كل واحد فى دماغه حاجات كتير عاوز يعملها

يا ناس فى موضوع ياريت كلنا نتشارك فيه
خلاص رمضان كلها ساعات
كل سنة وانتم طيبين
ياترى جهزنا نفسنا ازاى؟؟؟؟؟
صيام....صلاة....تراويح....قيام....ختم القرآن....افطار صائمين....
أكيد كل ده ان شاء الله
عايزين نعمل حاجة جديدة تقربنا أكتر من ربنا
ممكن تفكروا هنعمل ايه؟؟؟؟؟؟؟؟؟
حبيت أعرف أرائكم عشان طبعا كل واحد فى دماغه حاجات كتير عاوز يعملها
فياريت نجمع الأراء عشان كلنا نساعد ونشجع بعض
مستنية مشاركاتكم
يارب ماكونش ضايقت حد
ورمضان كريم

أبدأ بنفسى
أنا فكرت أركز فى الشهر ده على صلة الرحم بأى طريقة سواء زيارات أو تليفونات أوعزايم أو حتى رسايل موبايل
وان شاء الله مش هسمع أغانى
وهحاول متابعش حاجات كتير للتليفزيون والريسيفر
ربنا يقدرنا جميعا على طاعته وحسن عبادته

يعنى ممكن نحاول مش نقرا قران بس لا.. نحفظ كمان فى رمضان ونراجع ....
كمان ممكن نقرب من المساجد اللى الواحد بقاله 20 سنه عايش يعنى مايقارب 8000 يوم او اقل بقليل ومافكرش انه يحاول حتى انه يواظب فى المسجد اربعين يوم ولا يسيب تكبيرة احرام ...
اتمنى طبعا ان يكون رمضان السنه دى ان شاء الله احسن من اى سنه عدت عليا ومش بتمنى بس .. بدعى ربنا كمان انه يوفقنا اننا نستفيد باكبر قدر ممكن من الوقت فى حاجات مفيدة لينا فى اخرتنا ...
لعله يكون اخر رمضان يمر على اى حد فينا ..
كلنا الحمد لله موجودين دلوقتى .. الله اعلم مين هيكمل الشهر ومين مش هيكون موجود السنه اللى جاية ..

واخيرا .. جزاكى الله خيرا على الموضوع دا

شكرا على المساهمة
وأتمنى ان رمضان ده يكون أحسن لكل المسلمين
هدعيلك ربنا يوفقك وتستفيد بأكبر قدر ممكن

واللة فكرة كويسة جدا ودعوة للرجوع الى اللة سبحانة وتعالى بس ياريت سيادة المدير يرسل لجميع اعضاء المنتدى رسالة يذكرهم برمضان وما فى رمضان من اشياء عظيمة قد نسهو عنها جميعا ودة رجاء منى لسيادة سعادة مدير المنتدى المفدى حفظة اللة ورعاة

وأنا كمان بحط رجائى على رجائك لسيادة مدير المنتدى
بس حضرتك مقولتش ناوى تعمل ايه؟؟
أكيد هتفكرنا بحاجة ممكن تكون مش فى بالنا

السلام عليكم ورحمة الله وبركاته

طبعا انا مع حضرتك ان فيه حاجات كتير ممكن الواحد يعملها في شهر رمضان واقل حاجة ممكن الواحد يعملها هي :
* المحافظة علي الصلوات الخمس في جماعة لا تفوته تكبيرة الاحرام وان استطعت في الصف الأول
*المحافظة علي السنن الراتبة
*صلاة التراويح وصلاة ما شاء الله لك ان تصلي قبل صلة الفجر وصلاة الضحي ( صلاة الأوابين )
*جعل لك يوميا صدقة مهما تكون تلك الصدقة
*المحافظة علي الأذكار الوارده عن النبي صلي الله عليه وسلم
*كثرة الاستغفار وخاصة في وقت السحر (وبالأسحار هم يستغفرون
*الحرص علي ختم القرآن مرة واحدة علي الأقل
* الاعتكاف في المسجد في العشر الأواخر
* غض البصر
* ادخال السرور علي الاهل والاقارب
ضبط اللسان علي قول الصدق والخير والكف عن الغيبة *

واشياء اخري كثيرة

ووفقنا الله جميعا لعمل الصالحات وجعلنا من الفائزين

.

جزاك الله كل خير
شكرا لكلام حضرتك
ووفقنا الله جميعا لما يحبه ويرضاه

انا الصراحة لسة مقررتش اعمل اية لان انا عملت خلاص وبدات انفذ المشروع بتاعى الا وهو مشروع رمضان والمشروع هو تجارة مع ربنا كل ما تعمل اكتر تاخد حسنات اكتر ..............والمشروع دة كويس جدا جدا

طاب ممكن نشترك معاك يا جرير

لازم تدفع رسوم الاشتراك الاول ياعم احمد مشع علشان انت صديق تبقى كوسة لالالالالالالالالالالالالالا خالص الكل واحد فى المنتدى

ماشى يا باشا اللى انتا تؤمر بيه

ما شاء الله الموضوع بئا بيزنس

بعد ما كان قصدى باب للخير

"ماتنسوش العمولة بتاعتى"

رمضان وصل شكرا على لاموضوع

» حاجات حلوة
» رمضان فاضل فيه كتير
» لو عاوز تبقى غلس زى اعمل كده.........
» لو عاوز تشتغل نفسك
» لو عاوز تضايق المشرفين.....