يوميات جمعاوي رووووووووووعة ........كل الجمعاوين يدخلوا فورا الجزء التالت

دلوقتي وبما إن معظمنا دخل الجامعة وبقينا جمعاوين كلنا
فأنا جبتلكوا مذكرات جمعاوي زينا عشان نتعلم منه
بصراحه انتوا هتضحكوا لما تقولوا يا بس
أول مرة بس هنزل جزئين عشان نشد الجماهير
بس ما تاخدوش على كده بعد كده جزء جزء
واللي هيدخل ويقرأ ويضحك وميكتبش رد مش هنقول
هيحصله ايه

الجزء الأول

أبويا رجل محافظ .. محترم .. وأهم من ده كله إنه وطني بيحب مصر ..
وبيحب كل حاجة فيها .. بيحب سعد زغلول .. والنحاس باشا .. وكوبري
استانلي .. ومقتنع إن مصر هي أم الدنيا .. خلفت الدنيا .. وكل
عيالها الباقين ماتوا.. م الآخربيحب مصر صحيح

وأهم حاجة في حياته بعد مصر هي تربيتنا .. ولأن ربنا يهديني
ويسامحني كنت شاب مضيع .. دماغكم ما تروحش بعيد .. مضيع بس مش
قوي .. يعني محترم نص نص .. فقد زلت قدمي في عدة بلاوي أسأل الله أن
يغفرها لي .. كانت هذه البلاوي سبباً لصدمة أبويا فيا .. وده السر
اللي ما قولتهوش لحد .. والنهاردة وأنا بفر في مذكراتي .. وقعت
عيني على صفحة قديمة كنت مسجل فيها أحداث هذا السر .. ففكرت أحكي
لكم عليه؟؟ .. ولا بلاش؟؟

المهم قررت إن أحكي يمكن حد يستفيد من تجربتي .. بس بشرط ..
متحكهوش لحد .. اتفقنا؟؟

زي ما قولتلكم إن بابا اهتم بتربيتنا جداً .. عشان كده محرمناش من
حاجة .. ووفر لنا في البيت كل وسائل اللعب والترفيه .. "بلاي
استيشن" .. "تلفزيون" "دي في دي" .. "قصرية برجل عجل" .. كل
حاجة .. إلا حاجة واحدة بس مرضاش يجيبها لنا لأنها من وجهة نظره إنها
سرقة وإنها ممكن تبوظ أخلاقنا .. برغم إننا ياما اتحايلنا عليه ..
لكن مفيش فايدة .. "الوصلة" .. أيوة "الوصلة" اللي خلتنا نقع في
الــــــ.. ولا أقولكم أحكي لكم اللي حصل أحسن ...

السر الرهيب

اليوم: 5 فبراير 1917

الوقت: الساعة 8 الظهر في وسط منتصف الليل

المكان: صالة بيتنا .. على شط القناة

الأبطال:

بابا : في دور الرجل الوطني

ماما : اللي بتسيح لبابا

محمود: الواد البايظ

جمعاوي: شاهد ملحقش يشوف حاجة

خالد : واد دحلاب وسوسة

الأحداث:

الواد محمود أخويا الكبير الله يخرب بيته لما لاقنا قاعدين في البيت
زهقانين .. وأبويا منعنا من اللعب في الشارع مع العيال .. الشيطان
ضحك على محمود وأخده لسكة الحرام .. و وزه يجرجرني معاه ..

- وراح قال لي: واد يا جمعاوي .. إيه رأيك بعد ما بابا وماما
يناموا أنزل أجيب الأمانة م الواد "حمو كلبالا"؟؟

- الأمانة؟؟؟!!

- أيوة .. الكامة اللي حتفك شفرة القناة إياها..

- بس يا محمود بابا منبه علينا منتفرجش غير على القنوات اللي هو
سمح بيها بس .. وقال أي قناة تانية عيب نشوفها .. خاصة لو كانت عن
طريق الوصلة .. أنت عارف إنه بيقول إنها سرقة

- يا بني منبه إيه؟؟ وساعة إيه؟؟ أولاً : هي عشان قناة مشفرة تبقى
عيب ؟؟ .. ثانياً: هو حيعرف منين؟؟

- بس يا محمود لأحســ..

