ممكن تفتح لينا قلبك؟ ممكن ولا لا ؟

بصوا بقى يا جماعه مش بعد م اكتب الموضوع القى الرد ,شكرا ,موضوعك جميل,هنرد بعدين ان شاء الله ,والكلام ده ,انا عندى متردوش احسن .
[b]بما اننا اخوات يبقى لازم نتعرف على بعض اكتر , ومنحولش نزعل بعض ,وعشان نوصل لده لازم نعرف بعض اكتر,كل اللى عوزاه منكم ان كل واحد يحاول يرد على كام سؤال من الاسئله دى بشرط لا يقل عن 5 اسئله وطبعا كل ما كانت الاسئله اكتر يكون احسن ,ومش عاوزه هزار فى الرد ,وعاوزه تنظيم يعنى كل سؤال ليه رقم ,يبقى نكتب الرقم وجنبه الحل,مش نحل سبهلالاا.
فى ظروف جددت ممكن تخلينى اغيب عن المنتدى فتره,عشان كده عاوزه اسيب ليكى حاجه عليها القيمه.
.................................................................................
1-ايه افضل 5 حاجات فيك؟ومش عاوزه حد يقول اصلى مفياش حاجه عدله ,لا كل واحد مننا فى حاجات كويسه عاوزين بقى احسن خمسه الاحسن فالاحسن يعنى بالترتيب.
2-ايه اسوء 5 حاجات فيك؟الاسوء فالاسوء بالترتيب.
3-ايه اكتر مشكله نفسيه عندك؟ومحدش يقولى ده الدنيا ربيع والجو بديع وانا فل الفل ومعنديش مشاكل ,انا مثلا اعرف ناس مشكلتهم انهم فاكرين ان كل الناس ملايكه وبتعاملوا معاهم كده فبتحصل مشاكل ,اهو ده نموذج.
4-كل واحد هنا فى المنتدى مختار اسم ,اما حقيقى او مستعار,طيب لو مستعار ممكن نعرف معناه واخترته ليه؟ولو حقيقى ممكن نعرف ليه مخترتش اسم مستعار؟
5-ليه اخترت الصوره دى بالذات؟وحططها تحت اسمك.
6-ايه اكتر 3 الوان بتحبها بالترتيب.
7-ايه اكتر حاجه ممكن تضايقك عموما من الناس ؟
8-ايه اكتر حاجه ممكن تضايقك من عضو معاك فى المنتدى؟
9-ايه هى صفات الرجل المثالى؟
10-ايه صفات البنت المثاليه؟
11-تحب تتعامل مع شخصيه جد ولا هزار؟
12-اكتر 5 صفات بتحب تكون موجوده فى الناس اللى بتعملهم ؟
13-مين اسوتك فى الحياه بعد الرسول صلى الله عليه وسلم والصحابه؟
14-ليك اصدقاء,وطبعا لازم تكون عارف الفرق بين الصديق والزميل ,الصديق ده يعنى توام روحك ,اما الزميل شخص عادى سلامو عليكو وعليكو مالسلام ,وعددهم كام ؟
15-ايه احلامك واهدافك اللى لو وصلت لها تبقى مش عاوز حاجه تانى من الدنيا.
16-تفتكر لما ربنا يسالك عن عمرك-شبابك-فلوسك هتقول ايه؟


له باقى ان شاء الله :o

17-ايه اكتر رقم بتحبه؟وايه اكتر يوم من ايام الاسبوع بتحبه؟
18-ايه اكتر اسم بنت بيعجبك( ويكون دينى) -اسم بنت( مش دينى) ,مش شرط ان حد يعجب باسم عشان شخصيه معينه وانما لان الاسم عاجبه.
19-ايه اكتر اسم ولد بيعجبك ويكون دينى -اسم ولد مش دينى .
20-ايه اجمل شىء فى الحياه؟
21-ايه اسوء شىء فى الحياه؟
22-ايه اكتر طائر او حيوان بيعجبك؟
23-لو رشحت نفسك للانتخبات وقالوا ليك اختار رمز يعبر عن شخصيتك ,تختار رمز ايه؟
24-ايه اهم القيم والمبادء التى تؤمن بها؟
25-امتى الوحد مننا يتنازل عن جزء من كرامته ؟
26-بصراحه ومن غير تجميل ولا نفاق ,المنتدى ده بيمثل ليك ايه؟
27-ممكن تقول لينا مين هو (....اسمك....) فى كام جمله ؟
28-لو اتولدت من جديد ,يا ترى كنت تختار تكون ايه ؟انسان ولا طائر ولا نبات ,اسمك ايه ,بلدك ايه ,كده يعنى .
29-مين اكتر شخص بتحبه فى الدنيا دى كلها ؟
30-ممكن تضحى بحياتك واسرتك وشغلك وكل حاجه فى سبيل مبدء انتا مؤمن بيه ؟

