تعرف ايه عن فاقوس بلدنا

السلام عليكم ورحمة الله ... جمعت شوية معلومات من على النت انا بصراحة لاول مرة بعرف حاجات كتير منها فحبيت انقلها ليكم هنا من باب المعرفة ... ورد اسم بلدة أوسيم في التاريخ عاصمة للإقليم رقم 20 في التقسيم الفرعوني لأقاليم مصر وأطلق على المنطقة التي تشغلها مدينة فاقوس حاليا الإقليم رقم 20 ومنطقة محافظة الشرقية الحالية كما أن كلمة أوسيم كانت قد وردت في التوراة بالإسم جو شم وهي نفس المنطقة التي استوطنها العبرانيين ودارت فوقها قصة سيدنا يوسف عليه السلام وفي الكتابات اليونانية ورد اسم أوسيم بصورة مختصرة وأضيف إليها أداة التعريف (ف) فأصبحت فاقوساً وفاقوساً هذه كانت عاصمة لنفس المنطقة في العصر اليوناني والروماني وبعد الفتح العربي أخذت اسمها الحالي فاقوس ويرى بعض الباحثين أن العبرانيون أطلقوا عليها فاجوس أو باغوزين وهي مؤلفة من مقطعين الباء والفاء ومعناها أرض والثاني جوشن ومعناها النماء أي المعنى كله أرض النماء ويرى الباحث جيرار في مقاله بمجلة صديق الكاهن أن فاقوس كانت تسمى في عهد الفراعنة بإسم جسيم ثم أطلق على المنطقة كلها اسم جاسان في العصر اليوناني فاقوساً ثم العصر الروماني القبطي سميت أربيا أو تي أربيا ويرى بعض الباحثين أن اللغة القبطية قد فسرت اسم فاقوس تفسيراً منطقياً حيث قالوا أن كلمة جاسان أضيف إليها (فا) وهي أداة للتعريف في اللغة القبطية فأصبحت فاجاسان أي التي لجاسان ثم حرفت إلى فاقوس وأطرف ما قيل عن تسمية فاقوس رأي الأستاذ الدكتور مصطفى القاضي أن أرض فاقوس دار عليها معركة شديدة تكسر فيها ألف قوس وهو من أدوات الحرث آن ذاك فأطلق كلمة الفاقوس عليها.
الموقع الجغرافى لفاقوس
تقع مدينة فاقوس في نقطة تقاطع بين خط عرض 30.44 وخط الطول 31.5 على وجه التقريب على بحر فاقوس وبذلك كان يمثل مركز فاقوس الجزء الأعظم من مساحة الإقليم بالشرقية.
] المساحة
مساحة مركز فاقوس 485.3 كم2 وتمثل ثانى مركز من حيث المساحة بمحافظة الشرقية أى بنسبة 11.58% من مساحة المحافظة
الثروات الطبيعية ومجالات الإستثمار
يوجد بها مجال للإستثمار في (صناعات غذائية – إستصلاح آراضى – إقامة مزارع الدواجن – إقامة مصانع الزيوت – مواد بناء – منتجات خشبية – غزل ونسيج – صناعات ورقية – صناعات هندسية).
عدد السكان والتقسيم الإداري
التعداد السكاني لمركز فاقوس ديسمبر 2008 كان 780340 نسمة وتعد ثاني أكبر مركز من حيث عدد السكان في محافظة الشرقية، يوجد بها 11 وحدة محلية قروية يتبع هذه الوحدات القروية 62 قرية رئيسية وكذلك يوجد بها 728 عزبة وكفر(توابع).
قرى فاقوس
،الزاوية الحمراء، الفدادنه ، ميت العز، كفر جاويش، الدميين، الطويلة، الصوالح، النوافعة، السماعنة، الديدامون، ام عجرم، الغزالي، السنيطة، اشكر، البيروم
إكياد البحرية/ العزازي / الكبايشة / الصالحية
فاقوس تاريخيا
العصر القديم
دخل الهكسوس عن طريق فاقوس واستوطنوا فيها واتخذوا صان الحجر عاصمة لهم وكان اسمها آفاس ويرى بعض العلماء أن العاصمة كانت قنتير التابعة لها كما قاد أحمس أهل فاقوس ومصر لطرد الهكسوس ونجح في ذلك وعاش بها تحتمس الثالث بعض الوقت أثناء إنشائه للإمبراطورية المصرية في العصر الوسيط، وفى أكتوبر عام 1168 استولى الصليبيون على مدينة فاقوس تحت رئاسة عامورى الأول ملك أورشليم إلا أن صلاح الدين الأيوبي تمكن من تحرير المدينة من أيديهم. في العهد المملوكي شهدت فاقوس عودة السلطان قطز المملوكي عام 1260م عندما كان عائد من دمشق