- لأحسن إيه؟؟ بابا حينام .. وحنتفرج ربع ساعة بس..هما 15 دقيقة
بس..ولا من شاف ولا من دري .. وبعدين يا جمعاوي أنت مش كل شوية تقوله
يا بابا نفسي أشوف "ديزني" .. حموت وأشوف "ديزني" .. ها يا
جمعاوي؟؟ .. عايز تشوف ديزني ولا بلاش بقى خلينا في "اسبيس توون"

- بيني وبينكم أنا كنت حموت وأتفرج .. العيال في الشارع كل يوم
يغيظوا فيا عشان عندهم الوصلة وأنا لأ.. فقولت له: محمود ربع ساعة
بس .. ونرجع للواد حمو كلبالا الأمانة

- يا بني عيب عليك .. أنا مقدرتش أطول عن ربع ساعة .. ده حتى يبقى
حرام أنا مش وعدتك .. يبقى خلاص ما أقدرتش أخلف وعدي .. عيب يا جوجو

- لا محترم يا خويا!!

جلست أرهف سمعي ناحية باب الشقة في انتظار أن يدق الباب في أي
لحظة .. وفجأة .. سمعت صوت نقر خفيف على الباب .. ففتحت الباب
لمحمود .. الذي كان قد عاش الدور ولف نفسه بالسواد .. بالطو أسود
ونظارة سوداء .. وقبعة سوداء .. وشراب أسود من غير استك ..

- قولت له في صوت خافت : خش بسرعة .. إيه الأخبار؟!

- "العملية في النملية" ثم ربت على جيب البالطو في ثقة
وقال: "والكتاكيت في العشة"..

- طيب يا فالح .. تعالى جوة قبل ما حد يصحى

- دخلنا وأغلقنا باب الحجرة علينا .. ووضع محمود الكامة في
الجهاز .. وأنا على آخري .. لإني خلاص حشوف "ديزني" .. لحظات وبدأ
العرض .. وفجأة!!!

دخل علينا أخي الأكبر خالد.. ألحقي يا ماماااااااااا .. تعالي ..
شوفي عيالك بيعملوا إيه؟؟!!

ودخلت أمي علينا وأنطلق صراخها الحياني في أرجاء الشقة .. يا لهوي
ي ي ي .. ألحقني يا أبو خالد .. تعالى شوف العيال اللي تعبنا في
دتربيتهم ..

وأنا أحاول تهدئتها بشتى الطرق .. وياما عيب .. ياما خلاص .. ياما
بلاش فضايح .. طب اسكتي وأجيب العيش بكرة .. طب لو سكتي حسيئ
الحمام .. لكن بتكلم مين ..

ثم ظهر أبي على مسرح الأحداث .. فتقدم محمود ناحيته في ثبات .. ثم
قال: جمعاوي ملهوش دعوة .. الكامة دي بتاعتي أنا .. وأنا على
استعداد لتحمل المسئولية كاملة

لكن بابا رفع إيده عاليا .. وهووووب .. طاااااااااخ .. وفي لحظة لم
نجد محمود .. لقينا شبشبه تحت الكنبة .. ونظارته فوق الدولاب ..
وأخيراً وبعد بحث مستمر .. لقيناه هو شخصياً ممداً أمام باب
الحمام .. فأمسك أبي بتلابيبه .. وصرخ بأعلى صوته: البيت ده طاهر
وحيفضل طول عمره طاهر..

ثم وضع يده على قلبه في أسلوب مسرحي قديم من أفلام الأبيض و أسود ثم
قال: البيت ده متحرم عليك ليوم الدين .. امشي أطلع بره بيتي يا
كلب ..

محمود: بس ما تقولش أطلع بره .. يا بابا

تملكني الخوف بشدة .. فقد كنت أخشى أن يكمل أبي الدور ويقول : أنت
مش ابني .. أنت لقيط .. لقيط

لكنه لم يفعل .. بل رزع الباب وراء أخي .. ثم ألتفت إلينا وخطب
خطبة ثورية جماهيرية تقدمية عصماء بدأت بــ:

أيها الإخوتو والأخوات .. لقد فقد بيتنا .. وفقد شارعنا .. وفقدت
الإنسانية جمعاء .. رجلاً .. من أعفن الرجال..

أنا راجل ديموقراطي .. بس الديموقراطية عندي لها أنياب .. واللي
هيعمل كده تاني .. حفرمه
وانطلق خالد يهدي النفوس ويقول: عندك حق يا بابا .. دي عيال مش
متربية .. أنا مش عارف جيل إيه المهبب ده .. يلا أنت وهو .. خش
نام .. وأخيراً والحمد لله دخلت أنا وإخوتي لننام..