له باقى ان شاء الله

بصوا عاوزه ادام كل كلمه من الكلمات دى كلمه (واحده بس ) تشمل معناها من وجه نظرك ,او بكتيره اوى كلمتين ,مش عاوزه ادام الكلمه قصه ها
1-الحياه.........
2-الموت.......
3-النجاح......
4-الفشل......
5-الحريه......
6-المال.......
7-الاسره.....
8-الاصدقاء.....
9-الديموقراطيه.....
10-الشهره.....
11-اليأس.....
12-الغرور......
13-الخيانه......
14-الدين......
15-العلم00000
16-المبادىء.....
17-العقل......
18-القلب.....
19-السعاده....
20-القمه......

اهو ده اللى فى دماغى دلوقتى ,هبقى اجيب اساله تانى ان شاء الله بس لما نشوف حد هيجاوب ولا شكرا موضوعك حلو ونخلع .
على فكره اسلوبى فى الكتابه انتا وانتا ,ده على سبيل التغليب ,البنات على دماغى دول قبل الولاد ,لكن انا بحب اتبع اسلوب القران الكريم .
انا مليش فى التحليل النفسى ,مع انى كنت نفسى اتخصص فى حاجه زى كده ,بس اجابه الاسئله دى انشاء الله اكيد هتعرفنا ببعض اكتر.
لوجه الله عاوزه اجابات عدله حتى لو على 5 اسئله بس .

بس اسبوعين قليل شويه خليهم سنتين احسن على اقل اقل من مهلك

فعلاا دة الواحد قعد ربع ساعة لما قراء الاسئلة
فى الااجازة ان شاء الله نرد على الموضوع المتميز
بس مش عارف اللى هيجاوب هيجاوب بصدق ولاا اية..؟

لو الاجابه مش بصدق ,يبقى الموضوع ملهوش اى لزمه

وبعدين من الواضح انكم بتعملوا بنصيحتى على الاخر

يا جماعه والله فى اسئله سهله جدااااا مش عارفه فى ايه

اوكى بعد 3 سنين .... بالمره اكون خلصت دراستى .... وفضيت للكلام ده ....

بردوا المواضيع الطويلة
معندناش وقت يامهدى

والله هو بجد موضوع جميل جدا ولو انت اللى عملت فكرته اقولك انت بجد عبقريه وفكره جميله :

انا هقول اللى فى قلبى بس محدش يضحك لانه لو ضحك مش هيعرف انا هعمل ايه , بس هى فكره حلوه ان كل اللى فى المنتدى يعرف شخصية التانى بس انا طبعا معاكى انها بالنسبه للبنات هتكون كويسه شويه انهم يردوا ومنصحش بنت انها تكتب رد الا فى حاجات عامه اوى اوكى:::

1_ اكتر خمس حاجات فى انا يعنى ممكن اكون بحب الضحك شويه و ممكن اتصالح بسرعه حتى لو انا مش غلطان و لو حطيت حاجه فى دماغى بجبها (احيانا) ولما بغلط بعترف بغلطى واحاول اصلحه و حاجه خامسه تسمحولى احتفظ بيها لنفسى لانى مش ينفع اقولها على الملا.


2_ممكن اكون انى اتعصب بسرعه وباخد 95 من الامور بهزار و من كتر الهزار احيانا محدش بيصدقنى وبيجى الجد الكل يفتكرنى بهزر ومقصر فى العباده شويه لا لا لا ه كتير (ربنا يهدينى) احيانا بحس انى انانى بس صدقونى فى حاجات حلوه و(بجد دول عيوبى وبحاول اصلح منهم بس بالنسبه لهزار اجى اقول لنفسى انا اليوم مش ههزر وهقول كل كلام صدق اجى الاقى نفسى مفيش دقيقه واحد قابلنى اقعد اضحك وتقلب لهزار وبعد كده طبعا ارجع لنفس الماساه)...

3_مشكلتى النفسيه بصراحه ان اى حد يتريق على( على الرغم انى بتريق كتير) بدون سبب او يعلقلى على كلمه مره واتنينن وتلاته يعنى مثلا يحصل منى موقف مخجل وكل شويه الاقى نفس الشخص يقولى ( كذا وكذا) يعنى بحب اهزر فى الحاضر ومحبش اهزر فى الماضى او حد يمسك لى على الماضى ( انا حاسس انى مش عارف اعبر) او حد يقول فى حاجه وحشه فى هى مش فى لكن لو فى يا اهلا وسهلا ومش شرط انه يقول دا لو انا حتى شاكك انه فى دماغه حاجه ..