في العصر الحديث
تمركز نابليون في مدينة فاقوس بعد فوزه على المماليك في الصالحية في 11أغسطس 1798م وهرب قائدهم إبراهيم بك إلى الشام وانطلق منها لغزو الشام عبر سيناء. امتدت حدود مدينة فاقوس لتصل حتى بحيرة المنزلة شمالاً ثم نقطة ثرابيوم شرقاً والواقعة بين البحيرات المُرّة وبحيرة التمساح وتمتد غرباً حتى بلبيس .
المناطق الأثرية والسياحية
لقد حظيت مدينة فاقوس بعدد كبير من المناطق الأثرية حيث توجد هذه المناطق حيث توجد بها: 1- قرية قنتير (الوحدة المحلية بالسماعنة) : قرية تابعة لمركز فاقوس بوجد بها آثار من عصر سيتي ورمسيس الثاني شيد فيها الملك سيتي الأول من الأسرة التاسعة عشر قصرا له ثم تبعه ولده رمسيس الثانى الذي أمر بتشييد مدينة له هناك واتخذها مقرا لحكم مصر ليشرف منها على مصر وعلى الآراضي التي فتحتها الجيوش المصرية في بلاد الشام. ويوجد بها العديد من القطع الأثرية الهامة المصنوعة من الفخار مختلفة الأحجام والأشكال. وجد بها بلاطات صغيرة من القيشاني الأزرق عليها كتابات هيروغليفية عن طريق التطعيم بالمرمر عليها اسم وألقاب الملك رمسيس الثانى ثالث ملوك الأسرة التاسعة عشر الفرعونية حوالي 1290-1223 قبل الميلاد ويبدوا أن الجبانة الحالية للقرية والأراضي المحيطة بها تقع على بقايا قصر بناه الملك (سيتي الأول) ثاني ملوك الأسرة 19 والآثار التى عثر عليها تجعل من المرجع وجود عاصمة أكبر إمبراطورية في الشرق القديم والتي أقامها رمسيس الثاني.
2- الختاعنة (تل الضبعة) الوحدة المحلية بالديدامون. عثر فيها على بقايا معبد من اللبن له صالة وأعمدة وعدد من التماثيل المصنوعة من الجرانيت والسست ويرجع هذا المعبد إلى عصر الدولة الوسطى وكذلك بعض المساكن التي ترجع لنفس العصر حوالي 2134-1778 قبل الميلاد.
3- عزبة رشدي وحلمي الوحدة المحلية بالديدامون. عثر بها على بعض التماثيل وكذلك بوابة معبد قديم ترجع جميعها إلى العصر الفرعوني.
4- يضم المركز بركة صيد سياحية بقرية أكياد التابعة للوحدة المحلية بإكياد البحرية. تبلغ مساحتها 3066 فدان حالياً على شكل مستطيل من الشرق إلى الغرب ومياه البركة جزأين جزء مياه مالحة والثاني يتم تغييره بالمياه العذبة ويتوسطها جزيرة مساحتها 360فدان تحيط بها المياه من جميع الجهات وينتشر فوق سطحها الرمال الصفراء وبعض الحصى وينمو بها بعض النباتات الصحراوية وتضم البركة أيضاً حوالي 16 لبدة صيد ترد عليها الطيور المهاجرة من أماكنها الأصلية في الفترة من أول أكتوبر وحتى شهر أبريل من كل عام ومن أصناف هذه الطيور (خضاري حجم كبير يشبه الشرشيرى كيس متوسط الحجم – عقلان – زريق أصفر حجماً من الكيس وغير ذلك من أنواع الطيور وبها شاليهات سياحية وحدائق هذا ويقوم نادى الصيد بالدقي بحق استغلال الصيد بالبركة.
5- تل الضبعة وهى على بعد 45 كم من مدينة الزقازيق وهى تابعة لمركز فاقوس وتبعد عن مركز فاقوس 1 كم وقد قد كانت مقرا لحكم الهكسوس في مصر خلال (1570–1778) قبل الميلاد وتقع على مساحة 7كم شمال مدينة فاقوس، يوجد بها العديد من الآثار تزيد عن 8 آلاف قطعه أثرية.
6- تل إبراهيم عوض يقع هذا التل بمركز فاقوس قرية ام عجرم وترجع الآثار التي أستخرجت من هذا التل لعصر بداية الأسرات والدولة القديمة والدولة الوسطى وبه العديد من القطع الأثرية.
أعلام مركز فاقوس