ولكننا استيقظنا بعد فترة على صوت صراخ أمي وهي جالسة تولول وتقول:
يا ربي .. حتى الواد الكبير اللي كنت فاكراه عاقل هو كمان
أتجنن .. بينما وقف خالد في طرف الحجرة بجوار التليفزيون مدلدل
الرأس زي تلميذ ابتدائي مسكوه وهو بيسرق بسطرمة م التلاجة ..
فاقتربت منه .. ثم ملت عليه هامساً في أذنه : يا دمك يا أخي عمال
تتنطط علينا وأنت نفسك تتفرج .. ما كنت قولت م الأول .

اتمنى تكون اول حلقة عجبتكوا عايزة اشوف رأيكوا

وخدوا الجزء التاني اهو

الجزء التاني

(
جمعاوي بيسرب الامتحانات )

السؤال الأول: التعبير

اكتب ما لايقل عن 650 سطر فى أحد الموضوعات التالية:

* لم يجد الطفل غير الشارع ملجأ نظراً لحالة البلد الهباب .. فاتج
ه إلى السرقة والقتل والحشيش.. حتى نال جزاءه وقبض عليه متلبساً
بباكتة بانج و.. اكتب قصته مع تسليم الحِرز للباشا مراقب اللجنة

* شهدت بلدنا الحبيبة نهضة فى مجال التشييد والبناء وخصوصا بعد
وصول سعر الحديد إلى 6500 جنيه للطن.. اكتب ما يمليه عليك ضميرك
على أن يبدأ موضوعك بعبارة أنا " باشتغل فى حديد عز"

* بعد انتشار ظاهرة أكل لحم الكلاب والحمير..من وجهة نظر حمار تكلم
عن هذه الظاهرة ومن المتسبب فيها بدون غلط..الورق متراقب

ــــــــــــــــــــــــــــــــــــــــــــــــــ ـــــــ

السؤال الثانى: القصة

من قصة " وعهد الله ما انت داخل الانتخابات" .. اقرأ القطعة وأجب عن
الآتى:
"ثم أتى إليه وضربه بالجزمة وقال: انت عايز تترشح فى الانتخابات
ياض؟؟ دانت عايز معجزة..مش كفاية بتاكلوا لحمة ومستورين .. عايزين
إيه تانى؟ "

من خلال خيالك المريض عرف ما هى اللحمة؟ أو على الأقل حدد أقرب معنى
لها

مرادف معجزة فى اللغة ( تغيير وزارى – زيادة المرتبات – رغيف
العيش) اختر يا مقلول البخت

لماذ ضربه الرجل بالجزمة وليس بالعصى مثلا؟؟

(أهو كسل .. لسة هيرفع العصاية؟ - عشان العصاية قلة قيمة برضه
واحنا فى عصر الديمقراطية – عشان الخشب غالى اليومين دول) اختر

حلل بمزيد من التفصيل جملة "ضربه بالجزمة" ومدى توافقها مع
جملة "مصر بتتقدم بينا"

ــــــــــــــــــــــــــــــــــــــــــــــــــ ــــــــــ

السؤال الثالث القراءة

من موضوع ( الزعيم..والفنان.. والقدوة) اقرأ القطعة وأجب

"وقد نفى الزعيم عادل إمام الإشاعات التى أكدت أنه مرشح لوزارة
الثقافة.. وأكد أنه فنان فقط وليس سياسيا الخبر حقيقى كما أنه يرحب
بالتوريث ومقتنع بكل سياسات الحكومة"

فى رأيك هل يصلح عادل إمام لوزارة الثقافة أم لوزارة الصناعة
باعتبار أن أفلامه كلها تهتم بالثقافة على حساب الصناعة

ذكرنا فى الدرس أن عادل إمام سيتقاضى فى فيلمه القادم 12 مليون
جنيه .. فى رأيك ياعم المحروم تليفونه خط ولا كارت

من خلال معرفتك للفنان القدوة وتاريخه الثقافي الحافل .. أجب على أن
تضع إيدك على المصحف وانت بتحلف للمراقب بتاع اللجنة .. وقول والله