3_هو اسمى اللى فى المنتدى هو الاسم الحقيقى طبعا وبصرراحه ده احسن اسم مستعار وحقيقى عندى .. ولو فكرت فى اسم مستعار هسميه ( هههه) اربعه هاء فقط ....

4_ ديه صورتى وحطيتها علشان محبش اعتز بحد غيرى وزى ما غيرى فى مميزات وعيوب انا فى مميزات وعيوب يبقى احنا متساويين يعنى لو عالم مثلا وكده انا بردو مش عالم بس واثق ان عندى حاجه احسن منه خدها منه علمه..


6_ الروز و ( الاخضر الغامق + الاصفر) ..


7_انهم كتير اوى مش بيعزروا وكل واحد عاوز اللى حواليه يبقى مثالى وديه الناس المحترمه واللى مش كده عاوز الناس كلها تبقى متشرده ومش عارف حد بيحب التوسط اوى .. وفى ناس تحس انهم مش بيقدروا شعور حد .. وبيحكموا على الشخصيه من خلال الكليه والمجال والمكانه اللى هو فيه لكن والله مش كده ابدا يعنى مثلا والله انا شايف ناس احسن منى بمراحل واخلاق وكده ورغم ذلم مكانهم تحت وفى ناس غير كده وتلاقيهم فوق او هيبقوا حاجه .. ( يعنى مثلا انا فى كليه طب _ كليه المظاليم واللى الناس مفكره انها كل حاجه وان اللى دخل الطب ده هو المثل الاعلى _ واكتر حاجه بتضايقنى لما اشوف ناس فى كليه غير ديه وهم بجد افضل منى بكتير وازاى الدنيا اللى تخلينى انا هنا وهو تحت كده رغم ان الصح ولا اعتراض على حكم الله انه يكون هو اللى فوق وفى المكان ده مش انا ....

والناس كمان ساعات الواحد يقول كلمه بحسن نيه وتلاقى كل واحد يفسرها على مزاجه ويطلعك فى الاخر غلطان رغم انى والله ما بقصد مثلا او اقصد هزار او كده ..



8_ اكتر حاجه ممكن تضايقنى من عضو انه يعلقلى على حرف فى كلمه انا قلتها بحسن نيه لكن لو بهزار عادى ... او مثلا اجى اكتب موضوع الاقيه بكل ذوق داخل يقولى موضوعك مش هادف ومش كويس وده طبعا على اساس انه مش بيشوف غير الموضيع الوحشه بتاعتى وانى مش ليه موضيع حلوه..



9_ صفات الرجل المثالى الخصهم فى _

يتق الله دنيا ودين ___ يجتهد ويخلص _____ لا يهمه قول الناس مع انه يراعى شعور كافة الناس بكل السبل.



10_صفات البنت المثاليه::

طبعا لو متفوقه فى دراستها ديه تبقى حاجه زياده وتحسب لها كمان فوق صفات البنت اصلا__
انها تكون محترمه ومحترمه يعنى محترمه والكل فاهم طبعا انا مش بكتب جرنال وتكون عارفه ربنا بمعنى انها عارفاه مش بتصلى الخمس وكل سنه وهى طيبه و ترحم 3 من كلام الناس وعذاب ربنا ( زوجها واخوها وابوها) ويكون ليها قلب يعنى لما تحب شخص تخلص له وتوفيله واهم ودايما تشوف كل كلمه طالعه من بقها رايحه فين ولمين وبعد ما يسمعا الشخص ده هيقول عنها ايه ولو بصوره عكسيه __ وانها تواكب المجتمع بس مش تعمل اخطاء كبيره تحت رعاية وتحت حجه مواكبة المجتمع __ وتكون قليلة الكلام بمعنى انها لازم تمتاز بالرزانه الا قدام ناس معينه ( ابوها مش عارف ايه كده يعنى) __ مش هقول مش تعمل غلط بس لو عملت تتعلم منه لان كلنا بنغلط وبشر __ وكنت قلت انها ممكن تبقى قليله الكلام بس ممكن تتكلم مع مليون راجل وهو واثقه من نفسها ومش تتكلم الا الكلام اللى مش يخلى اللى قدمها يطمع فيها او ياخد عنها فكره وحشه .



11_ اموت اوى فى التعامل مع الشخصيات الجد لانى على طبيعتى مش جد اوى واحب اتعلم منهم __بس ده بفضله فى الدراسه او السكن الدراسى لكن فى الطبيعه بحب الشخصياتن المرحه القابله للهزار بس بحدود...


12_ اكتر خمس صفات فى الناس اللى بعاملهم :

انه يكون عارف ربنا _ ويكون نيته حلوه _ ويكون برى وساعتها انا هكون اكتر براءه منه __ ويكون عنده مبدا وقواعد اساسيه ماشى عليها__ يكون مخه كبير



13_ فى شخصيات كتر قدى واصغر واكبر منى فى المجتمع اسوتى ومش شرط انه يكون مشهور وخد نوبل وكده __ لاه كل واحد فى صفه احسن منى بعتبره اسوه لى واحيانا بغار منه علشان الصفه ديه..