د. حسن الحيوان – أستاذ الأمراض الصدرية بجامعة الزقازيق رحمه الله

د.فريد إسماعيل – صيدلي وعضو مجلس الشعب .

الأستاذ سعيد الصادق – محامي

الشيخ عبد الله الشرقاوي

ولد بقرية الطويلة مركز فاقوس وكان رائداً من رواد الأزهر الشريف و مشيخته .

الدكتور يوسف إدريس

وهو من مواليد فاقوس أشهر كتاب مصر المعاصرين وتخرج من كلية الطب وكان محباً للأدب وله العديد من المؤلفات والقصص بأنواعها القصيرة والراويات الطويلة

الأستاذ فريد عبد الخالق

عضو الهيئة التأسيسية لجماعة الإخوان المسلمين

المستشار صلاح الطاروطى

رئيس لجنة الثقافة بمجلس الشعب سابقا
وكمان الاستاذ / محمد مهدى الرجل المعروف
وفى اكتر من كده بكتير اهالى بفاقوس المعروفين طبعا بالكرام
بجد أنا يزدنى شرف انى من مدينه فاقوس.

لا لا لاااااااااااااااااا
كده فاقوس واخده حقها وزياده في المنتدى ده ميصحش كده أبدا
الصبح حريقه وقلنا ماشي
لكن قصة حياتها كمان
كده يا دكتور لازم تشوف كل عضو منين وتجمعلنا معلومات وتقولهلنا
ولو ان شكل معظم المنتدى فاقوسي

فاااااااااقوس دى مدينة لا تنام فعلا

دا حتاا ليةهاا بتااع 4 جروبات علي الفاس بووك :D

أة المنتدي دة فاقوسي و حيفضل طوول عمرة فااقوسي

فاقوسي و افتخر وال مش عاجبة ينتحر

الله عليك ياخالد .. دا كلام الفاقوسين المحترمين .. الله يفتح عليك ..

على فكره ... فاقوس دى خرجة علماء امثال ... احمد علام ..

يعني انا مش من فاقوس انتحر يعني
وبصراحة اول مرة اسمع عنها كان هنا في المنتدي

طيب انصحك متقوليش كدة تاني

دة لمصلحتك بس و بعدين المنتدي يغضب عنك ولا حااجة

:D :D :D :D :D :D :D :D :D :D

هههههههه ياسلام على فاقوس .. بجد انا كنت بتامل لها مستقبل واديها اهيه ..فعلا كل العلماء طلعو من فاقوس حتى اللى مش قاعدين فى فاقوس ولدوا فى فاقوس ثم هاجروا ..

اول مره يا خالد اشوفك بتنصح لوجه الله .. فعلا انصح اى حد مش سمع عنها ميقولش قدام حد كده يعنى انا اعرف واحد قال قدامى كده عارفين حصله ايه:

امه وابوه لسه بيدوروا عليه لغاية الان والله لما صعب على اعمل ايه روحت ادور عليه انا كمان (اقولكم الصراحه انا نسيت نا خبيته فين) فياريت يا جماعه محدش يستفزنى علشان مش انسى انا خبيته فين وانا على فكره بنسى بسرعه.

