يلا نعمل حاجة مفيدة

بسم الله الرحمن الرحيم

عاوزين نعمل حاجة مفيدة هنا ياجماعه ... فكرنا قلنا نعمل ايه يعنى ؟؟؟

لقيت مافيش احسن من فكرة ان احنا نحفظ قران ولو على الاقل حتى منهجنا

طبعا ربنا يكرم طبعا الناس اللى حافظين القران احس ان الموضوع دا بالنسبه ليهم لعب عيال بس اللى ادانا يديكوا ياسيدى وربنا يكرمنا يارب ونحفظ القران زيكوا .

انا دلوقتى بكلم الناس اللى زيى اللى مش حافظين القران او مش مراجعينه ..ومنهجنا السنه دى من اول سورة العنكبوت الى تقريبا سورة الاسراء ..

مش هنتفق طبعا على حاجة دلوقتى الا لما اشوف بس حد مستعد للفكرة ولا لأ

ولا يمكن كل اللى فى المنتدى يكونوا حافظين القران وانا بس الغريب هنا ..

الله اعلم مش هخمن دلوقتى بس ياريت نلاقى فى تفاعل علشان نعمل حاجة مفيدة فى الاجازة دى ان شاء الله ..

فكرة حلوة ولو اني منهجي بس سورة النساء ونص ال عمران
لاني طبعا مش ف كلية
بس انا الحمدلله خاتماه بس ياريت والله نراجعه مع بعض لاني بجد نفسي اخدها بجدية
واختمه كذا مرة خصوصا ان كمان دي فرصة لان رمضان جاي
ودي فكرة ممتازة
وانا بحيي حضرتك عليها

جزاكى الله خيرا .. الفكرة ان احنا نبدأ بس مش شرط منهج معين .. وان كان ممكن برضه كل واحد يحفظ ويراجع فى منهجه عادى ولكن ياريت نبدأ بس .

الفكرة حلوة
والله كنت هقترحها
علشان عندي مشكلة في حفظ القرآن وياريت نساعد بعض
والافضل ان يكون نفس المنهج يعني ياريت الاقي حد عنده نفس منهجي
وهو من اول سورة الجاثية الي نهاية الروم
وأكيد حضرتك هنا مش غريب لوحدك
ويا ريت التفاصيل بسرعة

ان شاء الله انا بقترح للى حفظ القران انه يراجعه واللى ماحفظش يقرأه ويحفظ بعضه واللى لسه بيحفظ انه يكمل لحد ما يقدر ...

وانوه بأن قراءة القرءان مهمه جدا ... وان شاء الله انا ناوى اراجعه وهاضع خطه بذلك و ربنا يسهل

طب طنشتوا الموضوع ليه

ولا محدش عايز يساعد؟؟؟؟؟

لا مطنشناش ولا حاجة ... الكلام دا عن نفسى يعنى الله اعلم الجماعة ناويين على ايه .
بس مش عارفين نبدأ الموضوع دا منين ... من الاخر عاوزين واحد يمسك المشروع دا ..

مشروع جميل اوى لان دايما بننسي اننا نحفظ ونيجى قبل الامتحان ونحاول نحفظ بسرعه ونراجع

انا معاكوا طبعا وياريت يبقي من الترم الاول

ياريت نبدأ فعلا .. بس زى ماقلت الموضوع دا عاوز واحد يمسكه
مين يكسب فينا ثواب ويتوكل على الله ..
جزاكى الله خيرا على المرور والمشاركة

كويس يا مهدى الفكرة بس الى ينفذ وانا ان كان عليا الحمد الله بدات وربنا يكرم الجميع وربنا يوفقنا اجمعين

والله فعلا عندك حق الفكرة حلوة ولكن اللى ينفذ ..
وانا بصراحة لسه ماشوفتش حد عاوز يمسك الموضوع دا ...
جزاك الله خيرا يااسلام باشا على المرور والمشاركة
وسلامة دراعك انا سمعت انه اتعور ....يارب يكون خير

طبعا انت تعرف قدايه يا مهدى تمكنى من المنهج بتاعنا هههه

وبتاع السنه اللى فاتت

واللى جايه

والله انا اصعب موقف شوفته فى حياتى هو يوم القران بتاع السنادى

بجد انا عمرى ما توقعت ان ابدا يحصلى كده

انا مش كنت حافظ

بس ممكن يكون انا نجحت عشان كنت بحاول

دخلت الامتحان ولا حاجه عارفها

بفضل الله انا منمتش يوميها وكنت بقول لازم اقرا المنهج كله

حتى واحد صحبى كان بيقولى خطتك ايه قولتله افهم مش احفظ عشان اعرف اكتب

بس ده قران عارف عارف مش عارف مش ينفع انك تالف..

حتى الدكتور قالى وحذرنى وانا وعدته انى هحفظ السنه الجايه فى الاجازه

انا كنت فى الجنه بقول ربنا يسامح اللى دخلنى اازهر مكنت اتنيلت وكملت فى الهم الى انا فيه..

فكره رائعه يامهدى.

المهم التنفيذ ياعبد الرحمن
جزاك الله خيرا على التشجيع دا

ياعم مهدى انت قشر بس وانت اكل انت فى ايه ..

والله ياجماعه الكلام كله حلو وعشرة على عشرة ..
بس هل فى حد هنا عنده تصور ازاى نمشى الموضوع دا ..
ولا هنقف عند مرحلة الفكرة وان الله يحب المحسنين
ومتشكر طبعا ياعبد الرحمن
على الاهتمام ..

ان شاء الله هحاول افكر فى تصور ازاى نمشى وربنا وحده المستعان

يارب توصل لحاجة ياانس ...
بصراحة يبقى ان شاء الله فى ميزان حسناتك

بس ادعيلى وحيبقى فى ميزان حسناتك ايضا

ان شاء الله ..
ربنا يوفقك ويوفقنا ويوفق جميع المسلمين الى مايحب ويرضى

ان كنت حقول كلام اتقال قبل كده فى قسم الكليات الأدبيه فى موضوع وصفه مجربه وياريت نمشى على النظام اللى في الموضوع دا مش مهم نحفظ قد ايه بس نبدأ

» مواقع دينية مفيدة وهامة جدا
» مجدى حسين: نعمل على تأسيس دولة مدنية بمرجعية إسلامية
» الحسين بن على بن أبى طالب اعرف عنه كل حاجة
» الحسن بن علي بن أبي طالب اعرف عنه كل حاجة
» للى عاوز يعمل اى حاجة لغزة