14_ الصديق هو اتنين وفى واحد تالت بتمنى انه يكون صديق وكان نفسى اسكن معاه مدينه السنادى بس للاسف هو سكن وخدوا الواسطه وانا طلعت على حساب ناس تانيه بس الحمد لله _ بجد بس بحسد نفسى على التلاته لانهم شخصيات احسن منى بكتير وبينى وبينهم فارق كبير بجد لو قعدت احكى مش هقول فيهم حاجه وانا بالنسبه ليهم صفر على الشمال.. والزميل زى ما تقولى كتير الحمد لله لانى الى حد ما اجتماعى بس مع الولاد فقط.


15_ انا على طول وفى الثانوى كنت بقول حلمى انى ادخل هندسه وابقى مهندس ناجح واسافر دوله خارجيه ويبقى معاى فلوس وادى الناس اللى مش معاها واعين لنفسى شويه واكون شخصيه مثاليه الناس كلها تحكى عنها__ بس للاسف علشان انا مش دخلت هندسه سيبت كل الحاجات ديه ومن ساعت لما دخلت الكليه وانا اهدافى كلها بقت فى الارض وان شاء الله هيجى اليوم اللى تبقى فيه فوق بس مستنى لما تيجى الفرصه لكن حاليا انا بلا هدف حقيقى..


16_ ياااااااااااااااااه بجد مش عارف لان ذنوبى كترت ومش هعرف هرد هقول ايه .. هقول انت يا رب اديتنى وانا عملت فيها فرعون ولا ايه ولا ايه ....... ربنا يلطف بينا احنا فى مازق..



17_ اكتر رقم 81 لانه دايما ملازمنى وغالبا 8 علشان كده انا حبيته .. واكتر يوم فى الاسبوع الخميس .



18_ اسم بنت ( ممكن بجد احتفظ بيه مش لنفسى هو فى ناس تعرفه كتير ومش ينفع اقوله ...).


19_ محمد__ عبد الرحمن __ باسم ( صاحبى اللى كان نفسى اسكن معاه فى المدينه) .


20_ انك تلاقى حد تحبه بجد

21_ ان الشخص اللى انت بتحبه تلاقيه فجاه وهم وخيال وتصحى من حلم انه مكنش بيحبك هههههههه


22_ القطه بجد لو انا اتمنى انى اعيش فى بيت كله قطط بجميع الانواع مش عارف له بس بجد بموت فى اى حاجه اسمها قطه __ انا مش عاوز حد يضحك على بس ان شاء الله لما يجى الوقت لازم بجد بجد يكون عندى قطه وبحس انها كائن رقيق جدا واللى فى قلبه على لسانه وانه بجد بيبادلك نفس الشعور وسهل انك تتعامل معاه وكائن لطيف كده ولو كان فى قطه امراه ما ترددت فى زواجها بس للاسف .. وانى مش البيت كله يبقى قطط ديه كنايه على انى بحب القطط بس لو قطه واحده وتكون عجبانى وبخلصلها فى انها مش تبص لقط وتكون مش متجوزه ولا عندها عيال وتكون مش وراها حاجه غير انها تعيش حياتها عادى ومعلش محدش يضحك على بس اللى خلانى اقول كده انى وعدتكم انى هقول الصراحه..


23_ هختار رمز كده غريب محدش عارف ايه الرمز ده والناس كلها تقعد تسالنى ايه الرمز ده اقولهم مش عارف بس بجد لو اترشحت هيكون كده ..


24_ بؤمن بيها دينى .


25_ فى حاله الحب واعذرونى عن الكلمه .


26_ هو بجد كل حاجه يعنى مش عنت بدخل الا عليه وخاصه ...

27_ عبد الرحمن انا هقولكم وجهة نظرى فى :

انا شايف عبد الرحمن ده كائن حى عادى وبنى ادم ربنا خلقه وبيقولو ا وهو صغير عدى من موت محقق كتير اوى والبعض ليه اثر على حتى الان و شخصيه غريبه يعنى بيحب يضحك كتير ويهزر ورغم ذلك احيانا جد وبيقع كتير اوى فى مواقف صعبه من الحياه ورغم ذلك الحمد لله بيعدى بستر ربنا ودعا الوالدين وبيحب اوى التنافس مع الدنيا ( بس فى العلم لاه) يعنى بيفرح اوى لما يقع فى مازق وبيتعب لما يلاقى كل حاجه عماله تيجى بسهوله كده .. ولو ليهه حق عند حد مش بيهتم ياخده فى وقته والمهم انه هياخده لو على فراش الموت والو الدنيا كلها قدامه لو حصلت انه لو ليه حق فى الكيه لو هيتفصل ومش فى حل الا كله هيتفصل وياخده وميحبش ان حد يظلمه ..وعلى الرغم من انه بيتعصب ويزعل بسرعه الا انه بيرضى بسرعه جدا وميعرفش يكون مخاصم حد حتى لو يعتذرله وهو اللى مش غلطان بس ده اللى انا شايفه على فكره انا مش قلت عيوبى فى الفقره الاخيره , بس صدقونى كتيره اوى ..


