ياجماعه لازم نحتفل بحرب اكتوبر هنا ...

مش هتكلم كتير ولكن هادخل فى الموضوع علطول .. انا حاسس ان شباب اليومين دول مافيش صلة بينهم وبين اجدادهم وقرايبهم اللى حاربوا حرب اكتوبر .. دا حتى ممكن يكونوا مايعرفوش معلومات عن هذه الحرب التى قال عنها انور السادات ( انها معجزة على اى مقياس عسكرى ) فهنا ان شاء الله كل واحد نفسه يقول حاجة بخصوص الحرب يقولها لو قصة او حاجة سمعها او حتى يسالنا سؤال يختبرنا كدا يعنى .. المهم نحتفل هنا .. ماتكسفونيش بقى يارجالة وتطلعوا من الشباب اللى انا بكلم عليهم فوق ....

انا اول واحد هاشترك ان شاء الله فى الموضوع .. وبقول ان انا بتشرف ان كان ليا اتنين من قرايبى شاركوا فى هذه الحرب
الاول هو بن عم والدتى وكان فى الجيش الثالث الميدانى وفقد احد قدميه فى الحرب وما زال عايش حتى الان
والثانى وهو خالى وكان فى سلاح المدفعية فى الاسماعيلية ومازال عايش حتى الان
ولكن مع الاسف لم يكن هناك شهداء من اقاربى من الذين شاركوا فى حرب اكتوبر.. ووالله انه من الواجب علينا نحو كل من اشترك فى حرب اكتوبر بان نقبل اياديهم التى كانت قابضة على الزيناد وان نقبل ارجلهم التى كانت وبفضل الله ثابتة على ارض المعركة وان نقبل رؤوسهم التى كانت فى ذلك اليوم اعلى من اى رأس وان نتعلم من هذا الجيل كيف انتصروا وحولوا هزيمتهم عام 67 الى نصر عام 73 .. فتحية منى الى كل بطل لم يذكر اسمه او شهيد لم تعرف قصته .. واسال الله ان يديم النصر على بلادنا وجميع بلاد المسلمين وان يعيد المسجد الاقصى الى اهله .

ياخسارة ياجماعه هحتفل انا لوحدى هنا بحرب اكتوبر .. ربنا يسامحكوا .. بس على فكرة اصلا انا ملاحظ ان انتوا متابعين سياسة جامد اوى .. ربنا يعينكوا ..

ولكن مع الاسف لم يكن هناك شهداء من اقاربى
هههههههههههههههههههههه شكلك بتحب قرايبك موووووت , ومالك زعلان اوى كده ليه , ربنا يرزقهم العمر الطويل .

:::والظاهر ان الشباب هنا مهتمين بالسياسه اوى , وعارف فى راى اعتقد ان الشباب مش عندهم اهتمام بالحاجات الوطنيه دى , لانهم بجد مقهورين , ومش اخدين حقهم فى البلد دى , فطبيعى ان الولاء يقل , هات اى شاب فى مصر , هتلاقيه يقولك ان حلم حياتى اسافر بره , وكمان زى ما انتا قولت ان اجدادنا تعبوا وضحوا بكل حاجه عشان البلد دى , ولكن بكل اسف اللى حملوا الرايه من بعضهم محفظوش على الامانه

بس تخيل لو لا قدر الله لا قدر الله حصل واحتلينا مره تانيه , هل يا ترى هيبقى فى حرب زى 6 اكتوبر ؟ معتقدش

حاضر يامهدي هسيب المذاكره وااشوف الاجداد في سجل امبراطوريه آل شريف اال 73 ال

زائر

ايه يا مهدى انت مش تعرف ان ساعة الصفر كانت مع عيلة اسماعيل ... و كان فى واحد منهم لابسها بس اسماعيل هايقولك عليه .

احنا منتظرين اسماعيل يقول الاسرار العسكرية الخطيرة دى ...

» ايه رايكم ياجماعه فى الكلام ده ... موضوع يهمكم؟؟
» حديث صحفى لشارون عن حرب اكتوبر عام 2003
» الفريق سعد الدين الشاذلى (مهندس حرب اكتوبر) فى ذمة الله
» تحرير طابا ... امتداد لنصر اكتوبر المجيد
» رسالة لازم اوصلها