تعريف الزواج

موضوع: تعريف الزواج الخميس مارس 19, 2009 11:59 am

ههههههههههههههه هبدا موضوعى بضحكه ..فغريبه هى الدنيا نرى الشاب اذا وصل ال25 ولم يتزوج يقول يا لهوى يانى يا اما .. والبنت بقى اول ما توصل الخمستاشر تمناشر سنه تبدا تقلب عيش وتشتغل مصيده وتشوف نصيبها فى اى كيس شيبسى وتبدا تجيب ورد وتقطعه والحاجات الهبله ديه وياسلام لو وصلت ال20 ولسه المحروس السيد فرغلى ابو العوضين حموده مدجش الباب وجال عاوز اخطب المحروسه يا نهار ابيض عليها هى وامها ويقلبوها ميتم والبت هتعنس وخد ياعياط .. وىىىىىىىى بعد ده كله بعد الجواز تلاقى مفيش شهر والصوت الواطى على وايه اعلى بستريو وكمان فى نغمات جديد ه طالعه يا منيل ويا محروس (رغم انه ممكن يكون اسمه مش فى حرف الميم ولا الحاء ولا السين بلاش الراء لظروف خاصه) وياسلام بقى نشسوف فى اول المرحله فى الخطوبه المحروس يتكلم وهى عامله الخجوله اللى عمرها ما نطقت ولسه ما اتفطمت ولسه بتتعلم الكلام وكل كلمه محسوبه بالورقه والقلم وهو بقى نازل بغبان وانطلق وتعالوا بقى نشوف فى اول شهرين من الجواز شبه كده وبعد شهرين هى بقى تتكلم وهو يسمع وبعدين يبدا يعمل نفسه مطنش وبعدين بقى خش على الست اشهر تلاقى ايه الاتنين بيتكلموا بس ايه الجيران هلى اللى بتسمع والناس تطبق عليهم المثل (بكره هنقعد ورا الحيطه ونسمع الزيطه) ولا الفسح بقى والنزه اللى كانت قبل الزواج وفى واحده بتسال جوزها فين ياراجل اللى انت كنت بتعمله فى الخطوبه والكلام الحلو اللىانت كنتت (فعل ماشى مبنى عل ىالغم اليومى) بتقوله .فقالها يا وليه فى صياد بعد ما يصطاد السمكه بياكلها .هههههههههه

وديه بعض المصطلحات اللى لقيتها فى موضوع ..وهى مصطلحات كتيره ممكن ناخد منها متوسط ونعرفه بانه الزواج:

-
رجل بملابس الخروج يروح ويغدو داخل البيت ناظراً الى ساعته.. وامرأة أمام مرآة الزينة ترسم حواجبها
2-
امرأة لا تعلم انه يطلق عليها بين اصدقائه اسم: المجنونة.. ورجل لا يعلم أن اسمه السرّي بين صديقاتها: المنيّل
3-
رجل يصيح بسبب زرار مقطوع، وامرأة تلعن العيشة لأنها لا تجد زراراً من نفس النوع
4-
رجل يقرأ فى الفراش.. وامرأة لا تستطيع أن تنام بسبب النور
5-
رجل من المُعتقَد أنه خائن.. وامرأة تبحث عن دليل على خيانتهِ
*******
6-
رجل لا يتذكر عيد ميلادها.. وامرأة تبكى في بيت أمها
7-
رجل يقوم طول النهار بجمع الفلوس في محفظته.. وامرأة تتسلّل ليلاً الى المحفظة
8-
رجل يحلف.. وامرأة لا تصدقه
9-
امرأة تتكلم طول الوقت.. ورجل يتظاهر بالإنصات طول الوقت
10-
رجل يناقشها.. وامرأة تناقشه.. والجيران يسمعون

يقال المتزوج اللى يخربيت اللى اتجوز وما نصحنيش واللى هيتجوز وما سالنيش
بقولكم ايه ده كله هزار علشان مش ناقصين مصايب .انا بصراحه ما اتجوزتش علشان احكيلكم واوعدكم لما ابقى اتجوز ان شاء الله مش هحكيلكم علشان ديه اسرار وسولامو عليكو دلوقتى كده .

موضوع: رد: تعريف الزواج الخميس مارس 19, 2009 3:55 pm

هههههههههههههههه

متشكرين يا دكتور
انا مش هعلق على اى حاجه عشان ده هزار

موضوع: رد: تعريف الزواج السبت مارس 21, 2009 10:44 pm

والله على اد ما هو بيضحك
بس بيحزن اكتر ما بيضحك
نفسى اعرف ليه اى اتنين قبل الجواز حاجه وبعد الجواز على النقيض
او ع الاقل مش زى قبل الجواز
يعنى بتبقى عيشه والسلام
مع ان المفروض انه بعد الجواز يكونوا احسن
نفسى اشوف اتنين متجوزين فى سعاده مع بعض زى اتنين لسه مخطوبين

موضوع: رد: تعريف الزواج السبت مارس 21, 2009 10:55 pm

شكرا يا عبد الرحمن على الموضوع ... بالنسبه للأزواج قبل وبعد الزواج .. فدا بيتوقف على مدى تدين كلا منهما ... هو بالفعل الكل بيغلط وبيحدث منه اخطاء وبتحصل مشاكل . بس فى الاخر اللى بيمشى على السنه مع زوجته او زوجه هو اللى بيكمل و بيعيش عيشه هنيئه ...

مشكور يا جماعه كل اللى رد بس على فكره فى كتير جدا سعداء بالجواز بس للاسف احنا مش بنشفهم الاوهم زعلانين او لما بيطرحوا مشاكلهم علينا لكن الوقت الباقى ده كله اكيد طبعا سعداء والطبيعى ان الواحد لما يبقى كويس مش بيحكى لكن لما بيحصله مشكله بيحكى وده الواقع فبيتهيالنا ان الدنيا كلها مشاكل بعد الجواز.. الاللى شايف وناوى كده وربنا يستر دايما ان شاء الله ويفتح السرور على بيوت المسلمين..

» المراه قبل وبعد الزواج(محدش يزعل)
» العروسة الصينية.. هل تصبح الحل لأزمة الزواج في مصر
» علاقة الرجل باهله بعد الزواج وعلاقة الزوجة باهل الزوج