28_ لو اتولدت كنت اتمنى انى اكون برو اسمى عبد الرحمن وبنفس الشخصيه مع الاقتناع بعيوبى وانها غلط فى وان كل انسان فيه عيوب بس اللى يحاول يصلح و كده يعنى بس كله ثابت..

29_اكتر شخص هو شخص احبه ويحبنى واخاف عليه زى ما يكون خايف على نفسى اجى فى الاخر اضحى بنفسى علشان هو يعيش وساعتها هكون فرحان اوى بس يكون هو عنده نفس الشعور والشخص بعد اذنكم مش اقدر اقول عليه بس انا بقول مش عارف بقى وخلاص...


30_ ايوه مبدا فى دماغى واضحى بنفسى كمان علشانه ومش هقوله ولو حد يهمه الامر اوى يسال بس مش ينفع اقوله على الملا ..


31_ حل الاسئله :

-الحياه......... اختبار
2-الموت.......انتهى الوقت
3-النجاح...... شى حققته وعجبك ومش مهم راى الناس
4-الفشل...... مبدا لا تجربه
5-الحريه...... راى
6-المال....... وسيله
7-الاسره..... جميله
8-الاصدقاء..... متعه
9-الديموقراطيه..... حريه ولو مع نفسك
10-الشهره..... بداية النهايه
11-اليأس..... مكتشفه فى نفسه شخص ايجابى
12-الغرور...... كبرياء
13-الخيانه......
14-الدين...... كل شى
15-العلم00000 معرفة الكون
16-المبادىء.....قواعد يسير عليها الانسان المحترم
17-العقل...... ليس هو المخ كما يظن البعض
18-القلب..... اموشن
19-السعاده.... متعة الروح
20-القمه...... ........

اشوف هستحق كام كده على فتحة القلب ديه .. واى بنى ادم هيتريق يمين بالله انا مش هحكى انا هعمل فيه ايه بلاش خليها مفاجاه ..

:::والله العظيم انا ما عارفه اشكركم ازاى (الدكتور محمد والدكتور عبد الرحمن ),بجد متشكره ليكم جداااا جدااااا لان الموضوع من ساعت ما اتكتب والاستهزاء نازل عليه الله ينور , وبجد انا اكتشفت حاجات كتيره فيكم من اجوبتكم ,طبعااا عرفت عن الدكتور عبد الرحمن اكتر ,مش الدكتور مهدى هااااا (ابقى كمل الاسئله )

:::وبعدين يا دكتور عبد الرحمن انتا شهدت لى شهاده عمر محد شهدها ,بقى انا عبقريه (يا سيدى الله يكرمك ) بصراحه انا بعشق حاجه اسمها التحليل النفسى ,وكنت ناويه فى الاجازه اشترى كتاب فى اسئله كده واكتبها للاعضاء عشان نحلل ونتعرف على بعض اكتر ,لكن فى المرات الاخيره فى الدردشه حصل (تنشنه) فقولت لا اكتب الاسئله بقى عشان محدش يزعل من التانى طبعااا سامحونى انا مش هعرف احلل الاسئله دى لانها من دماغى مش من كتاب او مرجع ,بس بجد انا اكتشفت فيكم حاجات كتيره.

:::على فكره يا دكتور عبد الرحمن ,انا عمرى ما اتريئت على حد (الا واحنا بنهزر بس ) يبقى عمرى ما هتريء عليك وانتا استئمنتنا وفتحت لينا قلبك ,وتعرف مع انى بكره حاجه اسمها قطط كره محدش يتوقعه لانهم عقدونى فى عيشتى ,بس والله والله عجبانى اوى اوى موضوع (بيت القطط ده ) نفسى اعرف احلل ده معناه ايه , بس للاسف مبعرفش .
10/10 يا دكتور عبد الرحمن

دكتور مهدى 7/10 عشان لسه فى اسئله متحلتش.
فين بقى البنات ان شاء الله
شكرررررررررررررراااااااااااااااااااااااااا بجد ليكم

