حال التعليم فى مصر

بما ان انا دلوقتى فى منتدى الفضفضة الاجتماعية فقولت افضفض معاكوا شوية فى موضوع حال التعليم فى مصر .. والموضوع ان شاء الله هيكون انك تكتب تصورك فى ايه اللى هيصلح حال التعليم فى مصر ونكون مثلا ياعم مثلا يعنى زى اليابان ولا زى الصين ولا ماليزيا حتى يعنى .. ايه بقى فكرتك اللى ماخطرتش على بال حد علشان نصلح حال التعليم فى مصر ... واللى هيقدم فكرة حلوة ياجماعه ممكن الادارة تشغله وزير التعليم هنا ..

والله المنحوس منحوس ..بس يعنى ممكن نزود الرقابه ونزود مجال الكمبيوتر ونسيبنا من العلم التقليدى ونتوسع مش لازم نجيب المشوار من اوله وسيبين التقدم, والعلم المعتمد على الحفظ وخلاص ولازم نكتر العملى وكده..

::: احنا بلد محدش بيدرس اللى بيحبه , ولا بيحب اللى بيدرسه , ولا بيشتغل باللى درسه .
بكل اسف هى دى الحقيقه المره .

:::التعليم نظام لا ينفصل عن باقى انظمه الدوله , مينفعش تكون الحاله الاقتصاديه فى الحضيض , نسبه البطاله 99.9 % , الناس نايمه فى الشوارع وغيره وغيره وغيره كتير , وفى الاخر نقول نطور التعليم , عشان التعليم يتطور لازم حاجات كتير قبله تتغير .

:::ده اى حد بينفع فى بلدنا دى وبيكون حاجه , اول حاجه بيعملها يجرى يحجز تذكره الطياره وطبعااا معروف على فين , وينزل من الطياره شريط احمر مكتوب عليه (تحيا مصر وكل سنه وانتو طيبين وابقوا قابلونى فى المشمش ان شاء الله ).

:::وعلى لااى اللى قالها (انا فاى والكل فى الباى باى ).

::: بس هخلينى متفاله , وحاول افكر فى حل , بس اعرف الاول لو اتعينت هقبض كام ؟ اه عشان موجعش دماغى وافكر وفى الاخر تدونى بمبمه .

يااااااااااااااه .. مش لو فكرة جلوة ممكن تخدم التعليم فى مصر اكيد هتكسبى كتير اوووووووووى .. لمجرد انك بس فكرت تحل مشكلة اعتقد هى مشكلة كل بيت فى مصر .. ممكن يكون التقدير مش من الناس بس اكيد هيكون من رب الناس .