العظيم عادل إمام فنان قدوة ومحترم ومثقف

ــــــــــــــــــــــــــــــــــــــــــــــــــ ــــــــــــ

السؤال الرابع النصوص

أجب عن أحد النصين الآتيين:

من نص ( ماشربتش من نيلها)..اقرأ ثم أجب

"ماشربتش من نيلها.. جربت تغنى لها.. جربت فى عز ماتحزن تمشى ف
شوارعها وتشكى لها"

بعد رغبة صاحبة النص فى أن تلد ابنتها فى أمريكا لتحصل على الجنسية
الأمريكية..اختر..ما المقصود بنيلها فى النص؟

( المسيسبى - الأمازون – يونج يانج)

هذا النص من نصوص الحزب الوطنى والدليل وجود اسم مهم من قيادات
الحزب فى النص.استخرج الاسم..وبوسه من ورجَّعُه مكانه

أكمل الأبيات إلى آخر كحكة فى الكليب

قوبل النص بانتقادات بسبب بعده عن الواقع..وضح من النص ما يتفق مع
القول المأثور "اطبخى ياجارية .. الأنبوبة فاضية يا سيدي"

ــــــــــــــــــــــــــــــــــــــــــــــــــ ـــــــ

السؤال الخامس النحو

أعرب ما تحته خط.. لو مالقيتش القطعة أصلا ..اتصرف

ذهب الرئيس إلى المؤتمر .. ضع الجملة السابقة فى صيغة المثنى..
ماعدا الرئيس طبعا
كان ممدوح إسماعيل قاتلا .. ضع إن مكان كان.. على ألا تنصب ممدوح ..
عشان هوه بينصب لوحده
فُرِضت الضرائب علينا ببشاعة ..أعرب الجملة .. وارفع الضرائب أبوس
إيدك

ــــــــــــــــــــــــــــــــــــــــــــــ

السؤال السادس الخط

كوز المحبة انخرم .. طرطش على كمى .. ياحبيبى بطل جفا وارحم عذاب
امى

اكتب الجملة السابقة ثلاث مرات بثلاث خطوط .. موبينيل وفودافون
واتصالات .. كما يمكن التحويل من خط لخط بنفس الرقم .. فقط اتصل
بخدمة العملاء

طبعا جمعاوي سرب الامتحان فياريت تقولوا اجاباتكم

مشكور على القصه الهاااااااااااااادفه ... انا قرأت الجزأ الاول منها .... بس ماعرفتش ايه معنى كلمة "قصرية برجل عجل .... "

يا با شمهندس هو حضرتك ديما تدخل تسئل على حاجات غريبه كده
عموما برحتك عشان بردوا ان الريس

مشكوره يا امة الله
انا طبعا ماقرأتش لانى حفظها
بس مشكوره على المجهود ده

مش لازم الواحد يعرف ايه الكلام اللى مكتوب ولا ايه ...

صراحه ياجماعه القصه كويسه بس متعبه فى القراءه فياريت نخفف احنا لسه شباب

ههههههههههههههههههههههههههههههههههه

المفروض يوميات جمعاويـــه .. بما ان الااخت مريم حفظاها.. مش كدا بردوا

مشكورـور ه على اللامسيـأـات بس انا زهقت من طولهــأ .

والله جميله تسلمى ولا طويله ولا حاجه وفى انتظار المزيد....

أخيييييييييييرا حد بل ريقي بكلمة كويسه
متشكريييييييييين جدا يا دكتور وبدل في ولو شخص واحد في المنتدى هيتابع أنا هكمل
وبرده شكرا للجميع على المرور

للـــــــــــــــــــــــــــــــــــــــــــــــــــــــــــــــــــــــــــــــــــــرفــــــــــــع

الى الامام يا اختى

تحياتى لكى

الجزء الثالث

كان صوت الصراخ يملؤ الحارة
منطلقا من حنجرة باتعة العوجانى تبكى فقيد الشباب الغالى ولدها
شهيد البانجو والبلطجة سيد استكنيص

كان سيد رمزا للأبن الصالح البار بأمه..ولكنه كان بار من نوع البار مان

...فقد كان رحمه الله سكرى وسبرتجى وأيده طويله على الحريم قبل
الرجالة...خاصة أمه السيده الفاضلة باتعة العكوانى...هى كمان
ماكنتش فاضلة أوى فقد كانت راقصة معتزلة...وكونها معتزلة ليس له أى
علاقة بالشيعة أو بواصل بن عطاء..ولكنها معتزلة بعد أن ألقى عليها
برعى عكننه أبو سيد ..زجاجة ماء نار أكلت نصف وجهها وتركتها أشبه
بأحدب نوتردام