يا سيدتى الفاضلة دة مش استهزاء ـــ
مش عارف انتى واخد الكلاام جد لية...؟
انا بقول الموضوع طويل مش وحشـ الموضوع زى الفل
وبعدين مادام احنا تجمعنا هنــأ
المفروض محدش ياخد الكلاام بحساسية لااننا اسرة مع بعضينــآ
وعلشان خاطركـ هقرأ مواضيعك اول واحدة هنـأ فى المنتدى
ولاا تزعلى نفسكـ من اى شىء الموضوع مش مستاهلـ

ايه افضل 5 حاجات فيك؟ ==> الطيبة ـ عزة النفسـ ـ الكرامة ـ الدهاء ــ الااحساس بالغير
-ايه اسوء 5 حاجات فيك؟==> الااستفزاز ـ طول اللسانـ ـ المكر ـ .... مش شايف غير كد
-ايه اكتر مشكله نفسيه عندك؟==> وحيد بمعنى لاا اجيد التعامل مع الناسـ
-ليه اخترت الصوره دى بالذات؟وحططها تحت اسمك. ==> الااحساس بالتشابه
ايه اكتر 3 الوان بتحبها بالترتيب.؟ ==> الااسود ــ السماوى ــ الااخضر
-ايه اكتر حاجه ممكن تضايقك عموما من الناس ؟==>الاادعاء الكذب
-ايه هى صفات الرجل المثالى؟==> دة للبناتـ،
ايه اكتر حاجه ممكن تضايقك من عضو معاك فى المنتدى؟==> انو يفهم الكلاام غلطـ ومش يعمل باللى بقول علية
-ايه صفات البنت المثاليه؟==> احترام الذات ـ المشاركة والتعاون ـ التدين اولاا واخيرا مش شرط نقاب او خلاافة لاادلاال على الااحترام والتدينـ
تحب تتعامل مع شخصيه جد ولا هزار؟==> جد طبعـأ الاا اذا كانت هناك مواضيع للهزار فهو مسموحـ على حسب الموقفـ
اكتر 5 صفات بتحب تكون موجوده فى الناس اللى بتعملهم ؟=> الااحترام ـ الثقة بالنفسـ ـ الطيبة ـالمشاركة ـالصبر
معلش دة اللى قدرت علية
نشوف النوع التانى
-الحياه......... امتحان
2-الموت....... الااخرة
3-النجاح...... التميز
4-الفشل...... معاودة المحاولة
5-الحريه...... عدم رقابة
6-المال....... الهمـ
7-الاسره..... النشآ
8-الاصدقاء..... روح الاخوة
9-الديموقراطيه..... التعاون
10-الشهره..... كثرة اللاالتزمات عليكـ
11-اليأس..... الفسل
12-الغرور...... التكبر
13-الخيانه...... النفاق
14-الدين...... الاالتزام
15-العلم000 المعرفة اساس القيمة
16-المبادىء.....الطريق لخوض الحياة
17-العقل...... الحكمة
18-القلب..... الااحساس
19-السعاده.... الفرحـ
20-القمه.. اذا وصلت الى القمة فدع بصماتك وغادر
شكراااااااااااااااا

طبعااا انا مليش فى التحليل النفسى ,بس ليا شويه ملاحظات على الاجوبه
اولا بالنسبه للدكتور مهدى:-
الاجابه الاول والثانيه :سامحنى مش اجابه ومفهمناش حاجه ,معلش حاول انك تعيد محاوله
الاجابه الثالثه:دى بقى بعته ولا ايه ؟
الاجابه السادسه :ازاى بتحب لونين عكس بعض (ابيض واسود )؟ انتا برج السرطان؟
11-اعتقد انك متفاهم جدااا مع الدكتور عبد الرحمن ,طيب ازاى وهو 80% منه هزار (طبعااا مش قصدى حاجه ربنا يخليكوا لبعض )