معلش يا جماعة اصل انا مش من الشرقيه وعمري ما روحتها ولا ليا اقارب او اصحاب هو ده كل الموضوع فما اسمعش عنها واكيد انا لو قلتلكوا انا منين مش هتعرفوا برده
علي فكرة الكلام بتاعي ده مش خوف من حد بس احترام لاعضاء المنتدي

خلاص خلاص احنا ممكن نسامحك بشرط...!

لآلآلآ متبوسيش كتفي لآلآلآلآ متبوسيش ايدي يوووووووووة

:D :D :D :D

ان دىة تكون اول و ااخر مرة خلاص

:cyclops: :cyclops: :cyclops: :cyclops:

بس بردو مش قرات اعظم ميت مركز فى العالم :: بتهيالى ياخالد فاقوس التانى بعد مركز واشنطن الرئيسى .. او حتى فى الابتدائى مش قرات عن احمس ولا مين اهو الاتنين دول من فاقوس .. بلاش ديه مش تعرفى جريز اناتومى دول من فاقوس بردول وكمان الحج جايتون من النقيزه من فاقوس تب عندك يوووووووووووووه مش هنخلص.

فاقوس

فاقوس

فاقوس

وجعتولنا راسنا يا عالم فضونا بقى من السيره دي علماء ايه بس وكلام فاضي ايه دي نقطه عالخريطه لا راحت ولا جت

وكفايه كده اوعوا حد تاني يقول قدام حد انه من فاقوس لحسن شكلكوا هيبقى وحش اوي قام الأجانب

وانتي يا شمس مالك يا بنتي اتخضيتي كده ليه ولا يهمك حد في المنتدى ده خالص

ههههههههههههههههههههههههههههه

لآ بقي انا بتهيئلي ان احنا بنهزء يرجاالة

فاقوس دى ممكن تسمعوا عليها زى غزة كدا بس لو حصل حاجة كدا ولا كدا ... جماعة سيب وانا اسيب المصرية ستظهر من هنا ... تفتح الجزيرة كدا يقولك ايه ( خبر عاجل ... سقطت منذ صباح اليوم 3 طائرات امريكية و 4 طائرات اسرائيلية كما فجرت اكثر من 12 عربة مدرعة و 6 دبابات ميركافا فى مركز فاقوس شمال القاهرة .. هذا وقد اعلنت جماعة سيب وانا اسيب مسئوليتها عن هذه العمليات .. كان معكم الوليد بن الوليد .. قطاع المعاهد الازهرية .. فاقوس )

لو لم أكن فاقوسيا ... لوددت أن أكون فاقوسيا...

يا عم تولع فاقوس على الى ........... ان من فاقوس من العاصمة كمان ولا رايكم اية اعنى عاصمة فاقوس حد عرفها اية هى عاصمة فاقوس

عاصمة فاقوس ؟؟؟
اكيد انقيزا يا اسلام
لا حول الله يارب ماتعرفش عاصمة فاقوس !!!

هههههههههههههههههههههه
ماحنا كنا ماشيا كويس بس ليه الطائات والدبابات ده كلها خليها ماشيه كويس وفى حالها والنبى خلينا نعرف نعيش
وربنا مع اخواتنا فى غزه يا رب بس كمان ربنا يحفظنا ويحفظ فاقوس والشرقيه ومصر كلها
ياااااااااااااارب
شكرا ليكم جدا وبجد مشكورين على المعلومات الخطيره عن فاقوس انا بقيت بحبها اكتر شكرا

شكلي كده هعمل زياره للبلد دي

» احلى فيديو على فاقوس
» اصل الكوسه فى بلدنا
» يا مكركرومك يا مسر .. يا محاليلك يا بلدنا..
» تعالوا ننظف بلدنا بإيدينا
» صور من احد مساجد فاقوس