برعى هو الآخر أخد جزاته وخد تأبيده...كل هذا تذكرته وانا نائم على
سريرى اللى تحت الشباك فى حجرتى الأرضية المطلة مباشرة على ذلك
الشارع الرئيسى فى حارة حسن حكانة...أخذت أسب وألعن تلك الحارة
السودا وتلك الجيرة المهببه التى أيقظتنى من نومتى المقدسة..حتى
ولو كان السبب هو موت سيد استكنيص..عدو البشرية رقم 1 فى حارتنا
المشئومة...تملك الغيظ من الأسد فأنتفضت من نومتى نفضة عصفور بلله
القطر ودفعت الشباك جاعلا أياه يصطك فى جدران البيت المتهالكه
صارخا فى باتعة عكننه أنتى ياست ياللى أسمك باتعة..قامت باتعة من
جلستها على الأرض فى موضع مقتل ابنها سيد وأقبلت على فى جلبيتها
السوداء المعفرة من المرمغة فى التراب وشعرها الأبيض الغجرى الثائر
وأقبلت نحوى كأقبال الموت..ثم أمسكت بتلابيبى كمن يقبض روح بنى أدم

ملقية بنصفى العلوى خارج الشباك صارخة...أنته بتكلمنى أنا
ياروح...هتفت فى هلع ياحاجة باتعة أنا كنت عايز أقولك بس البقاء لله
والبركة فيكى

البركة فى دين محمد ياخويا وبعدين أنا مش عايزه اسمع صوت حد من
الحارة الزفرة دى نوهائى

نوهائى..طب ليه كده بس يا مودام برعى

متجبليش سيرة الزفت ده وبعدين أنته يا حارة واطية ومعفنة الواد كده
ينضرب وسطيكوا وماحدش يرفع مطوه ولا سنجه يدافع بيها عنه

أصل ياحاجه أبنك كان يوميها شارب وحالته نيله واحنا برضه قولنا سيد
أدها وأدود

والله ياسيدنا الأفندى كانوا شوية عيال هفيه أكسف أوسخ أيدى وأمدها
عليهم بس هو لولا بس الكترة بتغلب الشجاعة..وبعدين انته ياض ياجعر

مش انته كنت سامعه وهو بيضرب ماطلعتش تحاميله ليه

يبرنسيسه انا دكتور...يعنى ماليش فى العراك

دكتور..يافرحتها بيك..يعنى انته لو طلعوا عليك حرميه يثبتوك
هتقولهم انا دكتور..ع العموم أنا مالياش صالح أنتوا ملزمين ترجعولى أبنى

لا إله إلا الله..ماتوحدى الله ياحاجه أبنك ماهو مات من تلت أيام

خلاص..أنا أخدك أنته بدل أبنى سيد وأتبناك

تاخدينى..تاخدينى فين ياست أنتى

أخدك تسرح بالبانجو بدالوا..أمال أنتوا عايزنى أنحرف

نعم يأختى تنحرفى..هو أنتى لسه هتنحرفى ..وبعدين أنا دكتور..يعنى ماليش فى الحاجاتى دى

ماهو ده عز الطلب..أنته نيو لوك ع المخبرين ومش هيعرفوك

أخذت تسحبنى من الشباك وتسحلنى فى الأرض وأنا أستغيث بنخوة أهل
الحارة..لكن بديعةالعكوانى ما ينفعش معاها نخوة ....منك لله ياسيد
يا أستكنيص مطرح ماغرت

كان معكم
جامعاوى الخطر

تما م اهو كده ولا بلاش ...جزء جزء كده علشان نركز...

مفيش قصه كدا عن صحابة الرسول صلى الله عليه وسلم ... وعن ورعهم وما إلى ذلك ...ومشكوره على الموضوع ....

حاضر يا باشمهندس
ومشكور لمرورك

» يوميات 2 مخطوبين(الجزء الاول)
» الجزء الثامن من يوميات راجل وست واحدة
» الجزء التاسع من يوميات راجل سعيد
» أتركووووو المنتدى فورا"......!!!!!!!!
» يوميات شاب مقضيها نت