:::ليه شويه ملاحظات عليك يا ترى صح ولا غلط
انت واضح انك طيب بهدوء ودى مش مجامله بس انا حاسه بكده
قليل الكلام
مش بتحب تكسف حد
امين فى تعاملك مع الناس
....................................................................................
ثانيا legend
اكتر حاجه حلوه فيك _الدهاء_ ؟ ازاى ده معنى الدهاء المكر
::صوره مين دى اصلا ,وايه معنى الاسم , وايه وجه التشابه بينك وبين الصوره
::الحريه.....عدم رقابه ليه انتا حاسس بكده ,ليه ربط بين الانسان الحر وعدم الرقابه ,طيب مفى ناس بتتمتع بقدر من الحريه وهى اللى بتكون رقيبه على نفسها .
شكراااااااااااااا على الرد
بس انا لى ملاحظه عليك واتمنى انك تخدها باخوه
انتا مش بتعرف تعبر كويس عن اللى جواك بدليل انى افتكرتك بتستهزء بيا (الاحساس ده وصلنى اكتر من مره ) معلش حاول عيد حسباتك , وشكراااااااااااااااااا ليك جدااااااااااااااااااا
.................................................................................
ثالثا الدكتور عبد الرحمن
1-ليه مش قولت الحاجه الخامسه مع انها حاجه كويسه فيك
2-اول مره اعرف ان الهزار ماساه (امال يا ابنى لو عشت الكابه كنت قولت ايه ,هو اللى انا فيه ده من شويه )
3-كلامك واضح
4-الله على الاجابه الجامده دى ((بس واثق ان عندى حاجه احسن منه اخدها منه علمه ) تعرف جملتك دى خلتنى افكر فى حاجات تانيه مهمه ,فعلا العالم مش بيبقى معاه كل حاجه
15-بصراحه والله اجابه تحزن ,ايه مليش هدف دلوقتى , بص بكل اسف مفيش وقت اقنعك بس هقولك كلمتين ابرك من 15 (فى ناس كتير كانت تتمنى انها تكون مكانك -لازم تعيد حسباتك قبل فوات الاوان )
23-هههههههههههههههههههههههههههههههههههههههه طيب ازاى من الواضح انك بتحب جذب الانظار اوى
30-صعب اوى للدرجه دى متحاول تانى .
القلب .....اموشن يعنى ايه ؟
الفشل .....مبدا لا تجربه المفروض انه تجربه لا مبدا
القمه ......
الخيانه.....
فين الاجابه ؟
22-بص بقى بصراحه موضوع القطط ده جذب انتباهى اوى وحاولت اعرف دلالات ده بس مش وصلت غير لنتائج بسيطه
الاولى: الاحساس بالفراغ والوحده
الثانى:بيعوض الانسان عن خيانه صدرت من حد عزيز عليه , بيرجعله احساس الوفاء من تانى
الثالث: انا هقولك الجمله ذى ما قراتها بالضبط (((بحث عن حنان او مكان لتفريغ العاطفه)))
على العموم موقع هيفيدك لما تشترى قطه خد اهو http://www.as7apcool.com/vb/showthread.php?t=285703

من الواضح انك طيب بس بروشنه
تحب جلب الانظار اليك
عندك مشاكل كتير حلها فى ايدك انتا بس (عيد حسباتك )

ههههههههههههههههههههههههههههههههههههههههههههههههههههههههههههههههههههههههههه
حاضر يا بطوطوووووووووووووووووووووووووووووووووووووووووة

انا مختلف معاكى بدليل ان الدهاء مش هو هو المكر
وذللك لاان عمرو بن العص كان يتصف بالدهاء وليس المكر
ويمكرون ويمكر الله والله خير الماكرين المعنى مختلف تمام
يعنى الدهاء مشتق من الزكاء شوية
بينما المكر مشتق من الخداعـ
وبعدين انتى وضعتى الاسئلة وجوبنا عليها انتى هتعملينا س وج :roll:
لو شوفتى كلاامى هتلااقة كلو منطقى بس من وجهة نظرك مختلف معرفش لية..؟
انا والله موش بستهزأ بيكى ابدا
هو يمكن صحـ ما بعرف اعبر عن نفسى شوى
وبعدين ما فى زعل ان شاء الله كلونا اخواتــ هنا وصرحــأآ مع بعضٍ

:::بلاش بطوطوه دى احسن الجماعه يفتكرونى جايه من حظيره ولا حاجه
:::بالنسبه لموضوع الدهاء , لا بجد شاطر غلبتنى ,عندك حق
:roll: وبلاش والنبى البتاعه دى
ومفيش زعل ولا حاجه كلنا اخوات

أيــوه بــلاش بطــوطه دى ...

بسم الله الرحمن الرحيم
1-بصراحه الحلو اللى فيا 1%:- القناعه -الشخصيه القويه -الامانه-مهما عرفت عن حد مش بحاول انى افضحه او احرجه -صبوره لحد ما
2-كتيررررررررررر عصبيه -لسانى طويل لحد ما -متسلطه -ديكتاتوريه-كئيبه جدااااا (بس طيبه والله)
4-اسمى هو افضل اسم يعبر عنى
5-,انما الصوره لاينشتاين (بصراحه معجبه بالدماغ دى اوى اوى اوى ,مش عارفه ايه السبب ,بس يمكن لانه رفض انه يكون يبدع الا فى الحاجه اللى حبها ومستسلمش للواقع , معرفش بس بجد لو كنت ايامه كنت خليته اسلم باذن الله ,مش عارفه اقول عنه ايه ولا ايه )
6-الاسوددددددددددددددددددد (بلا منازع بحس انه بيقول كل اللى جوايا بحس بجد انه فاطمة )
البنى الغامق جدا- الكحلى (مبحبش عينى توقع على الوان غير دى )
7-الخيانه
8-حاجتين اتنين :الاولى انى اكون بتكلم مع حد هزار اوى وعلى الاخر وفجاه وبدون مقدمات الحد ده يقلب جد بتغاظ اوى
التانيه انى اتعب وادور فى النت وفى كتب واكتب موضوع وحد يتريء عليه بصراحه بزعل اوى
غير كده مش بزعل من حد
11-احب الشخصيه المتوسطه واللى تراعى الموقف (جد وقت الجد وهزار وقت الهزار) بس احب الشخصيه اللى يغلب عليها الجد
له باقى ان شاء الله

