك فكره موضوع يهم كل شباب الازهر ......وهو ازى نرجع الازهرلما كان عليه ....وتحفيز الشباب على الدراسه فى الازهر....ورفض فكرة عزل الكليات العلميه ...وجعل الازهر مختصر على العلوم الدينيه....انشاء الله الموضوع هيكون جاهز خلال 48ساعه .....وانا مستنى افكارك علشان اضفها للموضوع...

بصراحه موضوع غريب جدا .. على العموم معظم الولاد محترمين الا من رحم ربى و معظم الخطأ من البنات ان شاء الله.

اسلام عوض الل كتب:: بصراحه موضوع غريب جدا ولا افهم المقصود منه ربما هى قصه عاشها كاتب الموضوع على العموم معظم الولاد محترمين الا من رحم ربى و معظم الخطأ من البنات

(بصراحه موضوع غريب جدا)
اه فعلا تصدق موضوع غريب بجد
بس ده شرف ليا ان حضرتك تكرمت وقريت الموضوع ورديت كمان
لا دنا فنعمه المفروض الكل يحسدنى عليها

(ربما هى قصه عاشها كاتب الموضوع )
والله انا على ما اظن يعنى ان اللى يظن فغيره حاجه زى دى خصوصا انه ميعرفوش يبقى هو اللى انسان مش كويس
وعايزه بس اوصلك انى فغنى عن الشرف اللى سيادتك ادتهولى بردك على الموضوع
فياريت لو لقيت اى موضوع تانى لpossy cat بلاش تضيع وقتك وتقرأ المواضيع الغريبه دى اصلا
ده من باب الخوف على وقت سيادتك الثمين

احمد عبدالحكم كتب:

شكرا على الرد

ارى وانا القاضى ان هناك حده وتوتر فى هذا الموضوع ... فأرجو الا يتطور الموقف لاكثر من ذلك ... وان نحسن الظن بالاخرين ... فقد يكون مقصده من رده الفكاهه ...

ياجماعه احنا هنتخانق ولا ايه .. مينفعش اللى حصل وكل واحد انشاء الله عرف غلطه وده يعنى موضوع فكاهى ومكتوب فى قسم الفكاهه فاكيد بنهزر مش اكتر .. وعلى العموم ياريت الموضوع مش يتطور ....... احنا زى مابنقول مش جايين هنا علشان نتريق على بعض ونحسن ردودنا. ونستاذن فى حذف الكلمة سبب المشكله. بعد اذن صاحب الرد.

انا مش عارف المنتدي فية اية اليومين دوول ؟؟؟

و عموما موضوع جميل جدااا و بجد مشكوورة علي المجهوود الجباار دة و كلنا بنعتذرلك لو مكان كلام اخونا اسلام ديقيك مع اني عارفة كويس و متئكد انو مش يقصد المعني الي وضلك و عموما ياريت (تعديهاا ):D و تزويدنا ديماا بمواضيعيك الجميلة

هههههههههههههههههههه
موضوع حلو بس البنات مش غلابه ابدا
هما الى بيوهموا نفسهم
ولا كل الشباب بيقول كده
(((((ان كيدهن عظيم))))
ههههههههههه lol!

انا اعتذرر للاخت الفاضله واحب ان اقول ان دى حرية رأى فانا لا اسيء الظن بأحد واذا كنتى شايفه ان الموضوع اللى انتى كتبتيه وحش بدليل انك بتقولى
(والله انا على ما اظن يعنى ان اللى يظن فغيره حاجه زى دى )
يبقى لماذا تمت كتابته؟؟

وانا اعترض على اسلوب الاخ عبد الرحمن فى انه عدل فى كلامى ولم يعدل فى كلام الاخت بالرغم من انها غلطت بقولها(الله انا على ما اظن يعنى ان اللى يظن فغيره حاجه زى دى خصوصا انه ميعرفوش يبقى هو اللى انسان مش كويس
وعايزه بس اوصلك انى فغنى عن الشرف اللى سيادتك ادتهولى بردك على الموضوع)

ولى عتاب على الاخ عبد الرحمن بقوله (مش جايين هنا علشان نتريق على بعض ونحسن ردودنا) انا مبتريقش على حد يا دكتور وردى دائما حسن

» حل امتحان الرسم الهتدسى ...بنين ، بنات
» تصور الحياه بدون بنات !!! جناااااااااااان
» ازاى تحرق دم البنت.(بلاش بنات تدخل)