حاضرررررررررررررررررررررر يافطوووووووووومة كدا كويس :silent:
شخصيتك تدلل على الحزنـ والعصبية بس مع الطيبة دة كلوا يروووحأ

يـا ريـت يا جمـاعه لمـا حـد يكتـب صفـات الشخـص اللـى بيـحبـه مايجـبشى سيـرتـى ... لانـى شـايـف إن الـكل عمـال يكتـب عـنى .

13-بعد الرسول صلى الله عليه وسلم والصحابه والتابعين ......اينشتاين.......الاشعث الذى ابدع فيما احب .
14-زمايل كتير ,اصدقاء مليش خالص ,لسببين ,الاول مش لقى الدماغ اللى تستحق تصلح تكون صديقتى ,لانى من الشروط اللى حطاها فى صديقتى انها تكون صوره طبق الاصل من فاطمة.
17-رقم 9 ويوم الخميس عشان بيبقى بعده الجمعه والجمعه اجازه هيه هيه هيه
20-انك تلاقى حد فيه صفتين (يفهمك جداااااا+يعزك جدااااااا) ويكون انتا كمان فيك صفتين (تفهمه جداااااا+تعزه جداااااااا) طبعا الاخلاص يكون حاجه عندكم انتو الاتنين ,يا سلام لو الدنيا فيها حاجه كده .
21-الخيانه ................ الخيانه.................الخيانه................الخيانه.....الخيانه .
22-الاسد ...الاسد ....مره شوفت حتت اسد فى التلفزيون كان طالع تقريبا من نهر من بحيره حاجه كده ,وشعره منكوش ومبلول كان شكله فظيع فظيع ...
23-الصقر
24-الحريه.. المساواه..العدل ...
25-عشان حاجه بيعزها
26-بجد والله ومن غير نفاق المنتدى بيمثل لى حاجات كتير جداااا ,بجد حاسه انى لقيت حاجه كانت ضايعه منى ,انا النت ده شوفت منه الويل ,اول حاجه الايميلات والجو ده بعد فتره حسيت انى بعمل حاجه مش صح (طبعااااا عمرى ما قولت شىء حرام او عيب لكن مكنش ليه لزمه الايميلات والجو ده ) بعد كده سيبت الايميلات والشات والجو ده روحت منتدى (طبعااا عرفينه ) جالى اكتاب بحس انى حد مكتفنى ومسكلى عصايا ,اتخنئت ,بعد كده جيت هناااا قولت كل اللى فى نفسى وبعدين بحس انى بلغت وغلط ,استغفر ربنا وارجع تانى اغير من اسلوبى (وده طبعاااا افضل بكتير من اسلوب الترهيب ) بجد انا اصلا لما بقعد على النت مليش غير المنتدى او حاجات بسيطه فى جوجل وخلاص ,وبعدين بصراحه كلنا هنا ناس من سن بعض فممكن نكون فهمين بعض احسن من اى حد تانى .
27-فاطمة=الوحده=الانطواء=الاكتئاب=التميز
28-صقر ......اروح كل مكان فى الدنيا من غير عوائق او قيود او حدود ....حريه.....انطلاق....وكمان قوه ........
29-بعد الرسول صلى الله عليه وسلم ,اكتر شخص بمووووووووووووووووووت فيه جدى ابو ابويا ,بحبه اكتر من ابوياااا 100 مره
30-مش عارفه بس على حسب المبدا نفسه
..............................................................................

1-الحياه.........ابتلاء
2-الموت.......بداية
3-النجاح......هدف
4-الفشل......ظروف
5-الحريه......فاطمة
6-المال.......سلاح
7-الاسره.....مسؤليه
8-الاصدقاء.....مستحيل
9-الديموقراطيه.....حق
10-الشهره.....سجن
11-اليأس.....انتحار
12-الغرور......انتحار
13-الخيانه......العذاب
14-الدين......رحمة
15-العلم......رزق
16-المبادىء.....شخصية
17-العقل......زينه
18-القلب.........
19-السعاده....مستحيل
20-القمه......صعبه
......................................................................................
.......................................................................................
.............................................................................